اكشن ولادتي 👀
ماخفيكم أني كنت شايله هم بنتي وكسرها💔،، كان زواج اختي 20/8 وكنت قبل الزواج ماخليت شئ الا وجربته كنت أبغى أولد وأهلي عندي ،، كنت كل صباااح اطلع وانزل مع الدرج اكثر من مرة ، وكنت اشرب يانسون وحلبة وكمون وعسل وحبة بركة يومي ،، وامشي كثير في الممشى
كل علشان بنتي المهم ماكتب الله قبل الزواج وجاء زواج وخلص ومن بكرة مشو اهلي💔 بقت اختي الكبيرة وراحت تتمشى الشرقية قالت ان حسيتي اي شئ ابقطع إجازتي واجي عندك قلت الله يكتب الي فيه خيرة المهم جاء يوم الاثنين عادي وضعي جدا زي كل دايم ،، جت الساعة 11 في الليل وكلمت اختي قالت معك هالايومين وبعدها راح امشي الى القصيم قلت لها الله يفرج علي ويكتب لي الخير واقفل الاتصال وادخل ع التجمع طالبة من الله ثم منكم تدعوني لي بالفرج ،، والحمدالله الله استجاب دعواتكم لي❤ بدا الطلق معي تقريبا ع 1 بس كان متباعد ومحتمل وبدت تنزل ع مويا بكميات بسيطة نومت بناتي وزوجي قام ع صوت ونيني قال يالله ابوديك قلت استنى
المهم قامت بنتي الصغيرة وقَعَدت اهدي فيها الين نامت 😔 المهم إذن الفجر ابروح اوضي الا معي افرازات دم مع المويا قلت رجلي صلى وبعدها توجهنا الى المستشفى واستودعت بناتي ،، اكشفوا ع طلع 3 سانتي قالت ولادة ولا إرادي دمعت عيوني حسيت بوقتها بالفرج القريب 😭
المهم رحت غرفة الانتظار ولقيت كتابة الإفادة لأوردة الولادة والحمدالله ختمته وصارت المويا تنزل بقوة جت الدكتورة وكشفت قالت مافيه مويا وسوت تحريض وأعطوني مضاد بالوريد والحمد الله صار الطلق متقارب وع الساعة 8 ونص شرف حسووووم الله يرزقني بره واليوم مشت اختي الى بيتها الله يجزاها خير ويوسع عليها زي ماوسعت ع ❤ طبعا تنومت وماطلعت الا يوم الخميس كنت شوي تعبانه ولدي عنده تحاليل ،، والحمدالله 💕💕
اكشن ولادتي 👀
ماخفيكم أني كنت شايله هم بنتي وكسرها💔،، كان زواج اختي 20/8 وكنت قبل الزواج ماخليت...
بداية قبل كل شيء تذكرون يوم قلت لكم تخاصمت انا وزوجي قبل جية أمي بسبب البنت قريبته والحمدلله على كل حال طبعاً أنا حافظه طبع زوجي وأتوقع منه اي شيء المهم هو كان معاه شغله في دبي يقضيها وكان مأجلها عشان ولادتي قريبة بس بعد ماتخاصمنا عاند ورجع سافر والمفارقه انه يسافر قبل جية أمي بليله !
المهم أنا كلمت أخويا اللي في جده جاب لي أغراضي اللي رسلتها معاه من جده الله يجزاه خير وجاء عندي واستقبلنا أمي ورجع في نفس اليوم
كان موقفي جداً محرج قدام أمي طبعاً تفهمت الوضع لأنه تعرف زوجي وأهله،،
بداية أكشن ولادتي
طبعاً من كم يوم وانا أشكي من شد في رجليني زي الام الدورة هذا غير الضغط على أسفل الحوض بس الأشياء المختلفة تماماً في حملي هذا
1-هو بطني مانزل قبل الولادة زي بناتي ينزل مع الولادة ويصير كل اللي يشوفني يعرف ان ولادتي قريبه
2-الشيء اللي توقعته من بداية حملي أنه ماراح تجيني علامة الإسهال زي ولاداتي السابقة لأنه من بداية حملي
والإخراج عندي ماعاد صار طبيعي يميل للإمساك نوعاً ما
3-الشيء الثالث فكة المويا هذي لأول مره تحصل معي
المهم صباح امس الخميس من الساعة 9الصباح وانا أحس بشيء محشور يدف يبغى يطلع !!!
بصراحة في البداية خفت قلت ايش هذا !!
واول ماقمت من ع السرير أسمع شيء طاخ في الأرض
رحت أجري الحمام ونزل تكرمون زي الحنفيه وكان مخلوط يمكن بالسدادة لان شفت زي الدم بني خفيف ولزج وبعدها صار ينزل صاااافي والريحة فيها زفارة صراحة تعرفين انه موية الجنين
المهم دخلت ع طول تحممت مويا دافئ وسألتكم وشربت حليب بالعسل ولاحتى قدرت أكمله من الربكة المهم اضطريت اخذ شنطة وحده بس وحشرت الاغراض فيها ومشيت للمستشفى مع سواقي اللي يوصلني الجامعة وخلاص الحمدلله المستشفى 5دقايق من البيت وسويت إجراءات التنويم من الطوارئ وطلعت التنويم والممرضات جننوني فين مرافق فين مرافق 😣
المهم وبدأ عذاب الكشف والتوسيع😩😞مروا علي 3 دكتورات و3 ممرضات وطلع انهم متعمدين يصوموني تحسباً القيصري ويشيلون محاليل ويحطون محاليل وطول الوقت في دورة المياة حشرانة من كثر المحاليل وفي العصر اشوفهم الا جايبين دكتور القلب يشوف وضع القلب وسوا لي تخطيط قلبي وقعد يسألني عن. الضغط واذا استخدم له علاج او لا
والمهم أول مادخلت الطوارىء كان التوسع 2 ونص فقط وبعدين صار 3 وبالقوة في الليل وصل 4 والدكتورة مصرية تضحك تقولي قومي يابت أمشي بلاش الرقدة دي😂 قصدها عشان يفتح أكثر وفعلاً مشيت حول ساعة ورجلي اليمين كان مره تشد علي وسويت القرفصاء لأول مره بحياتي وكان كل مايكشفون ويقولون لسى 4 والراس بعيدة أتحطم في داخلي بس أرجع أستغفر وأدعي وألجأ لله
والممرضات يقيسوا الضغط وتجيهم الفجعه ويروحوا يجروا خخخخخ
المهم الدكتورة المصرية لبنى كانت هي اللي تفائلني وماتحسسني بقلق بالعكس وجهها البشوش خلاني متماسكة وبعدين نقلتني عندها غرفة المخاض عشان اكون قريبة منها وأتمشى براحتي في الأسياب وجلست تطلطل لحد ماخلص دوامها ع الساعة 12 ونص وسلمتني لدكتورة سودانية اسمها سهيلة وكمان ماقصرت معايه وفضلت معايه لحد الساعة 8 الصبح والرحم لسى ثابت وشفتهم حطوالي نقط طلق صناعي مع المحلول مع انهم ماكان يبغوا يحطوا طلق صناعي خايفين مِن ضغطي وعلى نبض البيبي لانه فيه تسارع
المهم سلمتني لدكتورة مصرية صغيرة ماهي داريه عن الطبخة وعن وضعي وكشفت ولقته لسى 4 على الساعة 8 الصبح وقالت قومي قومي تمشي الرأس لسى بعيدة 😢😢أنا هنا جاتني غصة ورغبة عارمه اني أبكي بس تماسكت وقمت أمشي وأدعي وأكثر من الصلاة ع الرسول صلى الله عليه وسلم وقبلها بشوي عطوني أبره في المحلول زودوا طلق صناعي وأنا أمشي بديت أحس بأعراض ضغط الولادة اللي متعودة عليها الحمدلله وبدأت أحسب للطلق كان كل سبع دقايق لين صار كل 3 دقايق طلقه رجعت انسدحت ع سرير الولادة وماعاد قدرت حتى أحرك نفسي من الألم وحتى التنفس ماعاد فاد كثير من زود الألم الشديد لحد ماخلاص وصلت حدي وحسيت بدفع البيبي بفضل من الله وكرمه وأنادي ع السستر وتجي تجري ومعاها الدكتورة المصرية وتقولي شطوره وانا لسى مابديت حتى دفع😂😂بس الظاهر فرحت انها جات ع اللحظات الاخيرة وما ازعجتها 😅
المهم حاولت ما أصرخ أبداً أبداً وركزت كل تفكيري ع الدفع لأني فكرت إن وصولي لهذي المرحلة هي خلاصي من الألم وخلاص لولدي حبيبي من ضعف النبض والمضاعفات خاصة ان كان قربت أكمل 24 ساعة ع نزول المويا والحمدلله والشكر دفيت مره اثنين ثلاثة والرابعه طلع ولدي حبيبي 😭الحمدلله والشكر ماتتخيلون كيف احساس الفرج بعد الضيق يارب لاتحرم هاللحظة لكل حامل يآرب
وبعد كذا خلوني نص ساعة أريح واخذوا الطفل ونظفوه وسلمت عليه وخذته الحضانه الظاهر عندهم سيستم معين يمشوا معاه في المواساة
وودوني لغرفتي بصراحة الطاقم الطبي كان ممتاز طبيبات وسسترات الله يجزاهم عني خير الجزاء فعلاً التعامل الراقي ماله دخل لا بشكل ولا لون له دخل بأخلاق الانسان وتربيته،،
الحمدلله اللي سخر لي قلوب رحيمة ونصيحة من قلب كوني مع الله دوماً وأبداً ولاتعلقي نفسك بالبشر لأن قلوب البشر بيد رب البشر يسخرها كيف يشاء،،