ام اصيل الحجازيه :

قعدت اقراء التعليقات الي فاتتني بالتجمع الخامس للتباشير حبيت ارد على الي قرائتو هناك . . شفت استفسار منك يااشراقه عن نوع المرايه الي عندي (مرايه عاديه) ولاصقه فيها ثيم يعني مو كرستال ومااشاء الله على ترتيبك لملابس البيبي مرا شي يفتح النفس ماشاء الله تبارك الله الله يسهلك وتولدي بالسلامه ان شاء الله . . ام رهف 🍭 شفتك سألتيني اذا الميكروب نزل من ولدي ايواا الحمدلله نزل عشان كدا سولو خروج الحمدلله . . دموعي قريبه وطبوعي 🍭 قرات كلامك بخصوص انو عيالك تجيهم بكتريا خارجيه يعني ماوصلت للدم بس تميم قالولي الميكروب كان بالدم ف يمكن عشان كدا طول بالحضانه قعد 10 ايام 💔 لين راح الميكروب عن طريق الادويه . . غروب 🍭 دوبي اشوف تعليقك انك حلمتي فياا وانا مسويه حفله ياحبي لك 😍😄 وتسلمي عالدعوات حبيبتي . . فوق الغيوم احلامي🍭 شفت سؤالك عن رده فعل اصيل الحمدلله مبسوط بس محزني ماسار ينام بحضني 😪 لانو يشوفني احط تميم بالسرير ف يبين لي انو هو كمان ينام بالسرير ياعمري عليه 😢❤ بس مرا يوترني اصيل لما حركتو تزيد اذا غيرت الحفاض لتميم يجي يتحرك وينط 😑 وافهمو انو كدا غلط ويهجد ويرجع تاني يبدع 😐 الله يهديه وشفت ردك بخصوص كريم سودو انا بصراحه مااشتريتو لانو يلغوس اليدين وحاليا سرت بعد كل غيار حفاض احط كريم سيباميد حق الحفاض والغيار الثاني احط بودره سيباميد يعني مرا كدا ومرا كدا والحمدلله خف عن اول بس لسى الحساسيه موجوده ف من اليوم ابغى احط فازلين مع النشا وان شاء الله تنفع . . ساميه بااخلاقي 🍭 سويت زي ماقلتي وحاولت اخليه بدون حفاض بس مرا يبكي مايحب 💔 نفسي اخليه يتهوا شويه بس مايرتاح يحب يكون مكوفل واذا شلت الحفاضه عشان اغيرلو يضايق ف مرا مستغربه لان اصيل لما كان بعمرو يحب افتح الكوفله ويتحرك ويلعب اما تميم العكس 😐 . . خزامي & ورده جوريه طمنوني عن اطفالكم خرجو من الحضانه ؟؟ . . شيخه 🍭 شفت تعليقك بالتجمع انك فرحتي لي لان ولدت طبيعي الله يسعدك حبيبتي ويحفظلك احبابك سعادتكم ليا مرا تفرحني 😊 . . خزامي 🍭 قرات تعليق لكي عن الم المغص الي كانو طلق جربتها صراحه مولمه ومتعبه 😭 مااتوقع انها غازات اتوقع الرحم ينكمش ويرجع لمكانو انا قعدت يومين اتالم الم قوي وابكي واليوم الثالث كان اخف وكل يوم يخف تدريجيا دحين الحمدلله راح دا المغص وبخصوص الرضاعه كان اعتماد تميم على الحليب الصناعي لانو اتنوم بالحضانه 10 ايام ف انا بالزيارات كنت اجي عندو ارضعو طبيعي ولما كتبو خروج لتميم سالت عن نوع الحليب بس رفضو يقولو بحكم ان حليب الام افضل بس اشتريت حليب سيميلاك سرت اديه رضعه وحده باليوم تقريبا على الساعه 3 الفجر اديه رضعه وحده صناعي وباقي الوقت اديه من صدري وبخصوص كم دقيقه بصراحه انا اخليه يرضع من صدري لين هو يرفض ويشبع او اذا لاحظت انو غطس ونام ومايحرك فمو ف اشيل صدري من فمو وانتي تاكلي مضاد ايوا عادي رضعي . . حكايه ممله 🍭 الحمدلله هانت وباقي شويه وتخلصي الاختبار على خير يارب وكويس رتبتي الشنطه - الله يحفظلك الوالده ويرزقك برها بخصوص انك تشدي كلمي الدكتوره وقوليلها انك من النوع الي يشد وهي يسير تحاول تكون متعاونه معك وقت الكشف وبخصوص اذا الجنين دخل الحوض روحي المستوصف الي قريب من بيتك واكشفي . . جوانا ون 🍭 حتى انا زيك كنت احس بطني مرفوعه مرا وقبل ولادتي بيوم واحد سبحان الله ماما جات قالتلي يابنتي بطنك نازله مرا وقتها كنت معزومه بحفله تخرج بنت اخت زوجي وماما لاحظت واليوم الثاني ولدت ف الله اعلم اذا الجنين نزل قبل الطلق بمده ولا بيوم الطلق وبخصوص التحجير الزايد الي يجيكي بأذن الله ولادتك قريبه . . راما 🍭 قرات تعليق لكي انو تحسي بطلق وتبغي حاجه تعجلها انا انصحك بالمشي يوميا لمده 40 دقيقه واشربي مويه مقريه فيها الاورده انا اعتمدت هالشيئين والحمدلله جاني الطلق طبيعي وبعد ماتنفتح المويه بالمستشفى يحمى الطلق وبخصوص زوجك يزن عليكي لاتخلي هالشي يعطيكي طاقه سلبيه خليكي مقتنعه ان كل طفل ويجي يومو معاه الي ربنا كاتبو ف لاتضايقي اي كلمه يقولها زوجك اسمعيها من جهه وطلعيها من الاذن الثاني 🙊 ربي يسهلك وتولدي بالسلامه . .

قعدت اقراء التعليقات الي فاتتني بالتجمع الخامس للتباشير حبيت ارد على الي قرائتو هناك . . شفت...

دموعي قريبه وطبوعي :

ام التونا تذكرت ارد عليك بالنسبة للدوخه مسكتني من الثامن حتى الولاده كل تحاليلي سليمه الحمد لله ونسبة الدم11 حلو وكنت اعاني من الدوخه اخاف يجيني شيء لوحدي بالاخير عرفت إنه بسبب السهر اولا ثم السبب الثاني تغذيتي ما كانت منتظمه فكنت اخذ تمر احيانا وزبيب اسود احبه واكله عادي لوحده مع القهوه حاولت اخذ بروتين في اكلي والحمد لله صارت أخف وبعد الولاده الحمد لله اقدر اقول باقي 10% وتجيني إذا ما اكتفيت نوم وسهرت

ام التونا تذكرت ارد عليك بالنسبة للدوخه مسكتني من الثامن حتى الولاده كل تحاليلي سليمه الحمد لله...

@ام وسام@ :

السلام عليكم. . وماشاء الله تبارك الله. . يارب هالتجمع يكون فيه أخبار مفرحه لكل التاسوعيات والمعوشرات😬... بجد انا مقصره معاكم وخجلانه بالمره بالله تسمحوني. . أم أصيل وساندرا الف مبرؤؤك خروج أطفالكم وربي مايشوفكم فيهم مكروه. . ...والف الف مبرؤؤؤك لكل اللي ولدوو. .. ميرااااال يعطيك الف عافيه حبيبتي ماقصرتي. ... ترا انا لسى ماقرات هالتجمع نهائي الحين بكيف عليه مع كأس قشر😈

السلام عليكم. . وماشاء الله تبارك الله. . يارب هالتجمع يكون فيه أخبار مفرحه لكل التاسوعيات ...