فوق الغيوم احلامي :

سلام صبايا كيفكم من العصر وانا الحق وراكم والحمدلله وصلت بالسلامه ابشركم بس هذا التجمع اللي ع طول نطيت فيه التجمع السابق مالحقت اقرا منه شي انشغلت جوني ضيوف وناس رايحه ناس جايه وبنتي كتكوتي مجننها المغص والله لها ثلاث ايام ماتنام الا الفر بعد ماتجنني معها اضطريت اليوم اوديها للدكتوره خفت تكون تعبانه بس الحمدلله طلع بس المغص هو اللي معقدها وكنت شاكه انه المغص بس زوجي الله يهديه موسوس زياده يقول البنت اكيد تعبانه فيها شي الله يستر فخلاص انا وسوست معه قروشني بس لما رحت للدكتوره طمنتني انو طبيعي لين 3شهور المغص وهي بنفسها الدكتوره تشكيلي من ولدها توها ولدت وتوه خلص الاربعين ولدها وتقول مغلبني ومتبهذله معه قلت الله المستعان جيت للدكتوره اشكي فطلعت هي تشكيلي بس الحمدلله طمنتني وقالت اعطيها يانسون بس ماتقبلته بنتي قامت تستفرغ قالت خلاص لاعاد تعطينها لان اليانسون بدون سكر عشان السكر بيزيد المغص وهي موناقصه فالظاهر الطعم مااعجبها قالت سوي لها نعناع وان شاء الله تتقبل الطعم يارب وبرضو قالت لي استمري اعطيها دواء الانتفاخات اللي هو السالينال بشكل منتظم لحد خمس مرات و10نقط واذا استمريت عليه ان شاء الله يخف المغص طبعا اعطيها برضو حليب صناعي خاص بالغازات وان شاء الله يارب تخف واهم شي انها ظل تنام وتريحني والله صرت ماانام الا الفجر واصحئ الساعه 9وعليها وهي ترجع تنام النهار متواصل واحيانا انام معها واحيانا اذا جاني ناس مايمديني الله يعين يارب .وبرضو قالت لي الدكتوره ظل خليها تنام ع بطنها بس تنتبهين لها وماتطول وفعلا لما انيمها ع بطنها ترتاح بس صبايا عندي استفسار اللحين الدكتوره تقول الرضاعه كل 3ساعات بس المشكله انها لما ترضع مثلا اللحين يجي بعد ساعه ونص او ساعتين تبي ترضع ولما ارضعها من صدري احسها ماتطول ترضع مني يادوب ماتكمل 5دقايق مادري كم المده اللي تجلس ترضعها من صدري لان ع طول تنام او تفكه ماعاد ترضع يعني عادي لو رضعت ع اوقات متفرقه مادري فهمتوا قصدي او لا وبرضو مشكله ثاني لما ترضع طبيعي مني تستفرغ بكثره عكس لما ترضع صناعي ماتستفرغ كثير مادري وين المشكله هو انتوا زي ولا احد قد مر بهالشي لان زوجي يقول خلاص لاعاد ترضعينها من صدرك دام تستفرغ لان مادري وش السبب وانا ودي ترضع اطول فتره ممكنه عشان تقوئ مناعتها وتكون احسن من اخواتها لان مناعتهم ظعيفه ومن ادنئ شي يمرضون وصرت اعطيهم فيتامينات ومقويات عشان المناعه جننوني بكثر الامراض الله المستعان والحمدلله ع كل حال اسفه طولت عليكم بس من جد مره متقروشه وبكره عندي موعد للمدرسه طالبين امهات الصف الاول بالحظور عشان يتناقشون مع الامهات كيف يهيئون الطالبات المستجدات لدخول المدرسه ومصرين ع الحظور للامهات. بس شكلي بسحب عليهم اذا ماخلتني بنتي انام زين

سلام صبايا كيفكم من العصر وانا الحق وراكم والحمدلله وصلت بالسلامه ابشركم بس هذا التجمع اللي ع...