شيراز واميره انا كدا بعد اسبوع وقف الدم بس لاحظت شيء لمن اشرب مرقه الدجاج مع قطع دجاج ينزل الدم ف يومتها اما مرقة اللحم ماينزل عادي زيه زي اي اكل مدري ايش السر 😄،
ام رهف وفوق الغيوم بنتي زي بناتكم كل ماارضعها تنام بعد خمس دقايق وتصحى بعد عشر دقايق وارجع ارضعها ثاني وتنام بس صراحه مااوقت لها كل ماجاعت اعطيتها صدري وسمعت كل مقاطع رولا قطامي بخصوص الرضاعه الطبيعيه ، وسالت الدكتور يوم مراجعتها قالي ماتعطيها ولا شيء غير حليب صدرك حتى اليانسون والمويا وسكر النبات ومنقوع التمر كله قالي لا وطبعا الحليب الصناعي كمان ممنوع ، المستشفى الي ولدت فيها مايحبوا يعطوا صناعي عشان كدا بعد ماولدت طول الوقت بنتي عندي ماياخذوها بس يغيروا لها ويرجعوها وحالات يغيرولها الحفاظه عندي ف الغرفه ،،


وبكريتي كنت اعطيها طبيعي وصناعي ايام الاربعين واذكر تطرش حليبي زي النافوره والصناعي اخف تطرشه ف كنت مستغربه وامي قالتلي خلاص لاتعطيها حليب صدرك عشانه خفيف يطلع ف استمريت ع الاثنين الين 6 او 7 شهور وفطمتها من صدري وخليت الصناعي ،
ف ممكن لمن يدخل الاثنين مع بعض يأثر ع بعض الاطفال وانه لازم واحد منهم ي صناعي ي طبيعي ،،وطبعا الافضل طبيعي ، معنه مايتخن ☹ قالي الدكتور خليها نحيفه عادي ولا تكون تخينه وصحتها تعبانه ،،


ف دحين مادخلت الصناعي وبرضوا تطلع بس مو زي النافوره الحمدلله لكن كل بعد رضعه تطلع ف قولت انا شكله بناتي كدا من النوع الي يطلع ويوقف ع 8 شهور الترجيع ..


وحق الغازات اشتريتلها انفاكول اختي مدحته ليا ..

بنات بخصوص الامساك الحمدلله خف كثير يارب لك الحمد والشكر ، الي سويته رجعت استخدم الملين ابو علبه صفرا ومن جوا حبيبات بنيه اعطوني هو اول يوم ف المستشفى وماعرفت اسفه بالمويا ف كنت امضغه ومكتوب ممنوع المضغ وماعرفتله وحسيت اني برجع ف طلبت السايل ومانفع معايا قعدت 10 ايام متعذبه من الامساك شعور مزعج بس الحمدلله رجعت للملين الاول وصرت اشربه مع عصير منقا عشانه اثقل من المويا ف ينبلع الحمدلله وكمان ليا يومين اشرب منقوع التين المجفف وحده ذكرتني بالتين ف التجمع جزاها الله خير قولت كل 3 ايام اجرب شيء والي يزبط استمر عليه والحمدلله زبط التين مع الملين ابو علبه صفرا 😁👍🏻..

هيوف وعلو وأم النور الف مبروك المواليد والحمدلله ع سلامتكم
عقبالنا يارب
__
ام رهف الحمدلله ع سلامة بنتك
_
البنات اللي نوناتهم ينامو وقت الرضاعة فكو عنهم المهاد او الكافولة عشان يتنشطوا ويرضعوا
_
انا رجعت أفكر بالولادة 😩 غصب عني نفسي اولد بدري
الله يفرجها علينا يارب

مساء الخير كروشات و نفوسات ❤❤


الله يسلمكم من كل شر❤❤تسلموووو❤❤


بنات في حاجتين مهمتين جدا ،و انا استفدت منهم كثيييير
الكلوتات الاستخدام لمرة واحدة،مررررة روووعة👍👍👍و مريحة
وكمان مخدة الرضاعة،صراحة استفدت منكم كثير❤❤لاني في بنتي
ما اشتريتها و لا اشتريت الكلوتات،واشياء ثانية😅😅




و بنات عندي سوْال ، منطقة البطن من بعد الولادة مسمرة مرررة عن باقي
الجسم 😰😰و تعقدت منها😔😔كيف يرجع لونها،و كمان سوْال ثاني
الدم شبه انقطع او بالاصح بس شي بسيط كانها افرازات فيها شعيرات
دموية مرة او مرتين باليوم و باقي اليوم الفوطة نظيفة😐😐😐😐
انا والدة 12 يوم؟؟؟عادي بنات ؟؟؟

الحمدلله انحلت المشكلة،حتي أعاني منه😐😐بس اخف كثيييييير
من الحمل و لله الحمد،اخاف اشرب الملين و ينزل في صدري😐😐
ويسبب لي بنتي شي😐😐انا اصلا موسوسة خلقة😰😰و بنتي وزنها
صغير،ابيها تكبر بصحة و عافية،و مثلك اخاف من الأعشاب و اي شي
يعطي للطفل🙈🙈🙈🙈و هو لسه رضيع🙈🙈🙈🙈