ملكة القلوبss :

ما ادري من وين ابدأ .. أول شي صار مع زوجي حادث والحمدلله نجا من الموت بفضل الله سبحانه .. ظل فترة ف المستشفى وأنا كنت تعبانه بسبب أن الماي زاد عندي للضعف .. بعد ماتشافى زوجي والحمدلله .. ظليت أسبوع وزيادة تعبانة يمكن لأنه إلى زاد التعب زيارات الاقاراب والمعارف لزوجي في فترة النقاهه .. بعدها دخلت المستشفى وتنومت كملت اليوم الثالث كنت احاتي عيالي لأنهم عند الجيران ف فترة الصباح لأن الوالدة تداوم والمساء يكونوا عندها .. جاتني ازمة غ التنفس واحتجت لأكسجين بسبب الماي لأنه وصل بضلوع صدري وجاتني الدكتورة وقالت بنسويلك طلق وبنولدك لأن حالتك حرجه والبيبي بعد تعبان وقالت بس انتظري يومين تفضى الحضانه لأنه بعدني كنت ف الأسبوع الثاني من الشهر الثامن .. بعد خمسة أيام تخرجت من المستسفى والسبب ان الحصانه ما فضيت .. جلست يومين ف البيت وتعبت مره ورحت المستشفى وتنومت مره وقالولي فيه حضانه وعملوا لي أشعة وفحوصات وجهاز التخطيط عشان يطمنو ع الليبي .. والحمدلله كان كل شي تمام .. وباليوم الرابع قالولي احتمال البيبي مايعيش لإنه كثير تعبان والصراحة تعبت وبكيت كثير وجاتني صدمه لأن كلامهم كان كثير قاسي .. اتصلت على زوجي وخبرته وجاء وصار بينه وبين الدكتورة نزاعه لأن التأخير والإهمال من المستسفى .. بعدها تخرجت وظليت بالبيت يومين ورحت موعد المستشفى وتنومت واكدولي انه فيه حضانه وراح يولدوني عملية لانه صعب اولد طبيعي بهذا الوضع (طبعا كل مره دكتورة تستلم حالتي ) وفى اليوم الأول ولما سألتهم في اليوم الثاني عن موعد العملية تخيلوا قالوا ما مقرر لك عملية انتي بس تحت الملاحظة انا كنت خلاص تعبانه من الماي والثقل وتأثيرة على النفس كان بطني مبين وكأني بالعاشر وظليت أبكي من القهر وقدام عيوني جابوا وحده وبدوها علي وقالوا حالة البيبي حرجه وبالليل سمعتهم يتكلموا أن المريضة عندها ماي زيادة و البيبي وضعه بخير (يكذبوا عيني عينك) حسبي الله عليهم.. في اليوم الثالث حولوني على مستشفى ثاني على أساس اعيد الفحوصات وبعدها يقرروا طريقة الولادة وفعلا رحت وتنومت وعادولي الفحوصات وقالوا المفروض يولدوك من السابع لأن الماي خطير ووممكن يغرق البيبي أو يعمله تشوهات (بسلامة اولاكن) وقالت مبين ف الأشعة ان البيبي ماعنده أطراف اليد ليه كل هاالوقت مأخرينك قلتلها قالولي ما في حضانه .. بعدها قالت بشوف اذا فيه حضانه بنولدك بس للآسف كانت حضانتهم متروسه ومزحومه .. فعطوني تقارير ورجعوني ع المستشفى الي اتعالج فيه على اساس يقرروا كيف بتكون الولادة .. ولما رجعت على المستشفى الي أتابع فيه .. قالوا بنومك وبنسحب الماي الزيادة عن طريق إبرة طويلة ولما سألتها الدكتورة هل هذي الطريقة آمنة وشو سلبياتها تخيلوا يا اخواتي انها ما ترد علي وسفهتنا .. رافعه خشمها فوق وزوجي يكلمها وأمي ولا ترد .. وتنازع زوجي ورحنا البيت .. وسألت الي اعرفهم وحتى عمتي الممرضه قالت ماسمعنا عن ذي الإبرة .. وبعدين أمي سألت جاراتها وخبرها جارتها أن هذي الإبرة خطيرة لو دخلوها غلط تسبب التهابات وعدوى جرثومية ف الرحم وممكن تجي ع الجنين .. قال زوجي خلاص بروح الإدارة واشتكي عليهم الدكتورات الي كذا عذبوك .. وراح ووصل لحد فوق وبعد تعب كبير قدر يوصل للمسؤول والحمدلله وكلمهم بحالتي وعطاهم كل الأوراق والتقارير .. والرجال انصدم لما شاف الأوراق .. قال هذي المفروض تكون مولدينها من زمان ومخلين الطفل ف الحضانه .. يقول : ليه كذا سوء فيها ... قاله زوجي ما اعرفهم اسألهن وزوجتي خلاص تعبانه من الماي وصارلها شهر ماتتحرك من الفراش ولاتمشي ولا تقدر تتنفس عاد واصل الماي ف صدرها والضلوع متورمات .. عاد قاله .. خلاص بكره نسوي اجتماع ونستدعيهن..وباليوم الثاني سو الاجتماع والمسؤول تنازع معهن على إهمالهن وقالهن هذي الحاله طارئة وخلصوها بسرعه .. تصدقوا ف نفس يوم الإجتماع كان الخميس اتصلوا فينا عشان تنويم وحددولي بالجمعة العملية..وقبل العملية عملوا لي القسطرة وعطوني ابرتبن تحت وبعدها بكم دقيقة حسيت بوجع فظيع نفس وجع الولادة سألت الي منومه جنبي قالت مابصير لهم وجع من يركبوا القسطرة قلتلها فيني وجع ولادة بعدها بشوي تبطل الماي وقاسوا الرحم طلع فاتح 4سم و البيبي صارت رجله تحت..قالوا خلاص بتولدي طبيعي..فجأة نزفت وجاني وجع يموت وطلع جزء من المشيمة..تخيلوا حتى المشيمة انفصلت وتفتفت من كثر الماي..لو ما الله سبحانه متلطف فيني وكنت ف المستشفى (كنت بسلامتي رحت فيها).. الحمدلله دخلوني عملية بسرعه حتى قبل عن يجي زوجي وأمي..استغربوا كيف دخلوني عملية من وقت .. قالوا حالتها صارت خطيرة وطارئة واضطرينا بسرعه ندخلها عملية.. الولد طلعوه وشلوه العناية المركزة وكان الماي ماكلنه وماصنه ** وراسه كله ماي من ورا ووزنه ضعيف واجد.. وجلس ثلاث ساعات وتوفى..ما طاعت تشتغل الرئة..حرقوا قلبي عليه 😞💔 ارتاح من العذاب وربه اختاره .. ربي يجعله شفيع لي ولوالده يوم الدين ..لله ما أعطى ولله ما أخذ. سمحولي عكننت عليكم فرحتكم وطولت عليكم

ما ادري من وين ابدأ .. أول شي صار مع زوجي حادث والحمدلله نجا من الموت بفضل الله سبحانه .. ظل فترة...

لولؤة عقل زوجها :

ام اليمين ايوا مازال الطلق بارد 😢💔 زوجي هديتي خليكي مركزه اذا اقل من عشر حركات لازم تروحي تتطمني ام وئام اش دي المستشفى قهروني كل يوم بكرا الدكتوره تجي ؟! روحي اتطمني وان شاء الله خير

ام اليمين ايوا مازال الطلق بارد 😢💔 زوجي هديتي خليكي مركزه اذا اقل من عشر حركات لازم تروحي...