Astela :

صباح الخير كيفكم جميعا الف الف مبروك للي ولدوا وربي يسهل عالبقية وشكرا لكل اللي باركوا لي 💓 بالنسبة لاكشن الولادة اولا : ولدت في اخر يوم من الاسبوع ٣٧ ثانيا : هذا طفلي الثالث والولادات اللي قبل كنت اخذ ابرة الظهر بعني ماعمري جربت الالم وانا بطبيعتي خواااااافه طبعا عندي ملف في مستشفى حكومي لان عندي جلطة وتنومت عندهم لانه جاني طلق في الثامن فعشان كذا استمريت واخترته للولادة جاني الطلق الساعه ٥ الفجر يوم الاحد طبعا انا كان يجيني الم من الثامن لكن من اول طلقه عرفت انها ولاده صليت وجهزت ولدي للمدرسة ورجعت انام وكل شوي يقومني الم محتمل قمت الظهر وفطرت وجهزت الغداء لزوجي وولدي وطوال الوقت اتمشى في البيت والالم منتظم لكن محتمل جدا بعد صلاة العصر صار الالم يوقفني وزوجي يبغاني اروح للمستشفى وانا رافضه اقول باقي بعدها استسلمت ورحت عالمغرب ونص ساعه في الطوارىء وكل ما جاني طلق تمسكت في الجدران او اي حرمه اقابلها😂 قاست الدكتوره طلع ٨ سم وسوت سونار سريع للنبض وشافت وين الراس وطلعوني عالولاده على طول طبعا وقت الطلق بس اون بصوت واطي ومؤدبه وفي نفس الوقت خايفه ما ادري ايش بأواجه دخلت غرفة الولاده ٧:٣٠ و الساعه ٩ الا ربع تقريبا بدأ الالم اللي خلاني اصيح بكل صوتي الم الدفع سبحان الله صح مؤلم لكن وقتها تجيك القوة اللي يخليك تدفعين غصب دفعت ٣ او ٤ مرات وخرج الراس وبعدها دفعه وحده قويه وخرج كامل الجسم وحطوه على صدري وهو يبكي شويه وشالوه بعدها بدأت تخيط لان ولدي شق المكان وقت خروج الراس الحمدلله اللي فرحني بابني وبانتهاء كربي تعبت في حملي هذا كثير الله لايحرمني الاجر

صباح الخير كيفكم جميعا الف الف مبروك للي ولدوا وربي يسهل عالبقية وشكرا لكل اللي باركوا لي...

mahosh :

صبااح الخير الله يبارك فيكم جميعا ابقول لكم الاكشن يوم الاربعاء كان معي طلق خفيف يرووح ويطول مايرجع طلعت للحديقه مشيت لي نص ساعه وتعبت ورحت تعشيت ورجعت البيت واحس بطني شااد مره حطيت مره بقهوه وشربتها ونمت وقمت عادي العصر صار جماع سريع وغفيت شوي واصحى ع طلق ورى بعض واركض للحمام واخلي المويه تصب على ظهري حتى خلصت المويه الحاره واستمر الالم وافرح وامششيي بالبيت واتقرفص بس استغربت طلقتين ورى بعض قويه بعدين يروح ويجي طلق خفيف مو منتظم وقوته تختلف طلعت ومشيت ورحت اتقهوى واقعد بمكان صاد اذا جت الطلقه اتنفسس وادعي واذا راحت سولفت مع زوجي واجلس ع هالحال لين بعد المغرب ونطلع نروح للمستشفى بس المشوار بعيد قاال زوجي خليني اوديك للمستوصف تفحص اذا ولاده نروح ناخذ اغراضك وللمستشفى بما انه بعيد وزحمة الرياض ويوم خميس وقت ذروه قلت خلاص اللي تشوفه ونوقف عند اقرب مستوصف وامشي بالممرات حتى دخلت ع الدكتوره واعلمها قالت مااقدر افحصك الا بسونار رفضنا وطلعنا للمستشفى وهنا زاد الطلق ع اذان العشاء صار كل خمس دقايق وادخل عليهم وتكشف قالت اربعه سم ارقيك فوق ولاده ورقوني ولاده وغيرت ملابسي وجلست ادعي شوي وامشششي واتقرفص وطلبتهم ابرة الظهر ع ماخلصوا تجهيز الاوراق وجت دكتورة التخدير وحطت الابره تعور وقت دخلتها بس تحملتها ع اساس يختفي الطلق ، خلصصت وانتظر اتخدر للاسف واطلب الدكتوره وتجي تفحص قالت 7 وتفتح مويه البيبي ويجي الطلق المتواصل وللاسف تخدر الجزء اليمين بسس واليسااار احس بالطلق والدفع وعطتني طلق صناعي وطلقات ورى بععععض واصرخ احسس بالدفع وادفع وترجع بس شديت عمري شوي ووسعت الدكتوره ودفعه قويه وطلعت بنوتتي الساعه 12 الا ثلث يوم الخميس ولاني نزفت بحملي الاول اول مادخلت علمت الدكتوره عشان تاخذ احتياطها وللاسف نزفت بعد تعبت مره بس تسهلت وتيسرت

صبااح الخير الله يبارك فيكم جميعا ابقول لكم الاكشن يوم الاربعاء كان معي طلق خفيف يرووح ويطول...