مساء الخير بنات
اختفيت عنكم شوي بسبب تعب العمليه ودخلو ولدي الحضانه يومين بس الحمدلله طلعنا الان
بالنسبه لولادتي سبحان الله كل شي صار عكس ماتوقعت ورتبت لكن الحمدلله على سلامتنا😣
جاتني بدايه الطلق صباح الثلاثاء والساعه ١٠ الصباح رحت المستشفى قالو ١ سانتي
رجعت البيت احاول اريح ماقدرت وبدا يتباعد الطلق صار كل نص ساعه وريحت شوي ورجع شد العصر مرره وعلى ٦ رحت فحصت قالو ٢ سانتي بعدها جلست ل١١ وصل ٣ سانتي قالت خلاص ولاده لاتطلعي
المهم طلبت ابره الظهر وانتظرت لمن فتح خمسه ونص وانا خلاص ميته من التعب واصارخ جيبو الابره خلاص متت وشالوني عالتخدير وانا طلق وبالعله تثبت واخذت الابره والحمدلله بدا مفعولها ورجعت شميت نفس شوي وكانت الساعه ٤ الفجر وجلست الى ٦ وثلث جو يفكو المويا كان فاتح ٧سانتي ودكتورتين كانو تغير وجههم قالو الجنين تبرز والراس ارتفع شوي وعلى طول استدعو الاستشاري ونادو زوجي يوقع العمليه
طبعا انا وقتها مدري اش احكيكم صدمه ولا خوف ولا ايش بس قلت ماهمني نطلع بالسلامه وبس 😭😭😭
جاء زوجي قال خلاص عمليه وعادي الحمدلله لاتخافين وهداني وبسرعه جاء الاستشاري وزوجي وشالوني لاني مخدره من ابره الظهر وعالسرير ودخلوني العمليات وبسرعه يجهزوني طبعا لاني دقيت الابره ماحتاجو تخدير بس زادو الجرعه لي
وانا عيوني على حق التخدير اسأله هاه طلع اش صار وهو يهدي فيني وانا خلاص 😢
لمن سمعت صرخته شعور لايوصف 😭😭😭وجابوه لي ابوسه واخذوه بعدها ما ادري عن شي صحوني لمن خلصو تقفيل العمليه وودوني غرفه التنويم ولقيت اهلي كلهم وانا ارجف من برد العمليه وطبعا انا ماكنت ناويه اعلم لمن اولد لكن لمن تحولت عمليه زوجي بلغ اهلي
طبعا وانا بالعمليه نزل بالحوض ورجعوه 😣 احيان اقول يمكن انا ماكنت محتاجه عمليه بس مابي اترك مجال تفكير بشي صار وخلص واهم شي سلامتنا
هذا اكشن ولادتي والدرس المستفاد انه مهما رتبتي وخططتي لشي تأكدتي ان بلحظه ممكن كل شي يتغير لكن اهم شي خلي ايمانك بالله وقضائه قوي واستودعو انفسكم واجنتكم كل يوم 💙
مساء الخير بنات
اختفيت عنكم شوي بسبب تعب العمليه ودخلو ولدي الحضانه يومين بس الحمدلله طلعنا الان...
احنا بنتحمل تعب الحمل والولادة والتربية عشان عيونهم .. الله يحفظهم لنا ويعينا أجمعين❤️
وعقبالك وعقبال كل الحوامل الباقيين💜💜