ضياء قلبي :

اكشن ولادتي طبعا تذكرون من دخلت التاسع و الرحم مفتوح بدون طلق ، و كان عندي مراجعه قبل اكثر من اسبوع كنت في الاسبوع ٣٨و اربع ايام و كان الرحم مفتوح ٥ سم بس كمان ما جاء معه طلق ولا انفكت المويه ، و عطتني الدكتوره موعد تنويم مفروض يوم الاثنين الي طاف و رحت مسكوني كم ساعه ولما التخطيط ما بين طلق و ممكن اجلس ساعات تعب عندهم قبل الولاده تركوني اروح البيت رجعت بيتي و مافي اي بوادر الم ، كنت بالليل كل يوم احس مغص مثل مغص الدوره ، هاليومبن كنت قبل انام اشرب زعفران بالحليب و اكل تمر و امشي عشر دقايق بالكثير لاني احس رجولي و ظهري يتكسر من الالم لو اطول و المهم انه الصباح يختفي كل الالم 🤔🤔🤔، امس الاربعاء بالليل سبحان الله من بين الايام مافي اي مغص و لا الم و نمت على ال١١ و صحيت صليت الفجر ، و بعدها رجعت سريري افكر اللبس بنتي تروح التمهيدي ، الساعه سبعه الاربع و تلسعني هذيك الطلقه سريعه و ما طولت و تختفي و حسيت اني احتاج الحمام و يكرم السامعين ، اروح الحمام و الا معي اسهال ، قلت اخذ شور و افطر اللبس بنتي ( 😂😂 اخطط لساعات ما ادري الي بجيني 😂)ولو تكرر الالم اروح المستشفى و طلعت من الحمام في اقل من خمس دقايق و الطلقه الثانيه ، صحيت زوجي و اصحي بناتي الا الاحظ انه الطلق مره متقارب اقل من ٣ دقايق بينهم كان محتمل شوي ، صح وقت الطلقه اجمد مكاني ما اقدر اتحرك لبست بناتي ولبست خلال عشر دقايق ، حتى ما امداني اتروش 😐😐، و جري على السياره ، نزلت بناتي عند جارتي الساعه سبعه و اربعين دقيقه ، و كان الشارع زحمه وقت المدارس الصباح ، و المستشفى بالعاده ربع ساعه ، اخذ المشوار ساعه ، و الله اني كنت بولد في السياره الطلق ورى بعض و احس بالدف للتحت و اقول لزوجي وقف خلاص ماني واصله المستشفى اتصل بالاسعاف يولدني هنا 😭😭😭😭 اربكته و جننته المسكين وانا اخبط بيدي في الكرسي و افك رجولي و الملمهم من الالم ما ادري كيف اجلس 😥😥 ، بس بعدها الحمدلله حاولت اتنفس التنفس الصحيح و اصلي على الرسول يخفف عني ويشتت تفكيري من الالم و صلنا الحمد لله المستشفى و ينادي الامن يحطوني على الكرسي و بسرعه للقسم و صلت المستشفى الساعه ٨ و اربعين دقيقه و تجي الممرضه تقولي بدلي ملابسك ، قلتلها شوفي وين الدكتوره انا بولد الان نادي الدكتوره بسرعه ، ههههههه فجعتها اكلمها بصوت قوي قلت لها انا خمسه سم من اسبوع ، لاني فعلا خفت اولد وقتها ، و تنادي الدكتوره باعلى صوت تجي الدكتوره تجري و اطلع السرير و تكشف علي بملابسي ، الا تنادي ولاده الرحم ١٠ سم و كيس المويه بنفك الطفل خلاص بيطلع ، و تدفني بالسرير و تجري على غرفة الولاده ، و تمتلي الغرفه ممرضات و دكتورات ، اللي تخلع ملابسي وتلبسني لبس المستشفى و الي تحط المغذي و اللي تعقم و اللي تطلع الادوات ، وانا امسك كل وحده من يدها اقول عطيني مسكن 🤣🤣🤣 الا الدكتوره تقولي ما يمدي بتولدي الان و فعلا اللهم لك الحمد حتى ترضى و لك الحمد بعد الرضى ، خمس دقايق و انا والده و بنتي في حظني ، ما شاء الله تبارك الله ثلاث دفات و طلعت الاميره ❤❤❤ ربي يبلغني فيها ما اتمنى و يرزقني وابوها برها و صلاحها هذا اكشني الحمدلله على التمام و السلامه، عقبالكم جميعا يابنات بالسلامه يارب اهم شي زوجي بعدها قالي اتاريك من جد كنتي بتولدي بالسياره احسبك تهولي 😄😄😄😄 على بالهم نمثل الالم ، الله يعظم اجرنا طبعا هذي الولاده الاولى لي من غير ابرة الظهر اول مره اجرب الطلق مستمر بدون اي مخدر او مسكن ، الحمد لله كانت سريعه و على طاري الهجه والله اني في طريقي للمستشفى اطالع باب السياره واقول ياريتني افك الباب و اهرب و اخلي الالم وراي ، بس ويييين 😣😣😣

اكشن ولادتي طبعا تذكرون من دخلت التاسع و الرحم مفتوح بدون طلق ، و كان عندي مراجعه قبل اكثر من...

نون وكفى :

بعدي انتي وش وجاكم كلكم منفسين 😅

بعدي انتي وش وجاكم كلكم منفسين 😅

الامل المنتظر1424 :

لا يمكنك مشاهدة هذا التعليق لانتهاكه شروط الاستخدام.

سبات الحب :

جزاكِ الله خير الجزاء 🌹🌹🌹  " اللهم صل على محمد وعلى آل محمد كما صليت على إبراهيم وعلى آل إبراهيم إنك حميد مجيد، اللهم بارك على محمد وعلى آل محمد كما باركت على إبراهيم وعلى آل إبراهيم إنك حميد مجيد "

جزاكِ الله خير الجزاء 🌹🌹🌹  " اللهم صل على محمد وعلى آل محمد كما صليت على إبراهيم وعلى آل...

Am ziad :

ماشالله هل تجمع كله بشارات لن انا فتحته هههههههههه شوفوني مباركه انا 🤣🤣🤣🤣🤣

ماشالله هل تجمع كله بشارات لن انا فتحته هههههههههه شوفوني مباركه انا 🤣🤣🤣🤣🤣