bby456 :

السلام عليكم بحكي عن اكشني في اطول ولاده لي انا كان موعد ولادتي تاريخ ١٦ بطلق صناعي بسبب انه المشيمه ماراح تقدر تغذي الطفل اذا دخلت اسبوع جديد ف استعديت بالمشي والسكوات اعمله اكثر من ٥٠ مره ( ماكان يتعبني لانه بديت فيها من الشهر السابع ) واشرب قرفه او اعمله بالسينابونواكل اناناس واعشاب ويوم الولاده رحت من الصباح الساعه ١٠ وانا متوتره كيف اروح بدون اي الم واولد طبيعي ، بس متفائله انه البكر ولدته ب ١٣ ساعه والثانيب ١٠ ساعات ، قلت اكيد هذا بيكون اقل وقت . بالاول كشفت الدكتوره المناوبه كم فاتح وعملت توسعه وكان الم مره ،وانا ناسيه الم القياس لانه لي ٦ سنين من ولدت، وعملت لي تحميلةالطلق قالت ان شاء الله بعد ساعتين بيكون الطلق حار بعد ساعه اجت دكتورتي وقالت تقيس وعملت لي تحريض ولاده وما احكي عن الالم كان عذاب وقالت انه بس مفتوح واحد وانه يمكن اولدباربع او ست ساعات 1f47c-1f3fb.svg و من التحريض اللي عملته بدا الم الطلق الصناعي كان مختلف عن الطلق الطبيعي بانه مايجي بالتدريج على شوي شوي، ويجي بوقتعشوائي مو منتظم وبعد ساعه طلبت اروح الحمام ولاحظت وانا امشي ان الطلق بالسرير يكون اقوا من وانا واقفه ، فطلبت امشي، قعدت ساعه امشي ،واجتالدكتوره المناوبه الجديده وقاست كم فاتح ولما شافت لسا واحد عملت لي تحريض كان الم التحريض اكثر من الم الطلق بكثير، وعلى هذا الحال يعملو لي تحريض باليد ، وبعد ساعه يحطوني امشي نص ساعه ،ويرجعو يعملو تحريض بيدهم، والطلق كل ماله يزيد ويجي بشكل متواصل ،،يوقف ثواني ويجي دقيقه تعبت مره كان كل ساعه ونص تحريض باليد الين خلصت ست ساعات ولسا مفتوح بس واحد قالت تعمل تحميلة الطلق الصناعي الثانيه، وهنا زاد الم الطلق ومعاد قدرت امشي نفسقبل ،مع الاستمرار كل ساعه ونص تحريض باليد بسبب انه مو راضي يفتح اكثر من واحد الين صارت الساعه ١٠ الليل ، يعني صار لي ١٢ ساعه بالمستشفى ،بدت المويه تطلع على شوي شوي ، وهنا زاد الطلق والالم ،وبس اصيحبشكل متواصل ، مع اني كنت اعمل حركة شمي ورده طفي شمعه ، بس اوقات ما اتحمل وارجع اصيح وابكي واطلبهم ابرة الظهر ، ويرفضولانه لسا فاتح واحد ومستمرين على التحريض باليد كل ساعه ونص، والمويه تطلع على شوي شوي ، والدكتوره المناوبه كل ثمان ساعات تتغير ، الين الساعه ١الليل اجت مناوبه جديده وقاست والحمدلله طلع مفتوح ٢ ، قالت بعطيك مسكن ، بس ابرة الظهر لازم ننتضر لين يفتح ٤ وما جابت المسكن ،تقول بعد شوي وماتجيبه ، الين بعد ساعه قالت بقيس مره ثانيه واعطيك ، والحمدلله طلع فاتح ٤ ، وقتها كان لي ١٦ ساعهبالمستشفى ، قلت اكيد بعد الاربعه بيفتح بسرعه، وعملت ابرة الظهر ، مع اني خفت وترددت لانه جايبين نوقع على اخلاء مسئوليه عن اياعراض جانبيه ودكتور التخدير قاعد يتكلم عن سلبياتها ، بس اخذتها عشان معاد اقدر اتحمل الم اكثر من اللي شفته ، وحيلي مهدودوبدون اكل قعدت نص ساعه ، بعدها معاد احس بشي ولا احس بالم التحريض باليد ، الحمدلله وقعد فاتح ٤ سانتي الين ٥ الفجر وصل ٥ سانتي وانا بس ابكي ابغى اولد وافتك والساعه ١٠ الصباح صار ٦ سانتي ، الين الساعه ١٢ الضهر ، وقتها لي ٢٦ ساعه بالمستشفى عملت لي تحميلة طلق الثالثه، وكمان ابرة طلق بالمغذي وطبعا التحريض من تحت ماوقف كل ساعه ونص وانا تعبانه مره لانوم لا اكل وحلقي يوجعني من الاكسجين وممنوع الماء وصل ٧ الساعه ٢ الضهر الين الساعه ٤ اناديهم ، بطني وظهري فيهم مغص قوي ، تقول عادي هذا يمكن يدف نفسه قلت يعني الحين بيطلع قالت لا مو مبين بجهاز النبض انه في طلق قوي الان بس انيمك على جنبك الايمن وبيخف ، رفضت قلت لازم تشوفي المغص مو طبيعي ، شافت قالت ما شاء الله ٩ خلاص بنجهزك للولاده الحين ،ع بال ماغيرو مكان ابرة المغذي لانه يدي انتفخت منها ، ومالقو مكان يطلع منه دم الا بصعوبه بعد عشر محاولات تقريبا عملو ابرة المغذيكويس وتشوف الدكتوره المناوبه الا والبيبي خلاص قاعد يدف وتتصل بدكتورتي تجي بسرعه ومجهزيني للولاده ، وتعلمني الدكتوره كيف طريقةالدف مع ابرة الظهر ، تقريبا ١٠ دقايق ادف الا وهو طالع الحمدلله كانت الساعه ٤ ونص يعني الحمدلله بعد ٣٠ ساعه ونص من المعاناه خلصت ولاده وحاطينه فوقي والدكتوره تكمل تطلع المشيمه وتخيط ، واجا دكتور الاطفال يشوفه والحمدلله كويس وخلصت بفضل الله والممرضات الثانياتكل من شافني يقول انتي اللي من امس ماولدتي اخيرا ، وجايبين لي حليب دافي بعد الولاده مباشره وطلعوني غرفتي بعدها بساعهوالحمدلله يارب مو مصدقه للحين اني عشت كل هذا وكانه كان حلم وانتهيت منه

السلام عليكم بحكي عن اكشني في اطول ولاده لي انا كان موعد ولادتي تاريخ ١٦ بطلق صناعي بسبب انه...

ام الزين 4 :

الحمدلله من قبل ومن بعد ابشركم يارفيقات الرحلة ولدت الفجر

الحمدلله من قبل ومن بعد ابشركم يارفيقات الرحلة ولدت الفجر

عروب15 :

كذا نقول ان بنات يناير خلصو ولا باقي احد 👀

كذا نقول ان بنات يناير خلصو ولا باقي احد 👀