بفضفض لكم وشوروا علي
زوجي لك من الأربعاء وهو مقلوب فوق تحت
شفت تصرفات عليه والله العظيم من زواجي ما شفتها منه
والله نهائي ماكان في شي
داوم وطلع حول ٨الصبح ومن وقتها يحاول يستفزني ومطنشته قلت يمكن متضايق بالدوام او كذا بخليه ع راحته لين يفضفض
بس هو نيته هواش واضح وانا طبعي من النوع اللي اسكت لين اشوف آخرتها بعدها خلاص كل ما فيني يتبرأ مني
وين ما رحت يحاول يدخل المكان وبس يهاوش لو ع الهواء ً
قلت بروح اطلع لاهلي ببعد عنه بشوف تاليتها وصلنا باب ويكلم امي بنتك وبنتك ووووووو وجلس ساعة
حتى امي انصدمت منه زوجي مو من النوع هذا نهائي ولو ايش ما صار بيني وبينه خلاص من نطلع قدام احد ولا كان شي صاير
امي قالت خليه يزعل يرضى حتى الأشياء اللي يقول لامي مدري من وين جايبها
ثاني شي جبت شغالة وقالوا اخواني خليها عندنا هاليومين نضبطك نف***ا لك وكذا المهم دق ع اخوي قال خلها تمشي الشغالة
ثالث شي جالسة أرمم المجلس اللي بجلس فيه وقت الولادة والحمام تكرمون اللي قريب من المجلس مثل الجناح لهم باب وع بداية البيت خلصوا الحمام تكرمون والمجلس قال روحوا خلاص
وفصلت جلسة وكنسلها بعد
كل هذا وانا مطنشته ومستفز ليه اسوي كذا وأنتي مطنشة أنا أغلي من الداخل بعرف وش اللي قلب الرجال فوق تحت ما همني اللي سواه ليرضى ويسوي كل اللي ألغاه والضغط عليه مو علي
امس يوم نزلني عند اهلي قال ترى مو جايكم واجلسوا ووو نزلت الساعة ٨ونص المغرب الساعة١٢وهو عند الباب أنا حاطة جوالي صامت ويدق ع امي يقول لها نطلع
أدهى شي سواه يوم رجعنا ودخلت البيت يبي يشوف كيف نفسيتي عليه يسولف ويضحك وطنشته ليه تطنشين لفيت امشي جاء بيمد يده وجت ع جنبي ع طول قال ترى مو نيتي امد يدي وانا بس بستفزك بسوي حالي بضرب وانتي تحركتي ومشيت عنه مصدومة مصدومة
والله من زواجي ما بحياته حاول حتى يمد يده
أنا مصدعة منه من كم يوم ونومي متقطع رحت غرفتي قلت بحاول انام ما ابي اسوي شي وبناتي صاحيات انتظر ينامن
يجي يدخل وراي الغرفة ويمسك ولدي وينومه وينتظر لبعد الصلاة يرسل بناتي علي وش تبين فطور ويجيب فطور ويفطر البنات وينومهن عندي بالغرفة عشان اسكت عارف وش اللي يبي يصير ومن قمت لقيته مداوم بالعاذة يطلع للحين ماجاء
صدق كلامي كثير وملخبط بس والله العظيم مو مصدقة ومن كثر مو ساكته ماسك معاي الطلق واليوم أشوى من صحيت بس معي شي قوي أسفل بطني
وش السواة ابي احد ينصحني 😑
بفضفض لكم وشوروا علي
زوجي لك من الأربعاء وهو مقلوب فوق تحت
شفت تصرفات عليه والله العظيم من...
اي والله
وبعد يالله في ٤٠ على قرقرتنا🌚