منااااور2011 :

قشر بصل تبخرت ببنتي بعد مافتح سم وانفكت المويه طوالي تشوفيني اجمع ف القشر حق البصل😁

قشر بصل تبخرت ببنتي بعد مافتح سم وانفكت المويه طوالي تشوفيني اجمع ف القشر حق البصل😁

مارولين :

سلام ياحلوين ياصديقات دربي في الحمل اول شي حابه اشكركم تحملتوني كثير ووقفتوا جنبي اذا نفسيتي تعبت تخففون عني 😭😭😭💘ربي يسعدكم ويشهد الله مانسيتكم من دعائي كلكم 💋😘 نبداء بالاكشن 😃 سلمكم الله تعرفون وضعي ان المويه ناقصه والمفروض اولد ابكر وقت ممكن وشهري كله قضيته نفسيتي تعبانه من قلقلي على بنوتي 😣💔ومايئست لحظظظه من رحمه الله 😇وعملت وبذلت بكل الاسبااااب المشي القرفصاء الاستحمام بالمويه الدافيه والجماع والتحريض صلاه الليل الصدقه صلاه الحاجه الاستخاره بين القيصري والطبيعي كانت حيره شديده وخوف وتوتر الحمدلله ان شاءالله انها تخفيف ذنوب ❤️ كنت تحت ضغط شديد الله اعلم فيه ويزيد عليه دكتوري في الخاص كل ماجيته يهاوشني😫 يقول روحي اولدي نقص المويه خطر على الجنين وانتي لاحوضك ولاوضعك يسمح بالطبيعي بنسبه ٩٠٪؜😭كان يحبطني مع انه افضل استشاري عندنا 🧐وهو وقف معي بحملاتي كلها ويخفف توتري بالنسبه لموضوعي السابق الاجهاضات بس في الولاده ابد ماحمسني على الطبيعي وكان يهاوشني 😑💔خرجت من عنده الخميس وانتظرت موعدي للحكومي ...🤓 رحت موعدي يوم الاحد ٧ابريل كنت مخلصه شهري 😅خلاص وشاف الدكتور ملفي طبعاً عندي قيصري سابق ووقتها طلب يفحص يشوف فيه تقدم ولا لا فحصني قلي وضعك زي ماهو ٢سانتي والبيبي بالحوض بس ماجاك طلق!!! وانتي المويه عندك حقت الجنين كويسه بس ادنى شي بالطبيعي ومستحيل اعطيك طلق صناعي ،خلاص كذا اعطيتك فرصتك كامله ماحبيت استعجل عليكي (هذا كلام دكتوري في الحكومه ) قلي شوفي تبغين اكتبك دخول تنويم واولدك قيصري قلت خلاص موافقه الي تشوفه اهم شي تطلع بنتي طيبه 😰💗قلي طيب وطلع الاوراق وسوالي كل الاجراءات للتنويم وانا اغص من الخوف 😣بس كل ما افتكر اني مستخيره الله كثير ارتاح واقول انا ربي مسيرني للي فيه خير واهداء 😇💘 واخذت اوراقي قالو تعالي بعد العصر تنويم ورجعت بيتي اعبي شنطي غيرتها عبيت اغراض تكفي لايام القيصري 🙃💔ورجعت بيت اهلي اسلم على ولدي وقلبي معورني عليه بخليه بالايام واسلم على اهلي واشوف الغصه في عين امي واخواتي وابويه كانو يتمنون اني اخذ فرصتي بالطبيعي وشايفين خوفي 🙊مدري ايش جاني اعوذ بالله واخرج على المستشفى دخلوني تنويم العشاء واطلع قالو صيام من الساعه١٢واصووم وكل نومي مقطع وريقي ناشف واقوم افزز على اصواتهم وازعاج المستشفى واجلس لين اليوم الثاني الاثنين قالو للاسف زحمممه على العمليات تأجلت لبكرا افطري ونرجع نصومك من ١٢للثلاثاء قلت طيب😣💔ورجع الاستشاري صباح الثلاثاء وكشف قلي ٣سم وسوالي تحريض وقلي ممكن نصبر عليك وقتها قلت لااااا خلاص انا كل مرا اتعب نفسياً من التأجيل ومشكلتي مو عنق الرحم مشكلتي مافي طلق قلي خلاص حطوا اسمها في اللسته للعمليات وجلست انتظر انتظر لين الليل وجو قالو نعتذر زحمه العمليات الطارئه وقتها نفسيتي سيئه جدا خصوصا في الظهر انحرقت رجلي كنت حاطه كاسه يانسون بعد ماقالو افطري بقراء عليها ايات تسهيل الولاده وفجئه الطاوله لفت وانطش الكوب على قدم رجلي وانصلخت 😭💔وصحت بكل ماعندي تجمعوا عليه يحسبون جاني طلق وولاده😂😭🤣 اه ياربي شر البليه مايضحك وقلت لعله خير صمت ليله الاربعاء وانتظرتهم جو الصباح يعتذرون عن التأجيل الي حصل وقالو اليوم نعمل العمليه وانتظرت لين العصر ودوب اذن اذان العصر حسيت انهم بيأجلون العمليه وجلست ادعي بين الاذان والاقامه وانا دموعي على خدي دعيت ان ربي يخترلي ولبنتي الي فيه خير💗وجوني على المغرب كملت ٢٠ساعه صيام ماعاد اشوف طريقي وقالو خلاص احتمال تتأجل اعذرينا وقتها زوجي عصب واشتكى عليهم 😡وقالهم خلاص بخرجها وجلسوا يهدون فيه وانا حلفت الخميس لو ماسووها اروح خاص اسوي العمليه وسبحان الله كلن يقلي خيره خيره الممرضات الدكاتره اهلي وانا كنت داخلي احس الي يصصير معي لحكمه اجهلها ❤️😇وخلاص قمت تعوذت من الشيطان وهديت وتعشيت وجات الدكتوره الساعه ١٠ونص تعتذر وقلتلها تفحصلي وفحصت وحرضت وقتها دعيت ان ربي ينفع بف***ا والله شالت يدها وبداءت الاوجاع بس عادي ماتوقعت ولاده ابدا😄لاني متعوده ع المغص بعد التحريض وجلست شوي كل ماله يزيد وجات الساعه ١باليل بداءت اتاكد انه طلق وقمت امشي وادعي واسوي يانسون وعسل وكمادات حاره وكل ماله الالم ينتظم ويزيد لين الساعه ٤ناديتهم واستعدوالدكتوره قالت ٣وننص ٤سم فرححححت وقمت اشد حيلي وكل ماجات الطلقه اقول ابغا عمليه انا ايش لقفني على الطبيعي😂😭واذا راحت قلت بسيطه بسيطه😂💔وعلى ذا الحال ومااناديهم خايفه ينزلوني الكشك وانا مانفتح الرحم واسمع اصوات الحريم 🤣خواااافه 🙊واصبر لين ٧الصباح وجوني فحصوا ووجيهم اختبصت يقولوا ٧سم ونزلوني الكشك وانا اتصبر ودوب نزلت فكوا المويه ساعه ماشاءالله صار ١٠سم وقالوا يلا ادفعي واجلس في الدفع ساعه ونص😭😭😭ماعرفت اخر شي قاموا يهاوشوني قالو بنحولك عمليه اذا ماخلصتي موزين الدفع على القيصري وجابو اله الشفط ودوب شفتها خفت على بنتي ودعيت من قلبي ان ربي يخلصني ودفعت من قلبي وانا مغمضه وفتحت عيني لقيتها على بطني جلست ابكي واحمدالله بصوت عالي واشكرهم كلهم😭😂💘بس شقوني شق كبير😭💔اخخ الحمدلله على الخلاص وطلعت بنتي نتفه٢١٩٠😭الله يحفظها يارب هيا وواخوها 😄واقول لامي كيف الحريم يعيدون الولاده جلست تضحك عليه.

سلام ياحلوين ياصديقات دربي في الحمل اول شي حابه اشكركم تحملتوني كثير ووقفتوا جنبي اذا نفسيتي تعبت...