Al_shammariah
•
آمييييين
حبيبتي ربي بيسهلها ان شاءالله في وقت هو يعلمه الله يهون عليكم ياربحبيبتي ربي بيسهلها ان شاءالله في وقت هو يعلمه الله يهون عليكم يارب
آميييين
الله يبارك في في اعماركم ويحفظ ويبارك ما اعطاكم ويارب يسهلها للباقياتالله يبارك في في اعماركم ويحفظ ويبارك ما اعطاكم ويارب يسهلها للباقيات
آمييييين
بسسم الله اكشن ولادتي .. تعرفون اني كنت محتاره بين القيصري والطبيعي لآخر لحظة وخليتها على الله يختارلي وصليت استخاره كثييييير وكنت ادعي بإلحاح ان ربي يختارلي ولا يخيرني وفعلا ولادتي ربي اختارها وحده مافيني من الولاده طاري ولا حتى التفاريع والتعاديل والكلام اللي ينقال وصحيت الصبح ورحت سنتر بوينت وكم محل في السوق والصبح كله كنت ادور لين الظهر ورجعت الظهر تعبانه بنام الا اخوي الصغير يكلمني هو في العشرينات ومتحمممس لولادتي بيموت ينتظر متى اولد هههههه اتصل علي قال ياربي يافلانه متى تولدين وجلسنا نمزح ونضحك وسكرت منه ونمت صحيت اوول العصر مفزوعه من شي صب يوم وقفت الا هذا موية الجنين جالسه تصب بكميات مهوله لدرجة مافيه فوط ولا شي يكفي يحتويها 😩 بسرعه دخلت تروشت وحفيت جسمي كامل بالموس ونظفته وطلعت وقفلت شنط المستشفى وارسلت لزوجي رحنا الطواريء وكشفو مفتوح بس واحد ومافي طلق ومافي ابداااا اي مواري ولادة اكتبولي تنويم وجلست في التنويم اكثر من 14 ساعه عندهم امل يجيني طلق وابدااااا ولا حتى نتفة طلق جات .. جاتني الدكتورة وتكلمت معي قالت حمل عزيز ومانبي نضغطك ونتعب الجنين وعطيناك فرصتك كاملة وماجاك ابدا ولادة لك الخيار الان تبين بسرعه نتغانم الساعات وتدخلين الان عملية او تبين نبدأ طلق صناعي ونتأخر كم ساعه نعطيك فرصتك قلت لااا والف لااا وهذه الخيرة الله ماكتب الطلق الطبيعي معناه اختارلي القيصرية والماء اصلا نشف والرحم مقفل وماراح اعرض نفسي وبنتي لعذاب ما ادري اصلا بعده بتجي ولاده ولا بدخل عملية هزت راسها وتنفست الصعداء وصار في عينها نظرة رضا كأنها كانت تتمنى اني اختار العملية بس مايبون يجبروني .. تجهزت للعملية وركبو القسطرة صراحة ماكانت مثل ماتوقعت مافيه ذاك الالم اللي يذكر ومجرد شعور بالانزعاج خفيف .. نزلوني لقسم تجهيز العمليات والحمدلله كان القسم ملياااااااااان عمليات كل شوي جايبين وحده ومطلعين وحده جاء دوري وجاتني دكتورة التخدير تتكلم معي قلت ابي نصفي قالت كنت اتمنى لكن للأسف اعداد العمليات كثييييره والماده اللي تستخدم للنصفي بدأت تنفذ واعتقد انا انهم كانو مخلينها للحالات الضرورية قلت الحمدلله على كل حال اكيد في الامر خيرة .. دخلت غرفة العمليات وعفسه وناس وعالم تتكلم واثنين تخدير موقفين عندي وخدروني وبعدين في الافاقة تعبت شوي كان اصعب شي بالنسبة لي في تجربة القيصرية كلها هو الافاقة من البنج خذيت وقت طويل وهم يصايحون عند راسي وانا بتكلم ومو قادره برفع يدي بصعوبه وتعب ثقيييييل جدا وهم ازعجوني يصايحون ويكلموني يبوني بسرعه اصحصح وكنت اقولهم شوووي شوووي واهز راسي بعلمهم اني صاحية كان شعور متعب جدا اذكر بعدين صرت اقول لاشعورياً وعيوني لسى مغمضة " بنتي بنتي بنتي " وهم يردون بصوت عالي بنتك طييييبه بنتك بخير في الحضانة الآن 💖 وبعدين في نفس غرفة الافاقة فكو لصقة الجرح وانزعجت شوي يوم فكوها وغيرو اللصق ورقوني فوق والحمدلله بمجرد مارقيت فوق كنت خلاص صحيت وطبيعيه ومافي احساس الم ابدا ومركبين المغذيات والمسكنات .. طلبت جوالي وفتحته وكانت اجمل لحظة في حياتي طبعا رحت وتنومت ودخلت عملية ومافي مخلوق في الدنيا يدري غير زوجي .. ولما كنت لسى في الافاقه كان زوجي كلم كل الناس وبشرهم .. يوم رقيت بعد ثلاث ساعات تقريبا وفتحت جوالي كانت الدنيا منقلبه ورسايل ومكالمات والسناب مرتج بمعنى الكلمة والواتس منفجر واهلي واهل زوجي وصديقاتي والدنيا شعور ما ابدر اوصفه " علمتني هالتجربة ان محبة الناس اعظم شيء في الدنيا وان علاقاتك الطيبة مع الناس لها لذة بتذوقين طعمها في يوم من الايام " ماتتخيلون كمية الورود والهدايا والفرحة كانت شي ملفت ياربي لك الحمد حتى ترضى عني ماشاءالله تبارك الله ... اليوم الثاني من العملية انا اعتبره شخصياً من اسوء ايام حياتي ومن اكثرها تعب .. فكو القسطرة ولازم اوقف وامشي وانا ماني قادره اتجاوب مع الجرح وجسمي فيه ضعف وفيني دوخه قوية وبطني منفوخ والله مثل الطبلة من الغازات وشعور مؤلم جدااااا احاول اوقف وامشي وادوخ واطيح في مكاني وشي ياااربي تكتب الاجر على طول من اليوم الثاني دخلت معي اختي مرافق ومدري اصلا لو مارافقت وش كنت بسوي وكل هذا بسبب اني تلقفت وكليت حبوب الفحم للغازات بدون استشارة طبيب بغيت اموت والله قمت ارجع ترجيع كأني احتضر من قوتها تخيلو ارجع وامسك بطني بقوة خايفه عمليتي تنفتح وترجيعي كله لونه اسود لان الحبوب سودا شي مريع طبعا هزؤوني الممرضات لين قلت بس يوم عرفو اني كليت حبوب من راسي قالو عندك نظام علاجي وجالسين نعطيك اياه تحت استشارة طبيب ومغذيات ومسكنات وريد كيف تاخذين شي من كيفك ! المهم اختي كانت تدخل معي حتى الحمام الله يكرمكم هي اللي تشدني وتمسكني وتمشيني هي اللي تلبسني وتغير ملابسي حتى الاكل والشرب هي تجيبه وتقربه وتعطيني وتبعده الله يكتب اجرها حبيبة قلبي .. اليوم الثالث الحمدلله قدرت بصعوبة وبتعب اني افضي الغازات وادخل حمام واقوم وامشي واتحرك واغير الوضعيه واجلس شوي عالكراسي مو بس عالسرير وهكذا وطبعا كنت انزل لبنتي بالكرسي المتحرك يدفوني وادخل واشوفها واضمها وابككككي لين اقول بس واطلع وهكذا هههههه اليوم الرابع كتبولي خروج والحمدلله يارب يوم رحت الحضانه بناخذها قالو انتظرو بننتظر نتيجة تحليل لسى ماطلعت اذا زين تاخذونها واذا مو زين بتجلس خمس ايام تاخذ مضاد قلت وش تحليله قالو تحليل لازم نسويه للطفل اللي امه تكب مويتها قبل الولاده بساعات لان احتمال المريه نقلت له بكتيريا طبعا قالوه ولا ماقالوه دموعي تصب غرقت نقابي وابكي وادعي وانهرت عندهم وجلسنا اكثر من ساعتين ننتظر النتيجة يوم جات سليمة قالو خلاص يالله بنطعمها وتاخذونها وانهار عندهم واجلس ابكي من الفرحة < ياهالولادة اللي كلها بكا خخخ والحمدلله من يوم طلعنا ورحت لاهلي وحنا شفنا العافيه يارب لك الحمد استقرت امورنا وخف جرحي وقدرت اهتم في بنتي وصرت ااكل اكل صحي ومشروبات زينة الحمدلله يارب طولت بس كتبت كل التفاصيل 💖💖💖بسسم الله اكشن ولادتي .. تعرفون اني كنت محتاره بين القيصري والطبيعي لآخر لحظة وخليتها على الله...
الحمد لله على الفرج والتيسير وقرت عيونك بشوفة بنوتتك بالسلامه💗
ماشاء الله تبارك الله الله يفرجها عالباقياتماشاء الله تبارك الله الله يفرجها عالباقيات
آمييييين
الصفحة الأخيرة