اصـيـلــه :

بقول لكم اللي صار معاي .. امس كان عندي موعد مراجعة عادي بس من شافتني لسا ماولدت قالت خلاص اندخلج ونعطيج تنشيط وحطتني على السونار وشافت ان التكلس زاد فقالت خلاص تدخلين على طول حتى ماتروحين تجيبين شي خل احد يجيب اغراضج خلاص وياللا تخطيط وعقب طلق صناعي .. بس تحميلة وحدة مابتعبج اللي بعدها طلعت شريحة تبقا ٢٤ ساعة تحفز على الطلق حطوها لي الاحد بالليل وعلى الفجر بدا الم خفيف بس كنت داخلة وطالعة الحمام ماقدرت انام عدل وهم ياحاطين التخطيط ياشايلينة وانا بديت اتعب بذات ان قبل لاتحط الشريحة قاست بس يدها ثقييييييلة الدكتورة الله يهديها او انا خلاص كنت تعبانة مادري بس طلعت روحي حزتها لي الصبح بدا يشتد الالم وكل ١٠ دقايق تقريبا يجي الطلق وانا اسال عن الابرة وهو ينطرون الدكتورة تكشف وجات الدكتورة وياريتها ماجات 😭😭 صج صج عورتني وشافت ان من ١.٥ لي ٢ وطلق كان قوي فقالت باسال دكتورتج وبييج ... راحت سالت ورجعت قالت بشيل الشريحة خلاص وبعطيج مسكن قلت طيب بس من برا لبرا ماعاد اقدر 😩😩 قالت اي بس باسحبها والحمدالله سحبتها وخلاص وطبعا المسكن ماسوا شي وايد تعبانة حتى مشي ماقدر امشي عدل واحس بشد وانا بس اصيح ابي قيصري او الابرة لان خلاص ماعاد اتحمل وبس جاتني دكتورتي عشان يفحصوني واروح غرفة الولادة اخذ الابرة بس طبعا لازم يقيسون جات الممرضة 😢😢 وماتحملت تقول ماقدرت تقيس فقلت الدكتورة مايصير خل انا اجرب مابحواج قيصري بدون ماتأكد وقاست بطلوع الروح وتقول لي خلاص الراس تحت والمنطقة متهيئة صبري شوي قلت مااااقدر خلاص وطبعا كان لسا ٢ والشريحة كان لها ثلاث او اربع ساعات من شالوها يعني خلوها ١٢ ساعة والمفروض ٢٤ ساعة بس لان وايد تعبتني تجيب طلق ومافي توسع فكنت بس ابكي واصيح من التعب وطلب قيصري رحت وجات والممرضات يحاولون يقنعوني اصبر وحرام انتظري طبيعي احسن ومن هالكلام 🙄 المهم جاتني الاستشارية اللي كانت على الشفت وقالت لي خلاص تبين قيصري قلت لها انا محتارة وتعبانة وايد لوتقولين تبين تفحصين بقول لج لا ماقدر خلاص ف على طول قالت ياللاه نسويها الحين جهزوها والحمدالله قضت من وقعت وكل الالم اللي كنت احسة راااااااح بقا طلق خفيييف وشد الحمدالله وطبعا كنت مونايمة ف عقبها قدرت انام ساعة او اقل لين جاو وخذوني للعمليات عطوني البنج النصفي وتذكرت توتو لما قالت لاتخافون ببتحسون انهم يشتغلون فيكم 😅 والله كنت احس كانهم يتصارعون في بطني يضغطون ومادري شيسوون والحمدالله كنت هاادية ودكتورة التخدير جزاها الله كل خير بس قاعدة وتذكرني شنو اقرا قران وتقولي اعد باصابعي لين طلعو بنتي وعلى طول صاحت 😭😭 وانا استنى اشوفها اتلفت بس جابتها الممرضة اشوفها وقربتها مني سكتت ومن خذتها ردت تبكي 😭😭 لين خذوها الحاضنة خلاص والحمدالله كل اموري تمام التمام عطتني الدكتورة منوم بس ابدا مانمت دخت شوي وخلاص لين خلصو ورحت الافاقة وبعدها غرفتي الحمدالله يارب ومساعة عطتني مسكن ينومني بس خلص المفعول الظاهر وبس ماودي اطلب الحين باحاول انام شوي بس قلت اكتب لكم قبل لا انشغل مع الحلوة 😍 وعطوني نصايحكم خايفة من القومة الفجر بتجي تقومني قالت شرايكم ؟

بقول لكم اللي صار معاي .. امس كان عندي موعد مراجعة عادي بس من شافتني لسا ماولدت قالت خلاص اندخلج...

حلم أم عزام :

اكشني الله يسلمكم لي يومين ماني على بعضي يوم الجمعة والسبت والالام تروح وتجي واحس بضيقة زي اللي تجي قبل الدورة وافرازات ثقيلة زي البلغم ومعها افرازات شفافة جالسة تنزل مني بكثرة وألم وضغط ع المنطقة من تحت وتحجير يروح ويجي .. المهم حسيت اني قربت وكل شوي اقول لزوجي شكلنا بنروح المستشفى بعد شوي ..والاقي الالام راحت واقول طلوق كذابة المهم الساعه ١٠ ونص ف الليل مسكني تحجير قوي مع دفع قوي ع الشرج ع الساعه ١١ بدأ معي الطلق وكان محتمل وكان كل ١٠ دقايق وقمت حطيت العشاء وتعشينا وتجهزت وجهزت البيت وقريت ع موية زمزم ورد الولادة وشربت منه والالم مو منتظم مره ١٠ دقايق مرة ٥ مرة نص ساعة لين صار الالم شديد والضغط ع تحت اقوى فخفت أولد بالبيت وطلعنا المستشفى كانت الساعة ٣ ونص وعلى ماوصلنا وكشفت كانت الساعة ٤ وربع وكان ٤ سم وحرضت مع الكشف والالم يزيد شوي الا انفكت الموية وجلست بعدها نص ساعة وجت كشفت مرة ثانية وحرضت بقوة اوجعتني وقالت ٦ وعلى طول ع غرفة الولادة .. وهم ينقلوني للولادة صرت احس بالدفع وماصدقت وصلت هناك قالت يلا ادخل الحمام وألبس لبسهم دخلت حسيت بدفع وطلعت بسرعه وركعت وصرت ادفع وانا واقفه ويهاوشوني ويطلعوني ع السرير وترجع تفحص وتحرض بقوووووووووة طار عقلي من الالم اقوى من الطلق وقالت ٨ خلتني بعدها يمكن ثلث ساعة وانا احس بدفع وهي تكذبني تقول لسه ٨ ماما مافي بوش لين صرت ادفع ع خفيف وطنشتهم وشوي جت فحصت وقالت يلا بوش وصرت ادفع بكل قوتي خلاص ابغى افتك من الم الطلق والتحريض ومع طلقتين و٥ دفعات وهي شقتني وبرضو فنفس الوقت كانت توسع بيدها ..شقت بيدها وبالمشرط الله المستعان وقتها شرفت روح ماما بعد تعب شديد ربي يكتب الاجر وبعدها صارت تخيط شقوقها الكثيرة والعشوائية لين طلع قلبي من التعب والالم وبعدين نظفتني بعنف والله وصرت ااترجاها تتركني في حالي خلاص احس احتمالي صار صفر من توليدهم السريع العنيف بس ميزة الموضوع اني ولدت بسرعة من بداية الطلق الساعه ١١ ولدت الساعه ٥ ونص الفجر بفضل الله الالم اللي كان قوي ومو محتمل كان من الساعة ٣ الى ٥ ونص طبعا ولا نوع مسكن ولا حتى كمامة اكسجين وبعد ماولدت سحبوا علي وراحوا ماعاد شفتهم رحت الحمام لحالي غيرت ملابسي واعتنيت ببنتي لحالي لين لحظتي هذي وانا لسه بالمستشفى وعنايتهم للاسف سيئة جدا لكن الحمد لله اللي طلعنا منها انا وبنتي بالسلامة الان اعاني من الخياطة مرة كثيرة ومشدودة ومؤلمة والظاهر جاني شمم بعد واعاني من هبوط ف المهبل الظاهر لكن عساه يرجع مع الايام وتمارين كيجل وربي يرحمني ويلطف بي

اكشني الله يسلمكم لي يومين ماني على بعضي يوم الجمعة والسبت والالام تروح وتجي واحس بضيقة زي اللي...

ريم92 :

صباح الخيرات ماشاءالله مبروووك اللي ولدوا و حمدلله على سلامة الجميع ويرزقكم بر اطفالكم والله يهون للبقيه وييسر ولادتكم

صباح الخيرات ماشاءالله مبروووك اللي ولدوا و حمدلله على سلامة الجميع ويرزقكم بر اطفالكم والله...

SسوoسوS :

يارب يسهل علي تكفوون ادعو لي الاسبوع الجاي ان شاءالله اخلص التاسع بكريه وخايفه ربي يهون علي 😓والف مبروووك للي ولدو والله يهون علي وعلى كل حامل تقبلووو مروري❤️

يارب يسهل علي تكفوون ادعو لي الاسبوع الجاي ان شاءالله اخلص التاسع بكريه وخايفه ربي يهون علي 😓والف...

بنت سعود 3 :

السلام عليكم .. ابشركم ولدت 👶🏻💗 وجربت الطلق الصناعي وبعدها عملية 😣😣 والحين مادري وش اسوي بالجرح الي مجربين القيصري فيدوني

السلام عليكم .. ابشركم ولدت 👶🏻💗 وجربت الطلق الصناعي وبعدها عملية 😣😣 والحين مادري وش اسوي...