السلام عليكم ... بعلمكم باكشني .... من اول التاسع تجيني طلوق كاذبه خصوصا بالليل ... وكل يوم اشرب كف مريم ،واطلع الدرج لمده ١٠ الى ١٥ دقيقه . ويوم الولاده الساعه ٩ بديت بشغل البيت كالعاده ونشاط غير طبيعي بدون تعب شكيت إن الولاده قربت الساعه ١١ الصباح جتني مغوص منتظمه كل ١٠ دقايق بس انا مطنشه والالم محتمل . جهزت الغدا وتغديت ورتبت البيت و بنتي جهزتها لأي طارئ . كل هذا والالم منتظم وكل ١٠ دقايق . بعد ما مشطت بنتي وجهزتها . قلت خلني اعمل قرفصاء بلكي الوجع يزيد . بعد القرفصاء صار يجيني الوجع كل ٣ دقايق رنيت لعمي ابو زوجي عشان ياخذني للمستشفى دقائق وكان موجود وكانت معه عمتي واخت زوجي . المستشفى يبعد ٢٠ دقيقه عن البيت . اول ما حطيت رجلي اليمين بالسيارات وتجيني طلقه اللي خلتني اتشنج مكاني وبعد ما راحت كملتها بالرجل الثانيه وعمتي يا قلبي عليها قلبها رقيق وخوافه ... كانت راكبه قدام وانا بالكرسي الخلفي وتجيني الطلوق اللي ورا بعض عرفت انها طلوق خروج الرأس وقبل ما ناصل المستشفي بخمس دقايق قلت وقفو السياره خلي عمتي ترجع عندي ورا عشان تمسك البيبي وعمي مصدوم ودموعه اربع اربع اول مره اشوفه بالوضع هذا . المهم وتجيني عمتي وانزل ملابسي وتجيني طلقه وتطق مية الرأس ع عمتي وملابسها كلها مي وتلحقه طلقة ويطلع الرأس وبعدها طلقه ويطلع البيبي ... وعمتي كأنها اول مره تشوف بيبي وما تعرف تمسكه واتذكر فيديو شفته عن الولاده وكيف التعامل مع خروج البيبي .. وامسكه انا واقلبه ع بطنه عشان ما يشرق وصار البيبي يبكي وتطمنت . وصلنا المستشفى ونظفوني واحتجت خياطه ٤ قطب والحمد لله عدت ع خيير ... ونسيت اقول قبل ما اطلع للمستشفى دهنت بطني وظهري بزيت زيتون . مع قراءت سورة مريم والانشقاق
السلام عليكم ... بعلمكم باكشني .... من اول التاسع تجيني طلوق كاذبه خصوصا بالليل ... وكل يوم اشرب...
صباح مبشر بأذن الله
يارب سهل علينا ما تبقى