Tote034 :

الله يسلمكم جميعاً ويبارك لي ولكم ويرزق اللي مابعد ولدوا بالولاده السهلة الميسرة يارب ❤️ نصيحة يابنات خذوا ابرة الظهر هذي الولادة الثانية اللي اخذ فيها الابرة المرة الاولى دكتور التخدير لما عطاني الابرة خدرني مية بالمية فقدت الاحساس بنصف جسمي حتى وقت الدفع ماقدرت ولاعرفت مع انها كانت الولادة الثالثة وضعف نبض البيبي وكانوا بيسحبونه بالجفت لكن يسر الله وطلع بالسلامة ولادتي هذي طلبت من طبيب التخدير اني مااتخدر ميه بالمية قلت له ابي احس بدفع البيبي قال طيب كذا بتحسين بألم الطلق قلت له اذا بيكون الألم محتمل ماعندي مشكلة قال ايه بيكون اخف بكثير والحمدلله كان عندي احساس بالطلق لكن لايقارن بدون ابره ووقت خروج بنتي كنت احس بالدفع والحمدلله طلعت بسلام هذي تجربتي مع ابرة الظهر حبيت افيدكم الله يسهل امري وامركم لكل خير ❤️❤️

الله يسلمكم جميعاً ويبارك لي ولكم ويرزق اللي مابعد ولدوا بالولاده السهلة الميسرة يارب ❤️ نصيحة...

سجاياا34 :

عقبالك يا رب.. ترا ما جتني الولاده.. قمت دقيت على اختي وشاورتها قالت كلي ٧ حبات تمر فيها رشاد.. وتجيك الطلوق الحاره من بكره صباح طبعا الطريقه قويه تناسب المتأخرات عن شهرهم زينا.. المهم وكلت ومن بكره صباح الساعه ٧ قومتني الطلوق من النوم.. ورحت للمستشفى وقاسوا لقوه فاتح ٢ فاصله ٣.. وقمت دخلت الحمام سويت بول ومعي حلتيته في الشنطه شميت منها شوي شم خفيف خايفه وانا أشم.. ودخلتها الشنطه ورجعت وقاست بعد ساعه قالت نفسه ٢ فاصله ٣ خلاص خروج.. ورجعت للبيت طبعا بيتي فوق واطلع الدرج وزادت علي طلوق وآلام ورجعت للمستشفى العصر وقاسوا لقوه فاتح ٦.. وقالوا بسرعه غرفة َولاده وخذوا مني مسحة كورونا مع الأنف وطلعوني فوق ويقيسون لقوه ٧ وقالوا لا تدفين رأس عالي 💔 ومفتوح بس ٧ لا تدفين بس خذي نفس.. المهم قلت ابي ابرة ظهر ولا جابوها لي بس جابوا ابرة عضل.. وما سككنت خفيفه.. واصارخ واصارخ من الطلوق الطلق حار لاني ماكله رشاد.. المهم ويلهمني ربي قراءة سورة الفاتحة واجلس اقراها ٧ مرات واقرا المعوذات كل وحده ٣ مرات واقرا الايه ( وننزل من القرآن ماهو شفاء ورحمة للمؤمنين ولا يزيد الظالمين إلا خسارا) ويوم خلصت الايه وتنزل المويه واصارخ ولاده ولاده وكانوا ملحفيني واشيل اللحاف واصارخ جت دكتوره سعوديه وقاست قالت مفتوح دوففي وادف وادف والبنت ما تدف معي واحس بيطلع براز وتقول الدكتوره ايوه شاطره دوفي واتمسسك بالسرير بيديني وادف وادف َوالله صعب الدف لان البنت كانت عاليه على كلامهم ويضغطون بطني من فوق وشوي شوي طلع الراس وكملت دف وطلعت الحمد لله.. ويطلعون مشيمه والحبل السري ويقصون وبدت الدكتوره تخيط وقالت فيك خُراج! قلت ما فيه قالت الا فيه فيك خراج في المهبل وفيه صديد وتروح تنادي دكتوره ثانيه ونادت دكتور بعد 🏃‍♀️المهم ويتشاورون قالوا بنشيل الصديد.. قلت خلاص شيلوه بس حطوا بنج لان بنجها في الخياط كان خفيف والحمد لله حطوا بنج قوي وينظفون الخراج ٣ دكاتره دكتورتين سعوديات ودكتور.. المهم وقالوا فيه بعد كيس داخل شوي في المهبل بنشيله ويمكن يرجع قلت انا مو حاسه بالكيس ولا بالخراج قالوا هو موجود بس انتي لأنك ما تشوفين. ويجلسون يشيلون ويخيطون آخر شي قالت شكله هذي الاشياء طلعت لك بعد خياطتك بالطفل الثاني.. قلت اصلا خياطتي بالطفل الثاني التهبت وعالجتها يمكن عشان كذا.. وبس وبعدها قالوا بنتك ما تشيلينها ولا ترضعينها لين تطلع نتيجة مسحة كورونا 💔 وخلوني من ٧ المغرب أمس إلى ٧ صباح اليوم ما المس بنتي ولا شي.. إذا صاحت أدق على الممرضه تجي تشوفها ممنوع أخذها انا.. عاد من شوي اللي سمحوا لي اشيلها قالت طلعت نتيجه نيقاتيف .. وفيه شي ثاني بعد ممنوع زوجي يجي يشوف بنته.. تقول بس اذا كتبنا لكم خروج يجي ياخذكم 😏.. يخافون انه فيه كورونا أو مخالط 💔 طبعا الزياره ممنوعه من كل الناس حتى الزوج.. والحمد لله.. الله يرزقكم ولاده سهله.. بس لا احد يسوي زيي الا اللي تخلص شهرها وهي ما ولدت قصدي لا تاخذون شي حق طلق قوي. انا اضطريت لاني تأخرت 💔⏳

عقبالك يا رب.. ترا ما جتني الولاده.. قمت دقيت على اختي وشاورتها قالت كلي ٧ حبات تمر فيها رشاد.....