lolo1406 :

بنات التحجر كاااثر معي ومتعوده عليه في الحمل بس هالمره يجي معه خفقان وكتمه نفس قوويه وكاثر مررره يروح ويجي ورى بعض ماهمني اذا هو طلق بس عادي اكل دوفاستون ويروح بس خفت من سالفة انه يضعف نبض البيبي شوركم اروح اشيك ولالا موعدي السبت هذا والي مقلقني من الصباح حركتها اختفت يوم جبت جهاز النبض بشيك بدت تتحرك بس خفييييف واليوم الحركة مررررررره شبه منعدمه واذا تحركت حركه بسييييطه خفت من سالفة النبض مادري اروح او اتابع بجهاز النبض عندي !!

بنات التحجر كاااثر معي ومتعوده عليه في الحمل بس هالمره يجي معه خفقان وكتمه نفس قوويه وكاثر مررره...

Rose2021 :

بسم الله بما اني ادور النوم ولا قدرت بكتب لكم اللي صار معي يوم ٥/٦ يوم ميلادي وكنت منهبله اببببي اولد فيه وادعي من دريت اني بولد في شهر ٦ هجري المهم صحيت الساعه ١٠ افطرت ومروقه مافيني اي شي عدا تحجر ومطنشته وصلنا للمستشفى قالوا دكتوره تقول تخطيط رحت سويت بدال الممرضه صاروا ٢ بدل ال ٢ صاروا ٣ فجاه ٤ فوق راسي والدكتوره معهم قالوا فيك تحجر يعني طلق ونبض الجنين نازل وقاموا يخضون بطني بس نفس النتيجه قالوا كلي تشوكلت روحي الحمام نامي يمين نامي يسار نفس الشي خطوط النبض اشوفها بالورقه ما تطلع فوق تنزل تحت .. شافوني خايفه قعدوا يضحكون انه عادي مافيه شي وانادي زوجي بصراخ قلت ترا ولدنا فيه شي بس م يعلموني تكفى شف وانا مسكره اذاني وابكي قال هو نبضه ضعيف وش رايك نروح للدكتوره تشرح لنا وصار يعاملني كاني بزر لين دخلني ع الدكتوره قالت كشف وطبعا الحمدلله م خليتها الم واعصابي مشدوده م ساعدتها ورخيت قالت اطلعي للتنويم ولاده طلعوني للتنويم منلخمه جلست ادور بالاسياب بس مافي طلق ما غير افرازات ودم من محاولة الدكتوره جو لي قالوا بنحاول بالطبيعي تعسر او صعب عليك حولناك عمليه قلت يالله بسم الله بدوا بتحاميل جل 😫 حمى الطلق صار كل دقيقتين وهم مستغربين جت وحده حبيبه قالت وعد م اوجعك بس بنفحصك من تحت واشوفهم يحاولون يلهوني بالسوالف كشفت قالت لسه مافتح تمام هنا وقفت بروح امشي حسيت مويه نزلت علي واناديهم سلكوا لي ع بالهم بول قالوا ايوه زين ارتاحي او امشي عادي امشي خطوتين تنزل دفعه ثانيه ع الكلوت انفجعت ورجعت للسرير سكرت رجولي وشكلهم حامت كبدهم مني يحسبوني اتدلع جت دكتوره اول م حطت يدها انفجر الكيس وانكبت المويه والطلق م زال حامي والرحم مقفل جت الساعه ١٠ طلعوني ع غرفة الولاده وزوجي حبيبي يلاحقهم يقول كم يبي لها " ون منت " وتجي 😭😭😭😭 والتفت عليه قلت ون منت اجل تونا نبدا قال تفائلي يا بشاير الله يعطيك وتتسهل بدقيقه او ١٠ دقايق قلت م يخالف بس الله الله بالبير من كل راتب ابن لي بير الحوار ذا جا عند غرفة الولاده يا بنات انا كنت استهبل بضحكه مدري اني فجعت الضعيف 😭😂 المهم ارتحت شوي قالوا طلق صناعي بالوريد مع مراقبة النبض بدون مسكن او شي لان النبض فيه مشكله الحمدلله الله يجعله تكفير ذنوب الالم موجود الرحم انفتح ٢ سم ونص راس الجنين م دخل الحوض وطلع طويل راسه تحت ورجوله عند معدتي نبضي بدا يضعف وادوخ جنيني بدا يضعف نبضه جت دكتوره سودانيه اسمها فدوى اظن قالت كيفك مسكت يدها قلت طالبتك طلبه ريحيني شعري قطعته الحمدالله قالت انا جايه اناقشك عن العمليه قلت قداااااااااام يالله مشينا تقول اسهل اقناع بحياتي واضغط ع يدها مع وجع الطلقه بغت اكسر اصابعها وتصارخ خفت تكرهني قلت اسالك بالله م تسحبين علي اسالك بالله انا نروح للعمليه سوا 😩 قالت انا بسويها لك كيف تروحين بدوني وتمسح ع راسي تهديني المهم جلست نص ساعه الله يعظم الاجر هو تعب هو نفاضة برد هو خوف من العمليه هو خوف ع نبض نور عيني هو دف الجنين ع تحت يحاول😭😭 دفوني للعمليات وانا عيوني تدور الدكتوره لين شفتها قلت الله يسعد هالوجه مدري وراني علقت عليها المهم بدا يشرح لي مصري عن التخدير والابره قلت جعلك بالجنه بسرعه ابي اشوف ولدي قال نصفي لان م ينفع كامل و و و قلت للحين م حطيتها حط الابره نصفي نصفي بشوف ولدي تخدرت وبدوا يدهرون فيني وانا مفهيه اطالع واقول بداخلي الله يجزاهم خير ستروني وغطوا رجيلاتي دفيت الحمدلله والمصري جعله بالجنه ووالديه يقرا علي يهديني ويعلمني وش يسوون واطالع بالسقف صار عاكس الا هذي عصيقلاتي طالعه والا الرجال يطل يعلمني وش يصير والستر يا بنتي 😭😭 المهم قال طلع الراس الحين بيدفون بقوه عشان تطلع المقعده وانا اللي التفت قلت اسالك بالله حي قال اه والله ولا ارتحت لين سمعت صياحه وبكيت باعلى صوتي وبدوا يتكلمون انه بعد انتظار ٥ سنوات و و و و والكل متاثر من المنظر شفته وقربوه عندي بكككككككككككككككككيت بككككككككككيت وخذوه عني للحضانه وانا عيوني تلاحقه 😭😭 المهم نرجع للدكتور المصري اللي شكله تاب واستقال من عمله قلت تكفى جيب جوال بكلم ماما 😭😭😭 قام يضضضحك يعني ناس يشتغلون فيك وتطلبين جوال قال عايزه تئولي لها ايه قلت والله بس بقول ابشرك شفت ولدي بعد ٥ سنوات واعطيك الجوال قال خلاص ارسلناهم يجيبونه بس اسكتي لين نخلص 😂😭 سكت اتحرا الجوال واطالع بالسقف واغمض عيوني الا قالوا خلصنا يالله غرفة الافاقة رحت هناك وازعجهم جوال جوال لين جابوا جوالي كلمت امي قلت السلام عليكم ام عبدالعزيز تتحدث معك رسميا لعل اميمتي شهقت وجلست تحلفني ما صدقت الا بالصور وجتني امس مواصله تقول من عقب شهقتي م طب عيني النوم 😭😭😂😂 وبس بكذا انتهى اكشني رغم المه الا اني نسيت كل شي الحين ولعيون عزوز يهون كل وجع وكل الم الحمدلله ولدي جا وزنه ٣ كيلو وزياده الحمدلله راسه مو ذاك الكبر اللي تلاحظينه بس فهموني انه حوضي م استوعب حجمه طبعا نومي من بعد الولاده م تجاوز ٤ ساعات من الفرحه بعيش كل دقيقه 😭😭😭😭 ضحكتني وحده جت تكلمني عن الرضاعه الطبيعيه قلت يالله قدددددددددام طبيعي قالت بكريه قلت ايه 😂😂😭 قالت واضح الحماس ياعمري 😂😂😂😂😭😭 وبس نهاية اكشني يا بنات ان يوم الاثنين كان ٥/٦ وكنت ادعي عزوز ينولد فيه لكن ولدي رجال اصر الا انه يستقل بذاته وانولد الساعه ١٢ و دقيقتين يوم ٦/٦ 😊😊😊😊😊

بسم الله بما اني ادور النوم ولا قدرت بكتب لكم اللي صار معي يوم ٥/٦ يوم ميلادي وكنت منهبله اببببي...

الزهره الحزينه :

lolo1406 :

بنات التحجر كاااثر معي ومتعوده عليه في الحمل بس هالمره يجي معه خفقان وكتمه نفس قوويه وكاثر مررره يروح ويجي ورى بعض ماهمني اذا هو طلق بس عادي اكل دوفاستون ويروح بس خفت من سالفة انه يضعف نبض البيبي شوركم اروح اشيك ولالا موعدي السبت هذا والي مقلقني من الصباح حركتها اختفت يوم جبت جهاز النبض بشيك بدت تتحرك بس خفييييف واليوم الحركة مررررررره شبه منعدمه واذا تحركت حركه بسييييطه خفت من سالفة النبض مادري اروح او اتابع بجهاز النبض عندي !!

بنات التحجر كاااثر معي ومتعوده عليه في الحمل بس هالمره يجي معه خفقان وكتمه نفس قوويه وكاثر مررره...