اكشني
زي ماتعرفون كان عندي قبل ولاده قيصريه مبكره بااأخر يوم بسابع وعند البيبي مشاكل وفقده الله يجعله شفيع لنا ،،،، ومن بدايه حملي ذا قالوا نشوف اذا دخلتي التاسع وش يصير والي يقولي لا تولدين طبيعي ان شاءالله لما جاء التاسع الدكتوره قالت القرار صعب بس انا مااراح اعرضك لا لطلق صناعي ولا تطويف تخلصين التاسع ماجاك طلق طبيعي تدخلين عمليه
انا عاد من دخلت التاسع وانا ابدا قرفصاء وشربت خلطه قمم التميز عشر ايام وكان معي طلق كاذب من بدايه التاسع نهايه اول اسبوع من التاسع رحت الطواري قالو مافي طلق ذا كاذب ورحت لموعدي قالت بسوي لك كشف وتحريض بكل موعد علشان اعطيك فرصه لطبيعي قلت اليوم كشف بس لسى توني لا تسوين تحريض سوت كشف لقته ٣ سم ماشاءالله وطلعت للبيت وجلس طول هالاسبوع معي طلوق مو منتظمه وضغط وبديت امشي يومين مشي نص ساعه الى ساعه ومعي ضغط تحت وثقل تميت الاسبوع الثاني ورحت لموعدي وسوت لي كشف قالت لازال ثلاثه وسوت تحريض وصار ٤ قالت بدخلك خلاص يمكن مجرد مانفتح المويه تولدين انا خفت اتبهذل ومايجي طلق او يعطوني صناعي واخرتها عمليه قلت مامعي الم ولا شي سوي لي تخطيط قالت بيتك وين قلت انا بمنطقه ثانيه تبعد ساعه عن المستشفى قالت ماراح اطلعك اخاف تولدين بطريق هنا احتررت وخفت قلت لها سوي لي تخطيط اذا معي طلق بجلس قالت سوي تخطيط وامشي ساعه بحديقه المستشفى ورجع لي المهم وسوي التخطيط الا معي طلق خفيف وروح امشي ساعه ويطري على الحلتيت 😂ودق على زوجي قلت جيبلي حلتيت قلت بنفسي لعلها تفتح الرحم اكثر ويجيني طلق
وخلصت مشي وشمها ودخل على الدكتوره وتكشف قالت انتي جاهزه الرحم اربعه والعنق صغر بس ماكنت احس بش وخفت زود قلت بطلع وان شاءالله يمديني اوصل مستشفى منطقتي لو جاني طلق بطريق قالت بكيفك ترجعين لبيتك بس على مسوليتك توقعين المهم ووقع واطلع هنا عاد الاكشن ربع ساعه بطريق وبدا الطلق 😬كل ١٠ دقايق بس كان محتمل وزوجي كل شوي يقول هنا في مستشفى اوقف عنده وقول لا ان شاءالله يمدينا نوصل الالم محتمل والحمداله وصلت بيتي ولا زال ١٠ دقايق الطلق كانت الساعه وحده الظهر واجلس امشي بالبيت وشربت نص كوب قرفه واقرا ورد الولاده لين الساعه ٣ والطلق صار ٥ دقايق قلت خلاص ولاده بروح فجاءه وقف كل شي وسبحان الله وروح اجلس على سريري وللحين مو عارفه وشلون نمت ونومه عميقه لين ٩ بالليل قمت مستغربه وشلون نمت كذا وبنفس الوقت ياست راح الطلق وكنت متامله ولاده بس بعدين بدفع استشعرت نعمه الدعاء كنت اكرر دعاء دايم اقوله
المهم وكان زوجي جايب اكل وحسيت بالم طلق بس كان هالمره ماسك بظهر اكثر واجلس اكل وماقدرت اكمل هنا قلت ايه هذا الطلق الصدقي ويستمر كل ١٠ دقايق لين وصل ٥ دقايق الالم الي اذا جا مايخليني امشي وقلت لزوجي مشينا وطلع للمستشفى ويفحصون الا تقول ٤ ويضيق صدري على هالالم لسى ٤ وفيني طلق ويطلعوني ولاده وقعد امشي ساعه طلق وبعدين قالت خلاص بنفك المويه علشان يزيد الطلق كان الطلق مو قوي مره
وتفك المويه ويزيد الطلق الي يخليني اتلوى وكل ماتالمت اتنفس ومره يررريح والتنفس يابنات وتجي تكشف قالت مقتوح بس الراس مرتفع شوي وكنت احس بدفع وتقول ادفعي ذا امساك تخيلوا بنات مانزل الراس بسبب الامساك انتبهوا منه انا كان قبل الولاده بيومين معي امساك ولا عالجته توقعته انه ضغط البيبي وعلامه للولاده الا تقولي سويها هنا وفعلا نزل الراس وقمت ادف وقتها نسيت وشلون ادف وكل تفكيري مااتحول عمليه شديت مره بدون تنفس وطولت ووطلع حبيبي الحمدالله 😫😍
الدعاء كنت دايم ادعي ربي اني لما تجيني ولاده اكون شبعانه نوم وفيني طاقه لان بولاداتي كنت مواصله ببكري وقت الدفع ماعندي طاقه ابد لدرجه حسيت بزي الاغماء ولا مبالاه يقول بتخنقينه ادفعي وسحبوه وشرب مويه البطن وجلس بالحضانه ٤ ايام والثانيه كان رمضان الصبح وتوني بنام جتني ولاده لذلك كنت ادعي ربي وفعلا احس انس عشت كل لحظه وانا مص*** لهم 😅
وهذا اكشني ونصيحتي التوكل على الله اولا والدعاء ثم فعل الاسباب من مشي وقرفصاء وشرب االمحفزات وغيرهم والصبر اولا واخرا

صحيح انا غامرت وطلعت على مسوليتي والرحم مفتوح بس كل وحده ادرى بنفسها وبظروفها كنت شايفه ان ماحولي طلق قوي وهالالم لي اسبوعين معي وغير كذا لو ولدت بهالمستشفى ولا في زياره وصعبه على زوجي واهلي يترددون علي او بغيت شي او ولدت عمليه وجلست كم يوم مشوار عليهم وفعلا خيره ولدي كان معه صفار وطلعت وجلس بالحضانه وكان سهل علي اني ازوره ولا مشوار ساعه واكثر

جاني مغص وانقبض قلبي من وداعياتكم😭😭😭😭😭


لن نقول وداعا بل الى احلا لقاء


اكمل الاغنيه ولا خلاص؟؟🤐
راح اترقب واشوف مين منكم راح تحمل بعد النفاس🤓

صديقات الكرشة الجميلة صديقات حمل الحظر 😜
ما انسى ايامي معاكم العمر كله حملي ببتال كان حمل مختلف جدا ايام حظر ومنصه وولدي جالس من كثر جلستي بالمنصه😂
اول مره اجرب العمليه ومواساتكم لي والتخفيف علية هونتوا علية كثيييير دخلت العمليات وانا عندي فكره جيدة عن العملية استفدت منكم الكثير

كانت ايام حلوة ضحكنا واستهبلنا فيها حسيتها مره سريعة
وام محمد لا تنسين الريش ادهرتوا فيه كلكم اتوقع الا انا لاني عمليه 😜

بإذن الله متواصلين مع بعض لين نشوف عرساننا وعروساتنا كبار وربي يبلغنا فيهم أعلى المراتب 😍

رسميا نسلم الراية لتجمع مارس وابريل الله يهون عليهم ماتبقى لهم من حملهم والله بقوم الجميع بالسلامة 😍💙💗

انا حزينة لأنك ما بتجين معانا 😭
لكن بإذن الله بعرف اخبارك من المنتدى 😢💘
استودعناكم الله الذي لا تضيع ودائعه 💕