ورد الجوري⚘💞 :

بنات ممكن اسال ليه تاخذون ابر سيوله ايش السبب يعني🤔🤔 لان انا المشيمه بدت تنشف والله شايله هم يعني افكر اسال عنها اذا هي تسيل الدم وتسرع بدخول الغذاء للبيبي ولا مالها دخل😊🤔 اعذروني لاني تعبت في بنتي الثانيه ماودي اتعب الحين اي احد عنده معلومه عن جفاف المشيمه في الشهر الثامن يفيدني بالله.. والله اني على اعصابي من يوم قالت لي الدكتوره وبكره باذن الله بروح متابعه لان المتابعه اسبوعيا عشان يتاكدو من وصول الغذاء والا كسجين للبيبي لان لو لاسمح الله نشفت وانا ماادري تسبب في موت الجنين لاقدر الله.. ربي يحفظ لي ولكم اجنتنا ويفرحنا بهم سالميين معافيين يارب ويسهل امر الولاده ويجعلها برد وسلام علينا يارب😍😍

بنات ممكن اسال ليه تاخذون ابر سيوله ايش السبب يعني🤔🤔 لان انا المشيمه بدت تنشف والله شايله هم يعني...

Forever4 :

الله يبارك فيكم بنات ويسعدكم ويرزقكم ولاده سهله وهينه. بما اني فاضيه ولسى بالمستشفى قلت اكتب لكم الاكشن انا دخلت تنويم يوم الاثنين على الساعه ٢ الظهر خلصت اوراق الدخول وعلى طول على غرفة الولاده فحوصات وسونار عشانيتأكدون ان راس البيبي متوجه تمام وكشفت قالت الرحم مسكر نهائي . ركبوا لي مغذي ومضاد لان طلع عندي بكتيريا وبعد يمكن ساعه عطوني اول جرعهً طلق صناعي وكانت حبوب تحت اللسانهذا الكلام الساعه ٥.٣٠ العصر مرت ٤ ساعت في طلق بس ماحسه قوي كان مغص عادي جت كشفت قالت مفتوح ١سانتي وعنق الرحم لين واتوقع بيفتح اسرع بحكم ان عندك ولادات سابقه عطتني الجرعه الثانيه بينها وبين الاولى ٤ ساعات زاد الطلق بس برضه كان محتمل وكان كل ٥ دقايق . بعدها ب٥ ساعات جت شافت قالت نفس ماهو ١ سم هنا النفسيه صارت زفت الحمد لله عطتني الجرعه الثالثه وبعد ٤ ساعات كشفت ونفس الشئ ١ سم 🤕 وعطتني الجرعه الرابعه كانت على الساعه ٧ الصباحزاد الطلق مره والم كل خمس دقايق بعد ٤ ساعات جت كشفت والصدمه انه ماتغير ١ سم هنا انهرت قلت مو اول مره اخذطلق صناعي وحتى هي كانت مستغربه الوضع قالت الحين بعطيك مسكن ابغاك تنامين وترتاحين وبعدها نقرر وش نسوي عطتني ابره قبل ماتشيل يدها حسيت اني بعالم ثاني دايخه مره بس احساس حلو كأنك سكرانه 😅 من حلو الشعور مابغىاتحرك ولا حتى انقلب ولا ابغى احد يكلمني يخرب جوي ولا ابغى حتى الولاده 😂 شعور غريب صراحه جلست على وضعيماتحركت ابد لمدة ٣ ساعات . بعدها صحيت طبعاً طول هالوقت لا اكل ولاشرب بس مويه يادوب ابل ريقي. بعد ساعه جتني قالت عندنا خيارين ممكن نجربها الاول نحط لك البالون عشان يساعد يفتح الرحم والخيار الثاني نعطيك طلق في الوريد قلت لها مابغى بالون ابغى في الوريد بس ابغى ابرة الظهر واتفقنا على كذا على ماجهزوا الوضع وجت دكتوره التخدير والفريق اللي معاها وجابو جهاز عشان يكلمني المترجم وشرحوا لي عن ابرةالظهر فوايدها واضرارها وش الاحتمالات اللي ممكن تصير جهزوني واعطوني الابره الحمد لله ماحسيت بشئ كانت يدها مره خفيفه قالت الحين ابغاك ريلاكس مره وهاديه وافضل لو تنامي وترتاحي بيساعد الرحم يفتح اسرع . حطت الطلق في المغذي واناتمددت طبعاً ماحسيت لاتنميل ولاشئ ورجلي احرك اصابعي واحسها عادي قالت اذا حسيتي الم اضغطي زر موصل بالابره بيزيد جرعة المخدر المهم اني استرخيت وحاولت انام بعد يمكن نص ساعه حسيت مويه تطلع قلت للممرضه قالت كويس كشفت قالت الحين ٤ سمماراح تطولين. مع كل احساس بالشد كانت تنزل مويه حسيتها كثير مره بعد فتره مادري كم بالضبط حسيت اني ابغى ادفع قلت لها قالت لا انتظري قامت كلمت فريق التوليد وبسرعه جو جهزواعدتهم ورفعت السرير وطردت زوجي برا 😬 مامداهم خلصوا الا انا خلاص ماقدر قالت يالله الحين ادفعي دفعتين بالضبط طلعت بنتي للدنيا الساعه ٣,٥٥ العصر الحمدلله حطوعها على صدري على طول وقامت تنظف بطني وتضغط عليه وعطتني قصيت الحبل السري طبعاً بنتي ماشالوها من صدري الا يمكن بعد ساعتين من الولاده يادوب اخذتها شيكت عليها ولفتها ورجعتها لي طبعاً بنفسالغرفه طلعت من غرفة الولاده على الساعه يمكن ٦ المغرب. وهنا انتهت رحلةً وهن على وهن والحمد لله على جميع نعمه الظاهره والباطنه .

الله يبارك فيكم بنات ويسعدكم ويرزقكم ولاده سهله وهينه. بما اني فاضيه ولسى بالمستشفى قلت اكتب لكم...

رمانة الخبر :

الي اعرفه وماني متأكده ابر السيوله للي عندهم تجلطات بالدم او الي يحملون بالحقن ماله دخل بالمشيمه لكن انتي بموعدك اسألي دكتورتك عن ابر السيوله او حبوب الاسبرين اذا تفيد مع حالتك غريبه دام عندك هيستوري بان المشيمه تنشف ما عملوا لك خطه علاجيه لهالموضوع ؟

الي اعرفه وماني متأكده ابر السيوله للي عندهم تجلطات بالدم او الي يحملون بالحقن ماله دخل...