ياقلبي نفس الحيرة والتفكير والهم اللي مريت فيه وماحس كان احد فاهمني هههههه لان وضعي زي وضعكم كنت قبل عملية وهذي بتكون الولادة الثانية عمليتي الاولى اول شي كملت 41 اسبوع ولا جاني طلق واعطوني صناعي وفتح الرحم الى ٩ونص بس الجنين مانزل فالحوض ابدا وتعذبت فالاخير عملية فكنت في ولادتي هذي كل مارحت لدكتورة اوصف لها الوضع تقول كل حمل غير عن الثاني ممكن يجيك طلق قلت طيب ممكن يجي طلق واتعذب وماينزل فالحوض فيقولون لا مو شرط ممكن ينزل فكنت بين نارين انتظر الطلق اللي ماعندي امل يجي والا اختار عملية واذا قررت عملية اجلس افكر طيب يمكن اكون استعجلت على نفسي يمكن عندي فرصة طبيعي وانا احرم نفسي ذا الفرصة فجلسوني في دوااااامة ماني عارفة وضعي اخر شي تعبت جدا جدا من التفكير ماعاد انام وشهيتي نقصت كثير بالعربي نفسي انسدت وصرت افكر يصير شي للبيبي بسبب النفسية وعدم الاكل وكنت طول التاسع وانا استخير في طلب العملية وادعي كثييييير المهم خلاص لما تعبت فعلا وخلصت التاسع رحت اول يوم فالشهر العاشر وحددت موعد العملية
تخيلي رجعت البيت جاني طلق😄 بدون اي مقدمات حتى مشي والله ماصرت امشي ولا سويت ولا فعالية وحدة بالعكس صرت مرعوبة وصاكة رجولي اخر التاسع بس سبحان الله الطلق جاني حاااار كل ١٠ دقايق بدون مقدمات لما رحت المستشفى صار كل خمس دقايق والرحم بس ٣سم بعدين قاسوا قالوا ٤ الى ٥ سم بس الجنين بعييييد عن الحوض قلت طيب بصبر ساعة واشوف صار الطلق كل ثلاث دقايق ودقيقتين وحااار مقدر اخذ نفس قلت بس خلاص اكيد ١٠ الحين لما قاسوا لي قالوا نفس الشي من ٤ الى ٥ سم والجنين بعيييد ماتغير شي وقتها انهرت ورفضت اكمل طلبت العملية على طول لانه رجعت لي كل معاناتي في ولادتي اللي قبل وعرفت انه راح يصير نفس الشي وعلى بال جهزوني للعملية صار الطلق ورى بعص بدون نفس مارتحت الا بعد ابره البنج وسويت العملية والحمدلله ماني ندمانة عليها ابدا لاني استخرت الله كثيير ودعيت ومريت بالطلق وعرفت وضعي نفس وضع الولادة الاولى واحمد الله اللي جعل له مخرج اللهم لك الحمد،، بس مايستفاد من قصتي الطويلة انتبهوا من التفكير الكثير يسبب قلق وتوتر واكتئاب بصراحة اثر علي حتى بعد ولادتي حسيته ملازم لي وان شاء الله ربي يشفيني و كثروا من الدعاء والاستخارة هم الشيئين اللي راح ينفعونكم بإذن الله والله يقومكم بالسلامة ويفرحنا فيكم انتم وباقي بنات التجمع وكل حامل يارب❤️❤️
ياقلبي نفس الحيرة والتفكير والهم اللي مريت فيه وماحس كان احد فاهمني هههههه لان وضعي زي وضعكم كنت...
الف مبروك ماجاك يتربى بعزكم
الله يطمن بالك عليه ويطلع بالسلامة