اوه واضح ضغط كان مرررة انا يولدوني ويطلعوني التنويم قبال الكشك حق الولادة ..

اي مايجون غير ١١ الصباح دااايماً الخروج فالوقت ذاا

الحمدلله ي قلبي دام تيسرررت وانبسطتي منوو 😍😍

الحمدلله يابنات اليوم كان موعد العظام لولدي و قالت لي ان الكسر انجبر 🥺💕💕💕
تقول ماله داعي اصلا معطينكم موعد عندي معروف ان كسر الترقوه يجبر خلال ١٠ ايام عند المواليد مافيه خوف ابد ، بس يخافون ان الاعصاب تتاثر والحمدلله ولدي يحرك يده فقالت خلاص كل شي اوكي وماله داعي حتى اشعه ولا متابعه الحمممدلله


كذا خلصتتت كل مواعيده احس اني طلعت من المستشفى خفييفه 😫💘

بنت القصيم ،،
للاسف ماعندنا مستوصفات او مستشفيات خاصه
ممتازه ..
و الدم اللي من السر ما اعطاني مبرر له .. بس على
قولتك استغربت يقول لاتستخدمين المسحة الطبيه
الا مره وحده بس 🙄


رين ،،
شكلي باسمع كلامكم و احط المسحة مع كل غيار
الدكتور هذا ماعنده سالفه .

سوز،،
ياعمري بس الحمدلله على سلامته و جعل ربي
يمده بالصحه و العافيه دوم و لا يوريك فيه مكروه ابد💐

اكشن ولادتي ❤️😊
اذا تذكرون قصة حياتي مع اختلافات موعد الولاده
و كيف كل معطيني موعد لكن سبحان الله ماجات
الولاده الا على موعد اول سونار ف خلاص قلت راح اعتمد دايما اول سونار حتى لو اني ماسويته الا على الثالث ..
قبل موعد ولادتي بيومين يوم الثلاثاء رحت بيت امي و انا خلاص كارهه نفسي و الناس حولي من كثر ما يقولون يوه ماولدتي ، يوه بطنك فوق ماحولك ولاده ،
طلبت منهم يصلحون لي قشر قهوة مع يانسون و شمر و كمون و فلفل اسود و زنجبيل تقهويت منه ثم بعدها صعدت درج كثيييير و مشيت نص ساعه
بعدها رحت بيتي و جلست افكر في حاجه ثانيه تعجل بالولاده بس ما تضر البيبي ، فتذكرت كلام دكتورتي قبلها بكم يوم كنت عندها و قالت عليك بالجماع ، طبعا محدثتكم مقاطعته شهرين كامله ☺️ خايفه من الالتهابات و غير كذا الدوخه و الكتمه لاعبه فيني من فقر الدم فمالي مزاج ابدا لهالشغله ..
بس من كثر ما زهقت حيل من وضعي ضغطت على نفسي و صارت الشغله ،، هذا الكلام كان يوم الاربعاء بالليل و تحممت بماء ساخن على ظهري و شربت حليب كثرت فيه فلفل اسود و كمون و زنجبيل و لما جاء فجر الخميس الا والله مغص شديد وانا نايمه قومني من نومي و كان نفس هالمغص يجيني طول التاسع و كنت من غبائي افكر انه التهاب بول 🥺 و صار هالمغص بسرعه يجي كل خمس دقايق و يفك وانا اقول يوه يا هالالتهاب اللي يضغط الا والله شوي تنزل موية الطفل و معها دم ف صرت امشيء و بفتره جدا قصيره صار كل دقيقتين و المويه تنزل و تنزل
ف خفت و صحيت زوجي على سبع بعد مادقيت على اختي استشيرها اروح والا لسى و هي تقول مجنونه تسالين ايوه روحي هذي ولاده و اجلس اصيح وانا اكلمها و اقولها خايفه من الولاده خلاص ما ابغى اولد 😂🤦‍♀️
رحت المستشفى الساعه ست و نص و اكلت قبلها رطب و شربت ماء زمزم و جلست اقرأ سورة الزلزله و احوقل و استغفر كثيييير ..
لما دخلت عليهم وانا بأموت من قوة الطلق و تقاربه الا تقول يوه توه مفتوح بس ٣ سانتي 💔
هنا انهرت كيف كل هالالم و توني و تقوم تسوي لي سونار و تصدمني زود و تقول بعيد البيبي عن الحوض و الطلق بارد ،، تبغين تنويم والا تطلعين
قلت لا خير موية الطفل نزلت مستحيل اطلع
و اجلس بغرفة الولاده كل ماجت طلقه سويت التنفس المعروف و قريت الزلزله و تقرفصت يا بنات معليها تخفف الالم بعد الله و تشتت التفكير
و تجي الساعه عشر وانا ابكي مااحد حولي سافهيني و الالم يكهرب جسمي كله قوي حيل و هم يقولون بارد و سافهيني ،، يوم جات عشر الا تجي القابله وهي تبتسم هاه فيه ألم و اجلس ابكي عندها اقول ايوه الا ترحمني و تكشف و يطلع مفتوح ٨ سانتي الله لا يسامحهم و هم مطنشيني قبل و محطميني .. و تقوم تركض تنادي القابله الثانيه و تجهز اغراضها و تقول يالله ولاده .. فكت المويه و تقوم الدكتوره الحقوده تحط ابرة طلق تبغى تخلص بسرعه و تجلس ع كرسي تناظر فينا بس ، و تقوم القابله تقول ادفعي ف صرت ادفع مره صح و مره غلط و الدكتوره جالسه ع كرسي تضحك علي تخيلوا اني ادفع غلط بدون ماتقوم و تعلمني الصح بس جالسه تتفرج، و القابله نفس اسلوب الدكتوره تبغى تخلص ف قامت شقتني مع اني والله ماتعبتهم ف الدفع و لا الطلق، و من كثر الالم و قوته ماقدرت اقول لا تشقيني ماعاد اتحمل اصلا لا الالم ولا الاسلوب،، و يطلع ولدي فديت قلبه للدنيا و انا انسى كل شيء يارب لك الحمد ..
و بس اسال الله رب العرش العظيم انه يسهل لك ولادتكم و يجعلها بغمضه عين و ادعوا كذلك انه الله يسخر لكم اللي يولدونك لانه احيانا تكونين جاهزه و ولادتك قريبه بس الدكاتره اعوذ بالله يحطمونك..