um_maryoom :

مبرووك كروشاات عالتجمع الجديد وان شاء الله نسمع فيه اكبر عدد من التباشير وان شاء الله تكون تباشيري فيه يارب متأمله خير. السموحه ع القصور بس ضغط الحمل زايد معي اكثر ومريت بحمى وزكمه وبنتي كذلك والحين الم ف ظهري فضيع م قادره اتحمله اقول اذا م ربيت للخميس بروح اكشف واطمن سونار وبخبر الدكتوره تكشف علي تشوف اذا فاتح الرحم لان الالم فضيع م قادره اتحرك من الم ظهري. هل ممكن يكون الم طلق فالظهر مع اني م احس بمغص غير فترات بسيطه ويختفي. الله يآجرنا يارب ويعظم اجرنا ونشوف بيبياتنا ع خير يارب.

مبرووك كروشاات عالتجمع الجديد وان شاء الله نسمع فيه اكبر عدد من التباشير وان شاء الله تكون...

وين ألقاك؟ :

الحمدلله الذي بنعمته تتم الصالحات ابشررركم ولدت ٧ اكتوبر امس الاثنين جبت بنوته💞 ولدت قيصري كنت متأملة اولد طبيعي بس قالو الراس مانزل بالحوض وهي تبرزت الله يكرمكم ونزلت المويات وسالفه طويله بكتبها إن شاء الله اه الم العملية مررررره صعب الله يعين إن شاء الله يخف الالم وارجع اكتب الاكشن دعيت لكم من قلبي بسهولة الولادة وتيسيرها

الحمدلله الذي بنعمته تتم الصالحات ابشررركم ولدت ٧ اكتوبر امس الاثنين جبت بنوته💞 ولدت قيصري كنت...

اسرار انثى :

اكشن ولادتي ❤️😊 اذا تذكرون قصة حياتي مع اختلافات موعد الولاده و كيف كل معطيني موعد لكن سبحان الله ماجات الولاده الا على موعد اول سونار ف خلاص قلت راح اعتمد دايما اول سونار حتى لو اني ماسويته الا على الثالث .. قبل موعد ولادتي بيومين يوم الثلاثاء رحت بيت امي و انا خلاص كارهه نفسي و الناس حولي من كثر ما يقولون يوه ماولدتي ، يوه بطنك فوق ماحولك ولاده ، طلبت منهم يصلحون لي قشر قهوة مع يانسون و شمر و كمون و فلفل اسود و زنجبيل تقهويت منه ثم بعدها صعدت درج كثيييير و مشيت نص ساعه بعدها رحت بيتي و جلست افكر في حاجه ثانيه تعجل بالولاده بس ما تضر البيبي ، فتذكرت كلام دكتورتي قبلها بكم يوم كنت عندها و قالت عليك بالجماع ، طبعا محدثتكم مقاطعته شهرين كامله ☺️ خايفه من الالتهابات و غير كذا الدوخه و الكتمه لاعبه فيني من فقر الدم فمالي مزاج ابدا لهالشغله .. بس من كثر ما زهقت حيل من وضعي ضغطت على نفسي و صارت الشغله ،، هذا الكلام كان يوم الاربعاء بالليل و تحممت بماء ساخن على ظهري و شربت حليب كثرت فيه فلفل اسود و كمون و زنجبيل و لما جاء فجر الخميس الا والله مغص شديد وانا نايمه قومني من نومي و كان نفس هالمغص يجيني طول التاسع و كنت من غبائي افكر انه التهاب بول 🥺 و صار هالمغص بسرعه يجي كل خمس دقايق و يفك وانا اقول يوه يا هالالتهاب اللي يضغط الا والله شوي تنزل موية الطفل و معها دم ف صرت امشيء و بفتره جدا قصيره صار كل دقيقتين و المويه تنزل و تنزل ف خفت و صحيت زوجي على سبع بعد مادقيت على اختي استشيرها اروح والا لسى و هي تقول مجنونه تسالين ايوه روحي هذي ولاده و اجلس اصيح وانا اكلمها و اقولها خايفه من الولاده خلاص ما ابغى اولد 😂🤦‍♀️ رحت المستشفى الساعه ست و نص و اكلت قبلها رطب و شربت ماء زمزم و جلست اقرأ سورة الزلزله و احوقل و استغفر كثيييير .. لما دخلت عليهم وانا بأموت من قوة الطلق و تقاربه الا تقول يوه توه مفتوح بس ٣ سانتي 💔 هنا انهرت كيف كل هالالم و توني و تقوم تسوي لي سونار و تصدمني زود و تقول بعيد البيبي عن الحوض و الطلق بارد ،، تبغين تنويم والا تطلعين قلت لا خير موية الطفل نزلت مستحيل اطلع و اجلس بغرفة الولاده كل ماجت طلقه سويت التنفس المعروف و قريت الزلزله و تقرفصت يا بنات معليها تخفف الالم بعد الله و تشتت التفكير و تجي الساعه عشر وانا ابكي مااحد حولي سافهيني و الالم يكهرب جسمي كله قوي حيل و هم يقولون بارد و سافهيني ،، يوم جات عشر الا تجي القابله وهي تبتسم هاه فيه ألم و اجلس ابكي عندها اقول ايوه الا ترحمني و تكشف و يطلع مفتوح ٨ سانتي الله لا يسامحهم و هم مطنشيني قبل و محطميني .. و تقوم تركض تنادي القابله الثانيه و تجهز اغراضها و تقول يالله ولاده .. فكت المويه و تقوم الدكتوره الحقوده تحط ابرة طلق تبغى تخلص بسرعه و تجلس ع كرسي تناظر فينا بس ، و تقوم القابله تقول ادفعي ف صرت ادفع مره صح و مره غلط و الدكتوره جالسه ع كرسي تضحك علي تخيلوا اني ادفع غلط بدون ماتقوم و تعلمني الصح بس جالسه تتفرج، و القابله نفس اسلوب الدكتوره تبغى تخلص ف قامت شقتني مع اني والله ماتعبتهم ف الدفع و لا الطلق، و من كثر الالم و قوته ماقدرت اقول لا تشقيني ماعاد اتحمل اصلا لا الالم ولا الاسلوب،، و يطلع ولدي فديت قلبه للدنيا و انا انسى كل شيء يارب لك الحمد .. و بس اسال الله رب العرش العظيم انه يسهل لك ولادتكم و يجعلها بغمضه عين و ادعوا كذلك انه الله يسخر لكم اللي يولدونك لانه احيانا تكونين جاهزه و ولادتك قريبه بس الدكاتره اعوذ بالله يحطمونك..

اكشن ولادتي ❤️😊 اذا تذكرون قصة حياتي مع اختلافات موعد الولاده و كيف كل معطيني موعد لكن سبحان...