هلا بنات انا ولدت امس الحمدالله قيصري بعد ثلاث اطفال طبيعي قيصرية مفاجاه شفت فيها الموت الحمدالله على كل حال انا بخير حاليا اريح يومين وارجعلكم بالتفاصيل الي صارليهلا بنات انا ولدت امس الحمدالله قيصري بعد ثلاث اطفال طبيعي قيصرية مفاجاه شفت فيها الموت...
ماشاءالله تبارك الله الف مبروك و الحمدلله على سلامتكم و الله يحفظ لك ما جبتي . و عقبال طفله تدخل و تبشرنا البارح مدري وش جايني و قعدت اذكر الم الطلق و الدف و شيله هم الخياطه بالنفاس و تكتني العبره بصيح و قعدت ابحث يمديني اطلب عملية ولا لا و الاغلب كتب انه مو مسموح بالحكومي تختارين ، فيه اشياء بظاهرها تشوفينها اسهل لانك ماجربتيها و لما قررت قلت حتى لو ادفع فلوس بس ماعندي طاقه تعب و طلق و احس خلاص لو معي فلوسي رجت حجزت لي موعد 😓 و اقعد اقرا تجارب اللي جايبات عمليه قلت الحمدلله ان الانسان ربي كاتب له كل شي ولازم يرضى باللي مكتوب له و حتى لو بنظري اشوفها اسهل بس بعد ماقريت تجاربهم قلت الحمدلله ع الطبيعي بس يجيني ابليس يوسوس لي ان العمليه اسهل بالذات اللي يكتبون ان اللي جايبات عمليه يبالغون 😩😩😩 ابي وحده مجربة الثنتين تعطينا تجربتها اذا قمتي بالسلامه موناليزا و حسيتي انك فايقه عطيني اجابه كافيه تكفين .. انا مستحيل اخذ ابره الظهر لانه حكومي بس بعرف يعطونك فرصة تختارين او لا ادري كلامي كثير و مو وقته بس نفسيتي والله بالبركة كله تفكير بالولاده و الطلق و الدف و الخياطه و حوستتتهاا 😩ماشاءالله تبارك الله الف مبروك و الحمدلله على سلامتكم و الله يحفظ لك ما جبتي . و عقبال طفله تدخل...
اسوء شي يابنات تسمعين كلام الناس انا كثير سبوا المستشفى اللي بولد ليه ان شاءالله لانه حكومي و انا ماعندي قدره اولد بخاص بعيالي اللي قبل كان مستشفى ثاني خاص و الحمدلله معروفين باهتمامهم و نظافتهم و كل شي عنايه توب ولو انها اختلفت بولادتي الثانيه مو نفس الاول بس يظل احسن من الحكومي انا الحريم جابولي رعب من المستشفى ذا و دايم يقولون فيه دكتوره سوريه تصارخ و تهاوش و يقولون الممرضات سعوديات مهملات و انهم لو تنادينهم ما يجونك الا اذا خلاص بديتي تدفين غصب عنك و هالشي زاد اكتئابي ،، ودي اروح المدينه اللي فيها اهل زوجي و اولد هناك مستشفيات عندهم خيارات كثيره و يمدحونها افضل من هنا بس خايفه اثقل عليهم و انا اعرف مافيه زي النفاس عند امك تاخذين راحتك ،، و عارفه زوجي اببببد هالفتره ماعنده امكانيه اولد خاص وربي جايني اكتئاب قبل الولاده و افكر لو اولد عندهم ومحد يمي ولا اجيهم وقت زحمة و محد يمي ولا اني اقعد لحالي اصارخ مايعطوني وجه عكس المستشفى اللي قبل يازينهم فلبينيات فوق راسك جالسين .. عطوني شوركم نفسيتي تعبت لدرجة اني احيان اقول عادي لو اطوف تاريخ ولادتي من كثر اني مو مستعده و اذا تكلمت عندهم قالوا اطلبي الله يسخر لك الطيبه منهم . يعني احس الموضوع مرعب انك ماتدرين كيف وضعك انتي و حظك مع ان بعضهم يحاولون يزينونه بعيوني و يقولون تغيروا و مدري ايش بس انا خلاص مابيه وش اسوي 😢😢😢😢😢😢اسوء شي يابنات تسمعين كلام الناس انا كثير سبوا المستشفى اللي بولد ليه ان شاءالله لانه حكومي و انا...
بقولكم الآكشن تبعي يوم الخميس ٧ يناير عندي موعد مراجعه بعد تحليل الدم و البول و كنت انتظر صلاة الفجر عشان اصلي و انام لي شوي لما ٩ و اصحى للموعد ، صليت و انسدحت ، فجأة احس بنزول موية و قوووية مره 😭 ، و انادي زوجي و انا مرعوبة و اصيح💔 و يالله قمت من السرير من الخوف اللي جاني و اروح بسرعه اتحمم و البس و نطلع للمستشفى رحت للطوارئ و على طول تنويم و شافو نتايج تحاليلي الا الصدمة الدم عندي ناااااازل ٧.٨ 💔💔💔 جلست اتحسب على دكتورتي انها ما كانت تسوي لي تحاليل دم ولا كانت تطلب مني مع انها تعرف حالتي و تدري اني معرضة لولادة مبكرة بس قدر الله و ماشاء فعل 😢 اجتمعوا علي استشاريات و قالو لازم نقل وحدات دم انتي معرضة في الساعات الجايه للولادة لان الموية تنزل كثيير و يوافق زوجي و يجيبون الدم و نقلو لي كيسين من الساعه ١٢ لما الساعه ٧ المغرب و اهم ينقلون لي بعدها جت دكتورتي بتفك الربط و كانت من أسوا الأوقات علي مع انها ما تجاوزت ٣ دقايق الا اني صحت بشكل 💔 و بعدها كشفوا قالو مفتوح ٢ بنحتري الطلق يجيك لما ١٠ الليل ما جاء نبدأ طلق صناعي و جت الساعه ٩ بديت احس بالطلق و جلست اطلق لما الساعه ٤ الفجر و كشفو علي قالو ١٠ يلا ولادة و يدخلوني و جلست من ٤ لما ٧ و انا احاول ادفع لما نقص نبض البيبهات و قالو خلاص خطر عليهم بنحولك قيصري 😭😭😭😭 و دخلوني و سويتها و الحمدلله على كل حال ، عيالي دخلوهم العناية و انا لما افقت قالو الضغط ارتفع عليك وقت العملية مع اني ما عندي ضغط ولا قد حسيت به و عطوني علاج استمريت عليه ١٠ ايام و وقفوه قالو راقبي الضغط و الحمدلله أطفالي حمدلله واحد جلس اسبوع و البنوته اسبوعين الله يحفظهم يارب و يعيني لكن أعاني من دوخة و كتمة للان تجيني فترات في اليوم بس مو مستمره مدري وش سببها في احد مر عليه هالاعراض ؟ سويت تحليل دم و حمدلله كويس و اكل حبوب حديد بس مادري ايش سببهابقولكم الآكشن تبعي يوم الخميس ٧ يناير عندي موعد مراجعه بعد تحليل الدم و البول و كنت انتظر...
و الحين لبست و لبست ولدي وبروح بيت اختي و اذا فضينا ع العشا بقولها اروح اتقضى اشياء من المحل القريب من بيتها 🥲🥲