Rozaleen_22 :

والله كل وحدة تختلف عن الثانية بعضهم الرحم يكون فاتح عندهم بدون طلق وبدون ألم وتكون رايحة بس متابعة ويكتشفون إنها ولادة بالصدفة وغالبًا الطلق والالم القوي يجيك حتى وأنتِ بعز نومك وهو علامة الولادة المعروفة أو ممكن تنفك عليك الموية بعضهم ينزل منهم دم مع إفرازات وفيه وحده أعرفها شخصيًا تقول مايجيها طلق بس إسهال واستفراغ .. هذه احس انها حالة نادرة ماشفت منها اثنين في بكري كنت امشي من الشهر الثامن ساعتين وارتاح يومين واليوم اللي بعده ساعتين وهكذا لحد مادخلت التاسع ولما قربت أولد بإسبوع ماصرت اقدر اكمل الساعة واليوم اللي ولدت فيه ماكملت حتى عشر دقايق !! رجعت البيت على طول وذبحني الألم وتروشت بمويه ساخنة وراااح واول ما جلست عالكنبه نزل مني مويه خفييييفة وحكيت للبنات بالمنتدى لأني بكر وقتها وما افهم شيء قالت لي وحدة منهم خذي شنطتك وروحي عالمستشفى هذه اعراض ولادة ورحمك مفتوح !! قمت اضحك من الخوف كلمت اختي وقالت لااا مابتولدين وهي تدري ان هذه اعراض ولادة زي ماقالت البنت بس ماتبي تخوفني واقوم واسوي لي قرفة واشرب وادخل انام والفجر صحاني الممممم مو طبيعي واول مادخلت الحمام انفكت الموية علي وانا واقفه لدرجة إني خفت من المنظر اللي شفته أكثر من الألم اللي احس فيه وعلى كل هذا كان الرحم فاتح 1.5 بس والحقيرةاللي كشفت علي فكت لي باقي المويه بشيء بيدها طووويل حسيت بعدها بطني فااااضي 😢😭

والله كل وحدة تختلف عن الثانية بعضهم الرحم يكون فاتح عندهم بدون طلق وبدون ألم وتكون رايحة بس...

Rozaleen_22 :

ياعمري يابنات فديتكم وفديت قلوبكم وطيبتها جعلكم ماتفقدون غالي ياااارب انغبنت لما شفت مشاركاتكم وردودكم وسؤالكم عني .. بثينة .. الملاك .. نجمة .. سكرة .. نور ..رواكد .. كيك .. جعبة .. حواء ..إلهي ارجو توفيقك .. حبيبة وكل البنات اللي سألوا عني ان شاء الله مانسيت احد ورائحة قهوة .. ياعسسسل حياك ربي بيننا بتجمعنا الله يرزقك ساعة ولادة سهلة ميسرة نجمة وسكرة .. ضحكت لما شفت كلامكم وتوقعتوا إني ولدت هههههههههه الله يسعدكم بصراحة توقعت ادخل وألقى خبر ولادة الغالية إلهي ارجو توفيقك حبيبتي يارب يسهل عليك إن شاء الله سكرة ترى التقلصات اللي تجي هذه طبيعية جدًا بهالفترة لاتخافين . اللي سألت عن الأسرة حقت المواليد ايكيا او سنتر بوينت انا جربت سنتر بوينت رهيييب يكفي الطفل لأربع سنوات قدام وخشبه قوي ويجنن أم كحموش .. الف سلامة عليك الله يشفيك وتقومين بالسلامة أنتِ والبيبي وتنسي التعب كله ان شاء الله . مرمرني الزمن .. يااااااه لك وحشة تعبنا من كثر ما نسأل عنك انا اقول لجعبة فيه وحده يوزرها يشبهك فاقدينها والحمدلله إنك بصحة وعافية . البوح الصادق .. يازينك ويازين سباتك الشتوي ههههههههههه الله يسعد روحك يارب ضحكتيني فيه بنات فاقدتهم ماشفتهم من فترة ضوء حلم و أم عمر عساهم بخير

ياعمري يابنات فديتكم وفديت قلوبكم وطيبتها جعلكم ماتفقدون غالي ياااارب انغبنت لما شفت مشاركاتكم...