اللي تقدر تنفس في بيتها اريح لها وتجيها امها اريح لأمك كمان انا جربت مرتين اول ولاده لي رحت والله تعبت مره معايه الناس والزميلات غير طلبات اهل البيت وثاني ولاده هي جات عندي اسبوعين مره فرق هي ارتاحت وانا كمان ونفس الوقت زوجي يقضي اغراضنا استحي اذا نقص شي اطلب اخواني بالذات انهم متزوجين والحين ان شاء الله هي تجي عندي الله يعطيها الصحة والعافيه ويخليها لنا وكل أمهاتكم يارب💕

يابنات إزعاج الجيران بالشتاء مو طبيعي
الله يهديهم ويصلحهم
صراخهم وسوالفهم وهواشهم كله عندي
إزعاااااااج لا يُحتمل بمعنى كلمة إزعاج
أحس إنهم ماينامون ومايآخذون بريك أبدًا
وأنا اللي أقول في نفاسي بحط لي سرير بالصالة علشان المكان أشرح وعلشان التلفزيون بس من بعد هذا الإزعاج مستحيل
وقررت اقعد بغرفة بنتي لأني اصلاً ما احب الكركبة ولا احب أقلب نظام البيت واحوس بالأثاث
وابشركم أمي لازالت تكرر تقول :
لاتقولين لي إلا إذا ولدتي !! 😅
الله يلوم اللي يلومها ذاقت الوووويل لما دخلت معي غرفة الولادة في بكري مسكينة
و وصلت لي أعشاب النفاس لين بيتي
يعني هي أصلًا ماتبيني خخخخ 😜
بالرغم من إن زواج أخوي تأجل إلى بداية شهر 6 هجري !!
بس اختي الكبيرة اتصلت فيني وظلت تترجاني اروح انفس عندها .. تخيلووووا
قلت لها مستحيل زوجي يرضى ولا انا برضى اثقل عليك واشغلك عن زوجك وعيالك يختي قولي شيء منطقي يعني اترك بيتي واجي ببيتك لا والله ما أسويها وش هالكلام !! وش بيقولون الناس واهلك؟
قالت نخترع لهم كذبة ونقول ترميم وتصليح في بيت اهلي واضطريتي تجين عندي
قلت يابنت رووووحي مين بيصدق لالا ما اقنعتني كذبتك هههههههه
قالت والله احسن لي ولك بكون جنبك على طول وقت ماتحتاجيني عكس لما تكونين في بيتك ما اضمن مين يجيبني ويرجعني و لا اضمن وقت حاجتك لي وبنتك بتتسلى مع ولدي ولابنحس فيهم ..
بس انا رفضضضضضت رفض تام
والله يابنات الفكرة ماتقبلتها أبدًا بالذات إن عيالها بيكونون إختبارات ، ويكفيني بس إنها حنّت علي وقالت لي تعالي عندي 💙💙
وحماتي الله يجزاها الجنة كلمتني من كم يوم وطمنتني إن إذا ولدت كل يوم بتكون عندي ومابتروح إلا لما تتأكد إني مو محتاجة شيء، وبيتها قريب مني يبعد عني اربع دقايق بالسيارة بس .. و الحمدلله على كل حال ..
وزوجي موجود ولارح يقصر بأي شيء احتاجه
و وجودي في بيتي أحسن لبنتي علشان استقرارها ونفسيتها
هي من النوع اللي مايتأقلم ينام بأي مكان
فكيف لو بكون والده وفيه أخ جديد ومابكون معها طول الوقت وهي حساااااسة مره
لذلك أنا مرتاحة ومقتنعة بفكرة إني أكون في بيتي خلاص وجهزت ورتبت أموري كلها الحمدلله
واختي اللي تدرس بألمانيا بترجع بعد ثلاث ايام الله يجيبها بالسلامة
وياروحي عليها تدعي إني اولد قبل ماتسافر لأن اجازتها قصيرة بس الظاهر والله أعلم إنها بتسافر من هنا وبولد من هنا ههههههه 💔

السلام عليكم ورحمة الله و بركاته .


بنات حبيت أبشركم انا ولدت الحمدلله الساعه 11 مساء ولادة قيصرية والحمدلله على كل حال ، بعدين أحكي لكم القصه ، المهم ولدي قالوا إنه على حساب السونار 36 أسبوع و أنا 37 أسبوع و بكرة اول يوم في الأسبوع 38 ، قالوا حنخليه نحت الملاحظه 24 ساعه عشان المناعه لكن هو الحمدلله مكتمل ، بين جربت كذا الله يسعدكم بغيت اصيح يوم قالوا لي ، أستودعه الله الذي لا تضيع ودائعه ...

مروى .. الف الف مبروك😍
الحمدلله على سلامتك ، لاتقلقي كل مواليد القيصرية يحطونهم تحت الملاحظة شيء طبيعي بكل المستشفيات
انتبهي على نفسك وصحتك
وربي يسعدك بشرتينا وفرحتينا ❤️❤️

حبيبتي لازم تقررين من الحين وين بيكون نفاسك ترتاحين نفسيًا
وخلاص ابدأي جهزي على هذا الأساس
أصلاً اول ماتتخذين القرار نص القلق يروح 😂👌🏻
شوفي الأريح والأنسب لك
والله أنا كنت اقول بيت اهلي اريح بس لما فكرت فيها
بعد النفاس اذا رجعت بيتي بيتغير علي الوضع وأخاف من هذا التغيير يأثر على نفسيتي
يعني اتعود من البداية إني في بيتي وبمكاني ويزيد استقراري بعد ما استعيد قوتي وصحتي
عكس لما اكون عند اهلي وارجع بيتي مع كركبتي واغراضي واحس اني كنت بمكان مليان ناس وفجأة صرت لوحدي
يعني اصير لوحدي من البداية ابرك لي من النكد بعدين