وصح يابنات بقولكم رحت المستشفى وكذا وتخيلوا عطوني موعد يوم واحد شهر 5 😑😑 مره مره يستهبلون مو من جدهم قال حق المواعيد مااقدر أعدله هيه تجي تكلم الدكتوره بنفسها رحت دخلت على الدكتوره في عيادتها قالت لي لا مافيه مواعيد ولا نقدر نقدمه لك ان جاك شي قبل الموعد تعالي يعني دم ولا مويات ولا عاد ولاده غير كذا مافيه انتظري الموعد اه يابنات قسم مدري وش أسوي عاد قلت انا ماعندي مشكله أن شاء الله أن أموري تمام وماكنت ناويه اصلا الا اروح ولاده وخلاص مابغى مراجعاتهم بس تدرون وش أفكر فيه بعيد الشر لو مثلا ماجاني طلق وانا قد كملت التاسع وش اسوي ؟؟ وهم مابيستقبلوني إلا ولاده جد جد احترت مره بس يارب يفكني منهم ويجيني طلق طبيعي واولد بدون مااحتاج لهم ولا لطلقهم ياكريم ..... انا أحس انهم مو مهتمين لأني ماراجعت عندهم من البداية بس يارب يرزقني الطلق الطبيعي من عنده ... وبس حبيت اقولكم الله يسهل علينا كلنا

والحمدلله خلصت اغراضي كامله تقريبا ناقصتني أشياء مو أساسية بس ودي اشتريها لكن حتى وإن جتني ولاده وانا ماخذتها خلاص مو ضروري والحمدلله رب العالمين قاعده انتظر فرج ربي مثلكم وبس بجهز شنطة المستشفى ذا اليوم أن شاء الله 😂😂😂😂😂😂😂 شكلي بولد وماقد جهزتها.... كل شيء موجود بس هباله فيني مارتبت الأغراض في الشنطه وانا الحين بالأسبوع 38 توه اليوم اول يوم فيه

البوح الله يطمن قلبك عليها ويقر عينك بشوفتها وهي بكامل الصحة والعافية صديقة امي اتذكرها مره تقول انه مرة حملت ونومنها من الثامن عشان البيبي ماينمو زين وجلست الثامن والتاسع وولدت والحمدلله ولدها صار رجال وخلص جامعه وكلي امرك لله واستعيني به ولا تخافين والله يحميك انتي ونونتك

ساره 92 فعلا الشهر التاسع يخلي الوحدة توسوس حتى انا مثلك قبل ما اخذ اجازة كنت مثلك اوسوس واتخيل نفسي والدة بين الطالبات او تنفجر علي الموية او اني اولد في الطريق والحمدلله ربي ييسر لي اجازة الاسبوع هذا وذحين خايفة موووت من العملية ومن البنج النصفي ولمن يروح البنج واحس بالم العملية ولمن اروح للحمام بس احاول اطرد الوسواس من راسي وما افكر كثير وصيري ادعي الله كثير واستغفري

نجمة اختيفتي يابنت من لقي احابة نسي اصحابة الله يتمم عليك وناستك ويرزقك بولادة سهلة ويقر عينك بشوفة ضناك اخوانك ذكروني بأخواني متحمسين مررره هذا وانا والدة قبل 😊وبعدين ايش نظام المستشفى عندكم في التاسع لازم الوحدة تشيك اسبوعيا 😡 وتشوف الموية ونبض الجنين ويسون سونار يتأكدون من كبر الحوض عندك ويشوفون راس البيبي تحت او لا وحجمة وبناء عليه يقرورن ولادتك هي عملية او لا فا الافضل لك تتابعين عند دكتورة في مستوصف خاص شوفي المشهورة عندكم والكويسة وتطمني ولو جاك شيء اي شيء روحي الطواري ع طول