الله يبارك فيكم جميعاالحمدلله ولادتي طبيعي

السلام عليكم اكشني ياحلوين يوم الجمعه 24 /3 حسيت بتحجر بس مو منتظم مره بس قلت اخذ دوش دافي امكن يزيد وفعلا زاد التحجر وبان على وجهي التعب مره من الشد وزوجي قال لازم اوديك الطواري ورحت وسوت كشف 2 سم مفتوح والتخطيط فيه طلق بس مو طلق ولاده .قالت روحي البيت خرجت والسبت من الصباح للمغرب الالم محتمل شد وتحجر كل ربع ساعه مره يزيد ومره ينقص وانا بس منسدحه وزوجي عنده اختبار راح وجاء الحمدلله وبعدها بديت اتحرك واكلت اناناس وحصل بيننا علاقه وبعدها تحممت بمويا دافيه ونمت وصحيت الفجر بدون الم يذكر توضيت وصليت وجلست اقرا سورة مريم وبعدها ورد الولاده وقمت اسوي الفطور وكل شوي احس بضغط واحسب بين الطلق اقل من 7 دقايق واحاول افطر مافيه الفرق بين الطلق سار 5واقل ونوصل ولدي للروضه وبسرعه عالمستشفى وبالقوه متحمله الطلق منتظم وزحمة سير ودخلت طواري وفالكشف الممرضه اقول مقدر استنى تقول اصبري فالانتظار ولما جاء دوري واستعديت للكشف استنى الدكتوره ترتب الجدول حق الشفتات وانا خلاص ماعاد اتحمل وانفكت المويا واصرخ عليها وتجي جري الدكتوره وتقول تحملي ولما كشفت بسرعه ينقلوني عالسرير الثاني وطيران للكشك والحمدلله ولدت بنتي شققتني 😥والشق واصل قريب لمنطقة الشرج الله يكرمكم وجاء الدكتور خيطني وقال لازم تعتني بااكلك والملين اللي اكتبه لك والحمدلله على التيسير حافظو على ورد الولاده وباذن لله تتيسر الحمدلله دحين بس بهذلني المغص مع الغازات والله يخففها يارب وخوفي من الخياطه ربي يهونها

الحمدلله على سلامتك همسة ومبارك ماجاك الله يجعله من مواليد السعادة ويرزقكم بره وصلاحه وعافيته

ماشاء الله تبارك الله الف الف مبروك إلهي ارجو توفيقگ وأم النونات

عصرة ليمون وهمسة حب مبروك ماجاكم وحمدلله على سلامتكم يارب