روز وسكرة
الله يطمن قلوبكم ويكتب لكم الولادة السهلة وللجميع ويقومنا واطفالنا جميعاً بالسلامة ويبارك لنا بصحتنا وذرياتنا

لولي الحمدلله طمنتينا عنك والبيبي ان شاء الله يخف ويطلع قريب بحضنك .


روز ننتظرك خبر عنك ان شاء الله النتيجه تطلع كل شي سليم يارب .


نجمه اختك الكبيره اذا تقدر تمسك اخوانك الكم يوم احسن وامك تجي عندك وتسافري بعدها ، واذا ما تقدر ان شاء الله زوجك ما يقصر ، لا تشيلي هم ولا شي يدبرها المدبر من عنده .


مشاء الله رواكد احسك تفهمي بعشاب النفاس كيف بتهتمي بنفسك بنفاس اذا سمحتي .

الله يسعدكم يابنات لكل من ردت علي والله ماعرفت أفكر زين واذا جاء الموضوع ببالي أحاول اتناسى لأنه صدمني كذا بكلامه لأن متفقين قبل حتى لو مااحد جاني يأخذ اجازه ثلاث اسابيع ولا حولها ويقعد معي وكان يقول ابشري والحين تراجع يوم قرب وقت الجد يقولي لا والله صعبه مقدر مالك الا أمك والمفروض ماتولدين إلا أمك معنا تجي هنا 😒 امي ماتقدر والله ولا راح ترتاح ابدا وانا عارفه هالشي تقولي تعالي اريح لك ولي اما اني أجي مقدر والله ... ويابنات بتكون اول ولاده الله أعلم مدري طبيعي ولا قيصري لكن الله يكتب اللي فيه الخير.... وبقولكم عن المسافة طيران من الرياض لأبها ساعه وربع أو ساعه ونص وعاد من أبها انزل سياره لين عند أهلي تقريبا مسافه ساعتين 😥 ... انا اللي مخوفني الخياطه أخاف تلتهب من القعدة وتعرفون اول الأيام يكون الدم غزير

اما بالنسبة للسياره مره مسافه 10 ساعات لين أبها ومن أبها لمكان أهلي ساعتين يعني 12 ساعه صعبه مشوار الطياره ارحم لكن عادي يسمحون للبيبي يركب طيارة وهو عمره 10 آيام ولا حولها ؟ سمعت ان بعض شركات الطيران تمنع ركوب الرضع ومدري

الله يكتب لك اللي فيه الخير نجمه
بس لاتأزمين نفسيتك وتزيدينها يكفي نفسية الحمل بس امك مافيها شي لو جايت يومين واختك كبيره تمسك اخوانك والملكة لاحقه على اغراضها انتي أولى الحين وضعك صعب او تولدين وتروحين طيران الصراحة الزوج لو حنيته بايش ماينفع والله بالذات اول ولاده يعني لو ثاني ولاده وانتي عارفه ممكن بس هو مايدري وانتي كمان يعني الاثنين ماعندكم خلفيه ولاتستعجلين الاحداث يمكن عمتك تجي زوجك لايرد منها هي اذا تعبانه بتعتذر واذا حست نفسها عادي بتجي هو لايرد منها