مراحب حبيباتي

طبعا من اول التاسع وانا عندي أمل أولد بداية التاسع من الالم اللي احس فيه كل يوم اقول ولاده وفجأه يختفي الالم .. الى اخر يوم بالتاسع اللي هو يوم الاثنين ٢٣/١١ ويبدأ القلق والنفسيه الزفت وكل يوم اصحى واشوف نفسي ماولدت وابكي بس كنت ادعي يوميا بسجودي واقراء اوراد الولاده واكل عسل واشرب حليب بقرفه ولا فيه اي بوادر عطتني الدكتوره مهله الى الاثنين اللي بعده اللي هو اليوم ويوم وراء يوم اروح الطوارى واتطمن ع الجنين واكشف ١ سم وعلى هالحال وكل مارحت زادت النفسيه دمار الى ان جاء يوم السبت قلت لزوجي ودني لامي ابي اغير جو طبعا انا مازرت امي من اخر الثامن كل يوم اقول اليوم بولد وأأجل امي تبعد ١٠٠ كم عني اخذت اغراضي واغراض عيالي ورحت لامي وصرت اكل رطب كثييير بحكم انه من المزرعه حقت اهلي امشي واكل من نفس النخل جاء الاحد الفجر ويبدأ الطلق بس متباعد الى الساعه ٩ باليل بدأ يتقارب بين الطلقتين ٥ د واروح للمستشفى قالت ٤ سم وادخل غرفة الولاده من تسع ونص الى وحده ماتحرك الرحم ثابت ٤ وطلبت القابله تفتح الماء والحمدلله فتحته ومع ذلك مازاد الطلق ابد بس صار يشد اكثر من اول وكانوا القابلات روووعه ومتجاوبين معي جت الساعه ٣ وربع حطت طلق صناعي جتني ممكن ٤ او ٥ طلقات اللي تخليك تنقزين من السرير وجاء وقت الدفع واشحد القابله تسوي توسعه لانه اول مره اولد بدون توسعه خايفه قالت ماعليك اذا احتجتي بوسع لك ودفعه ويطلع الرأس والدفعه الثانيه ويطلع كله يااالله شعور لا يوصف .. والحمدلله من قبل ومن بعد .. عاد مادري اصنف ولادتي من السهل او الصعب ..
ولدت بنفس يوم موعد الطلق الصناعي .. طبعا اكثر شي خفف عني ذكر الله وطريقة التنفس .. وكنت مشغله طول الوقت ورد الولاده للمعيقلي ..

الله يسلمكم ويبارك فيكم جميعا يارب والعقبى لكم ..
ام تميم الحمدلله ع سلامتك .. ويتربون بعزكم ودلالكم يارب
الله يقومك بالسلامه..

ماشاءالله الف الف مبروووك والحمدلله عالسلامه ام تميم وام الشيخ أنس الله يقومكم بالسلامه انتو واطفالكم مسك يارب تحاليل سليمه وتطمنينا بسلامتك ضحكة شفاتي سلامتك والله انا قربت وباقي مدري عمليه اوطبيعي عندي موعد و***** الله اولد قبل الموعد

مسك يارب يكون السكر زين وما تحتاجين تنويم وربي يتمم لك على خير

أم الشيخ أنس .. الحمد لله دامه طلع بالسلامه كل شي يهون
والتعب منسي والله يكتب لك الأجر

تمام صح احسه يضغط على شي من الاعضاء