اذكر بولادتي يوم نزلت علي المويه توهقت بالعبايه و قلت لزوجي جيب عبايتي الثانيه ورى الباب ههههه
عاد انتي تكونين مجهزه عبايا و البرقع و شيله بكيس لحالو وخليه في البيت احتياطا
هذا اقول لج مدري وش وضع مستشفاكم الحكومه
انا يجون المنظفات الاجانب والله اتملل منهم رايحين ورادين و داشين وطالعين مره عصبت على وحده جات تمسح الارضيه و انا واقفه القذره مرت على جزمتي
قلت لها وش ذا يلا اوقفي مناك الا ان تخلص و بعدين وش ذا روحه و الرده مانعرف ننام و ش ذا المنظف ريحته تلوع الجبد
وهزأت و قلت للدكتور المناوب هالاشكال ماله داعي ينظفون كل دقيقه نبي ننام مانعرف نسكر الباب ويفتحونه ليه كذا كل ربع ساعه جات وحده يا تبيع كلوتات او تمسح الارضيه
وقال خلاص اكلمهم لكم...
ولا جاو افتكينا منهم يجون مره الصباح و مره قبل الزياره وبعد الزياره مره

بالمستشفى معروف ازعاج مافيه راحه الاببيتك

وينكم ولدتو عقبال مابشركم

اهم شيء لاتنسون شراب ثقيل عشان رجولكم رح تسمط من البرد
وكمان زنوبة للحمام خذو ابو اي كلام عشان ترموها وانتم خارجين🤢
وخذو قميص قطني عشان اذا صرتو زيي ماقدرت البس لقنز مع انو مجهزتو عشان يدفي اكثر بس خفت ماعرفت البسه مع الخياطه
وسواء لبستو قميص او لقنز احرصو البلوزه بازرار للترضيع
والبلوزه تبع البرد لاتقولون حر
مع الولاده الجسم يدخل بحالة صدمه فقدان دم وبيبي وصرت ارجف ساعتين
مادري الكمام اثر عليا والا من الولاده فقط
اذا حبيتو ربطة شعر عشان الكشه رح تنتفش وفجأه تطلعلك شعران صغيره بالمقدمه واقفه زي الالف مادري من وين طلعت🏻‍♀️


كلوتات الاستخدام الواحد وفوط لوتس او اي نوع اسفنجيه ثقيل عشان مايعور عالخياطه
والميبو مره يساعد ع ان الخياطه ماتصير مشدوده وتحرقك
ومره ميبو ومره فسيودين
والعباية عاد لازم وحده ثانيه


اممم انا شفت فيديوهات يوتيوب وش بشنطة الولاده واستفدت شوي

بنات الله يسعدكم انا احس بجسمي مكسر وتعبانه ومرهقه ذكرني بالي حصلي وانا حامل واداوم وقالت الدكتورره نقص فيتامين بي١٢ وشرايكم اخذ له حبوب والا استخدم الحلبه انا لسا مابديت فيها لان الدكتوره قالت لاتستخدمين اشياء كثيره ولاتاكلين نوعيات معينه من الطعام الي تجيب امساك اول اسبوعين