أم ///ـلطان :

☠️☠️☠️☠️☠️☠️☠️☠️☠️☠️ مثل ماأنتم عارفين ان اسبوع الاجازة تعب زوجي واعداني انا وولدي وشكل الفايروس كان مرررره قوي في حياتي ماجاني كذا حاولت اتحمل اوقف ماقدرت سحبت قشي وأخذت ولدي وانحشت لبيت اهلي 🤧🏃🏼‍♀️🏃🏼‍♀️🏃🏼‍♀️🏃🏼‍♀️ جيت عند اهلي يابنات وانا خلاص منتهيه والطاقة صفر وولدي مع السخونه جاه اسهال تكرمون 😫 يعني وضع ماأتمناه لعدوي ولكم تتخيلون نفسيتي كنت احس بتحجر يروح ويجي المهم جيت عند اهلي وقامت في امي الله يجعلها بالفردوس الأعلى وأنا مافي اي احسن طبعا الظهر رحت المستشفى مع زوجي ومافادت المضادات ولا خافظات الحرارة الحاصل جاء يوم الخميس وكان أول يوم إجازة وجاني طلق يروح ويجي وأنا عجزت اتنشط أجلس مع اهلي وابوي واخواني 😣 الا وأنا نايمه قالت اختي نصيحه روحي خذي لك ابرة تنشطك لاقدر تجيك الولادة وانتي كذا ورحت واعطاني ابره والطلق مستمر قلت اذا تقارب رحت الى ان جات الساعة ١٢ ونص الليل ويختفي كل شي ونمت عادي وصباح الجمعه صحيت وع حالي تعبانة الابرة مااثرت فيني ومعها كحه شديدة قلت لزوجي بروح يمكن لاقدر الله يكون معي طلق وتضرر الحنين ورحنا كان طواري العصر وبرد قوي ودخلت قالت بكشف ويطلع فاتح ١ :٢سم انصدمت توقعت اكثر وسوت تحريض غصب لاني رفضت 😅 وسوت تخطيط طلع فيه طلق وقالت اطلعي وتعالي الساعة ١١ اذا مفتوح ٥ ولدتك ان شاءالله وانا ماطرت علي ارجع الا بطلق قوي ومتقارب وفعلاً كان فيه طلق والساعة ١٢ اختفى كل شي قلت بس من المسكنات والادوية وتركتها وجلست ع السوائل الحارة والتعب مازال والكحه ونفسيتي كانت تحت الصفر المهم مارحت ومر السبت عادي ولاحد صحيت الصباح اول يوم دوامات الا اشوف شي يقطر ع فخذي تكرمون الا قطرات ماء 😵 واقول لأمي قالت مره مانجلس امشي وزوجي مو موجود ورحت مع السواق واخذت أغراضي ورحت قلت ولادة ودخلوني اول وحده الساعة ٨ وكشفت قالت رحمك من ٣:٤سم مفتوح والموية نقصت من ٨ الى ٧ من رأيي ترجعين وامشي واشربي سوائل لعل يجيك طلق اذا جاك تعالي اولدي وإذا لا ضروري تتنومين بكرة الصباح وطلعت ونفسيتي شي يابنات ولافيه شعرة طلق حتى ماخليت شي ماشربته حتى خلطة فتح الرحم وجاء الصباح وجاء زوجي وجهزت أغراضي ورحت ع ١٠ وشي سوت اوراق دخولي ودخلت ع الساعة ١٢ والساعة ١ اعطتني تحميلة وحده بس طلق صناعي وثبتوا في تخطيط الجنين 😣 وبدأ الآلم شوي شوي وع طول بدأ بس كان محتمل مع التنفس ويزيد يزيد طبعاً قبل مايحطون التحميلة اغطوني الحقنة الشرجية تكرمون ورحت الحمام بغدين قالت اذا فيه بول روحي قبل التحميلة لان ساعتين ماتروحين والساعة ٢ ونص زاد الالم قلت ابي الحمام 😫 قالت انتظري نص ساعة مدام وانتظر وانتظر ماصدقت تجي الساعة ٣ قلت بروح قالت طيب وشالوا التخطيط والطلق متقارب مررره ورحت الحمام وتخيلوا يجيني الدفع 😱 وادفع احسني ارتاح اذا دفعت واجلس فالحمام شوي عاجبني الوضغ الحمدلله ماطاحت بنتي وطلعت يوم خفت الطلقه ركض قبل لاترجع ويوم طلعت واجلس القرفصاء من قوة الالم وأحس براحه مع الدفع غلط علي والله بس خلاص والممرضة تقول يالله يامدام لازم احط تخطيط وانا ودي ابكي كيف التخطيط مع هالآلم ماأقدر قلت طيب واطنش الا بدخول دكتورتي قالت ليه جالسة كذا ظهرك وبطنك يعورونك قلت اي قالت كويس طيب وجيت بجلس قالت خليك ع راحتك وطلعت قالت الممرضة يالله مدام بتكشف الدكتورة وأجلس وأنا شايلة هم كيف بتحمل تثبيت التخطيط والكشف الا الدكتورة تو تحط يدها الا يوم سوا كذا 😳 واشوف العصاء الخشب وتفتح الكيس والممرضة ترمي التخطيط قالت يالله ولادة ونركض 🤒🤒 قلت كم قالت ٨ سم ماما قلت يارب فرحت الصدق لأن عندي الكشك يعني الفرج ودخلت وبدينا المشوار قلت ابي مسكن ويعطوني الكمام وأحسه خربوطي المهم وخلاص انفتح ١٠ ووسعوا وخلصوا الا البنت رفضت تنزل يجون منا ومنا وأنا أدفع أدفع مدقره يابنات وخلاص وقفت الدكتورة عاجزة وأنا أناظر وع هالحال وكل ماجات طلقة ادفع ع أمل تنزل 😪 بعد أكثر من نص ساعة قالت الدكتورة دقي ع زوجك لازم يجي بنوقع ع عملية قلت لا تكفين 😫 قالت أعمل ايه خايفه الاكسجين ينقص وكانت يابنات ضاغطه بإصبعها اسفل بطني يسار السره قلت اوجعتيني قالت لازم الاكسجين والتخطيط بعد كان مركب قالت بعطيك ١٠ دقايق اذا مانزلت عملية مررره يابنات كان شعوري الرفض لاني شفتهم وسعوا واتذكر ان الدعاء مستجاب قلت يااااارب الا تطلع الدكتورة وتجي معها دكتور مصري ببدلته حتى مالبس قالت شوفي هذي أخر محاولة هذا الاستشاري رئيس قسمهم بيحاول وتخيلوا يناظر قال شوفي الراس واصلاً انا ملاحظة انهم يشوفون راسها بس مدري ليه مانزل قال اذا جات طلقه ادفعي وهو يوسع بيده والممرضات والدكتورة والممرضة اللي بتأخذ النونو واقفه مصنمه وفيسها كذا 😯 وأجلس نص ساعة ثانيه وأنا أدفع بدون ولا أي تقدم قالت الممرضة يالله ياماما بساعدك بدف وتدف وحده من فوق والدكتورة والممرضة يحصرون بطني يمين ويسار والدكتور يطلع الجفت الشفاط مثل القرص مخرم صغير ومع الدفعه تطلع بنتي الحممممممدلله 😭😭😭😭😭😭😭😭😭😭 واجلس أحمد الله إني انتهيت من الولادة وسلمت بنتي وسلمت من القيصري بعد هالحفريات 😑 وتخيلوا طلعت يوم راحت الدكتورة قابلت زوجي يوقع ع العملية وترجاها وقالت وقع ع بنج ممكن فالظهر وفعلا بعد الولادة ع طول ودوني لغرفة ثانية وأنا بين الافاقة والدوخه وشكلي هناك تخدرت وخيطوا وخلصوا تخيلوا يابنات الى اليوم لي ٥ أيام وأنا يدي واقدامي تكرمون ووجهي متنفخ عاد شكله من البنج وسلامتكم واعذروني إذا خوفت اللي ماولدوا ماكنت بكتب اكشني علشانكم والله بس والله يابنات الولادة والتساهيل من ربي ولادتي الاولى بنفس المستشفى وكانت طلق صناعي والحمدلله كانت تقريبا ميسره والحمدلله انصحكم بالدعاء وتوكلوا ع الله والله مايصير الا اللي كاتبة ربي

☠️☠️☠️☠️☠️☠️☠️☠️☠️☠️ مثل ماأنتم عارفين ان اسبوع الاجازة تعب زوجي واعداني انا وولدي وشكل...

MEMO89 :

يازينكم قربتوا تخلصون القائمه الله يسهل للباقين يارب ويرزقكم ساعة الفرج 💕💕 بنات وش طريقة عنايتكم بالختان ثاني مره اسأل :( قال الدكتور مايحتاج شي والحين انفكت الحلقه بس متعلقه من جهه ومادري وش اسوي فيه

يازينكم قربتوا تخلصون القائمه الله يسهل للباقين يارب ويرزقكم ساعة الفرج 💕💕 بنات وش طريقة...

بثينة الخير :

لا تشرين شي ابد ولا تسحبينها معطيك مسحة او كريم. حطي من اعطاك الطبيب. هي تطيح من نفسها كذا كان ولدي. بس والله نسيت وش أحط عليه😓

لا تشرين شي ابد ولا تسحبينها معطيك مسحة او كريم. حطي من اعطاك الطبيب. هي تطيح من نفسها كذا كان...

سجـى :

ياربي لك الحمد اكرمني ربي بأحلى بنوته ولدت ولله الحمد بعد معانات وطلق مدته 22 ساعة سعاده لاتوصف والف مبروك للي ولدو و عقبال البقيه ان شاء الله الله يهون عليكم

ياربي لك الحمد اكرمني ربي بأحلى بنوته ولدت ولله الحمد بعد معانات وطلق مدته 22 ساعة سعاده...