الف مبرووووك اختي الملاك الله يرزقك برها وصلاحها وعقبالنا ياااااارب بالولادة السهلة الميسرة

بثينة الخير الله يكتب لك الأجر احسك تعذبتي بالولادة ليش ولدوك قيصري وانتي مفتوح تسعه
وخيطوك مرتين 😢
الملاك الوافيه الف مبرووووووك والحمد لله على سلامتك

اليوم بعض الكروشات مالهم حسس
مدري أحد ولد منهم والا لا
اللي تولد اليوم الخميس التاريخ مميز
هجري 5/5
ميلادي 2/2
💃💃💃💃💃😍😍😍😍
.........
بنات اللي ولدوا لاتتركونا طلوا علينا لين نولد ونقفل التجمع بالسلامه 😔

انصحكم يابنات بفتوى ابن عثيمين لآيات تسهيل الولادة اللي ذكرتها الاخت حمامة الأندلس أنا خلصت التاسع وماعندي بوادر ولادة ابداً والله العظيم جاني خوف مو طبيعي وكآبة وحالة ربي وحده يعلم فيها وسبحان الله ليلة ولادتي كتبت الاخت حمامة الأندلس الآيات ورحت للمصحف وطلعتها وجبت الموية عندي وتوضيت وصليت ركعتين كانت الساعة يمكن ٣ ونص بالليل وجلست أقرأ وأنفث بالموية وبعد ماخلصت شربت ومسحت على بطني وبعد الفجر شربت ومسحت على بطني ونمت وصحاني الطلق من النوم الساعة ١١ لدرجة اني جلست في السرير احسب نفسي اتحلم ولما رجعت الطلقة فزيت وجهزت نفسي ورحت للمستشفى لكن انا في ذيك الليلة جمعت بين الرقية وأكلت أناناس وسويت خلطة فتح الرحم اللي ذكرتوها هنا بس بدون نانخة ومحلب ماكان عندي لكن يابنات جاني طلق كل ثلاث دقايق يظرب يمين بالله طلق ماشفته في حياتي من قبل لدرجة الدكتورة والممرضة رحموني وهم واقفين عند جهاز التخطيط ارحموا نفسكم انتظروا الولادة تجي من حالها لاتاكلون شيء
اللي متأخرة ترقي نفسها بالآيات لكن وانتي تقرأي الآيات في الموية استحضري قلبك لأني كنت أبغى الفرج من ربي وتعبانة قرأتها من قلبي
لكن خلطات لاتاخذون مدري الاناناس والا خلطة فتح الرحم والا كف مريم والله مدري وعنق الرحم كان قاسي جداً جداً راس الطفل مارضي يخرج أخذت تقريباً سبع ساعات والطلق يضرب يمين بدون مبالغة يمكن كل خمس دقايق والرحم على مهله يفتح لكن الحمدلله لما اعرف انه ربي مايضيع اجر ابن آدم أحمد ربي وأشكره لعل اللي جاني يكفر عني من ذنوبي وربي يكتب لكم الولادة السهلة اليسيرة وتفرحون بسلامتكم وسلامة أطفالكم ❤❤

هلا وغلا بالحلوات
مبروك الملاك الوافية والحمد لله ع السلامة
وأبشركم طلعت من المشفى اليوم. بفضل الله ونعمته مع اني متخوفة من الصداع. كل الطريق الم فظيع عيوني مسكرتها ولا احب ازعاج ولا أتكلم نرفزت زوجي بالطريق
بغى يرجعني للرياض. بس لما ارتحت في البيت خف الحمد. اسأل الله ان يشفيني وكل مريض مسلم
اللي يتمنون القيصري والله الطبيعي ارحم الف مرة. ولله الحمد ع كل حال. تخيلي عاجزة عن الحركة يقومونك حتى الجلسة بروحك ما تقدري. وكنت اضغط ع نفسي وازعجتهم ابي امشي ودي اخف بسرعة اسأل الله من فضله. لان كل ما مشيت خفيت اكثر. كنت احاتي نفسي في بيتي في نفسي والا المولودة والا العيال وازعاجهم الله يصلحهم. لكن الله ارحم بنا من أنفسنا


نجمة الخياطة تحت استخدم لها مطهر بيتادين. وكريم ميبو. والعملية مسحة طبية وكريم نسيت اسمه. توني اشوفه اليوم
العملية تحتم عليك تمشين بشويش لأنك تحسين كالسكاكين في بطنك. اسأل الله ان يشفي كل مريض.


وما ادري وش بعد سألتوا. وهذه اثار السهر مع النونو الله يصلحها😅