للي طلبت الفوط للمبرده هاي صورتهم

بنت الغالي طمنينا ش بيصير مع امك

صباح الخيرات على أحلى امهات .. امس بديت بالحركات الارعا على قولتهم .. الم يروح وبجي يمكن مرتين وما تعدى دقيقتين وراح ..كنت اتمنى انها تتواصل .. بس حكمة ربي ولله الحمد ..
ودي اعترف لكم بشي .. مابعد رتبت شنطتي 🤪 احس فيني برود عجيب .. المفروض الحماس ألف 😜 بس رتبت شنطة البيبي .. زين مني صح ؟!!


بالنسبة لرجلي الانتفاخ يخف اذا نمت ويزيد صحيت وتحركت فصرت منبطحة ومنسدحة دائما .. ودي اقوم اغسل المواعين ودي اقص شعيراتي ودي اغير واجدد النفسية.. وارتب ما اتحمل هالخمول

السلام عليكم
الحمدلله على سلامه الاخوات اللي ولدوا ومبارك ماجبتوا يتربوا بعزكم 💐💐💐



بنت الغالي الله يحفظ أمك ويمدها بالصحه والعافيه
ويقومها بالسلامه


الاخوات اللي يعانون من الم فوق السره او تحت الصدر هذا من تمدد البطن وتعب العضلات ( مزوع) دهنوا بحق عضلات او زيت زيتون وممكن لزقه الصقر وان شاء الله بعدالولاده تروح

ام رواف انا باقي اسبوع وادخل التاسع ٣٧ اسبوع ولسى ماجهزت ملابسي ولا جبت الشنطه وملابس البيبي بس لبستين وما ادري متى أكمل الله يسهل الامر فعادي فيه معك مجموعه 😅


دعواتكم أخواتي عندي اشتباه بمشكله بالمشيمه ممكن تكون ملتصق جزء منها بالعمليات السابقة
ان شاء الله تعدي وتكون بردا وسلاما لكن مقلقتني من اول ماحملت وقالوا المشيمه أماميه بس لمى قالوا لي هاليومين انه جزء منها على العمليه صار عندي ضيقه الله يفرجها
ولا اقدر اقول لأمي أعرفها تقلق كثير
الله يسهل وتكون بسيطه او مخطين ما وصلت العمليه قادر سبحانه

حطي على مكان الالم لزقة جونسون يمكن تمزق خفيف ويروح إن شاء الله