الله يبارك فيكم وحدة وحدة يارب ويسنع اموركم .. والله وانا في الولادة إني ادعي لكم كلكم بدون استثناء ان ربي يتمم عليكم حملكم وتشوفون عيالكم بأكمل صحة وعافية ..
الطلق بدأ معي قومني من النوم الساعة 2 بالليل حسيت مثانتي تمتلي واذا رحت للحمام اسويها يرجع الالم اشد .. طنشت وكل شوي اتردد عالحمام جت الساعة 4 شفت دم قمت وتروشت وقومت زوجي ورحنا للمستشفى وقعدت بالطواري وشافتني القابلة قالت طلق كاذب حتى لو شفتي دم
رجعت البيت الساعة 7 الصباح ونمت لين 12 الصباح .. ورجع لي نفس الام واكلم اختي اللي احسها فاهمة قالت روحي للمستشفى كان معي طلق يشد كل ربع ساعة ويستمر دقيقة .. قمت امشي بالبيت بدون معنى اهم شيء امشي وسويت لي حليب بالعسل .. قريت وحدة كاتبة كذا وبعدين قمت تروشت بموية دافية وركزت على اسفل ظهري وطلعت والالم مازال مستمر .. قمت بصلي المغرب فجأة فكن معي الموية وارتاع زوجي وانا والله مرتاعة بس قلت جب عباتي يالله ورحنا للمستشفى والزحمة ما احكيلكم عنها طريق الملك فهد شيء يروع .. وصلت للمستشفى بعد ساعة ونص .. وعلى طول دخلوني الطواري وقاسوا الرحم 2 سم ويوم صار 4 رحت لغرفة الولادة وكل ساعة يفتح سنتي او 2 سم .. واقولهم ابي ابرة ظهر .. قالوا لي مايصير رحمك مفتوح 6 جلست عالوضع هذا من 6 ونص إلى وحدة الليل وشرف المحروس اللي يحفظه وبحرسه.. والحمدلله طبيعي بس والله الطلق 24 ساعة وحاااار بس سبحان الله من تشوفين ضناك تنسين التعب والهم .. هذا أكشن البكرية والسلام ختام
الله يبارك فيكم وحدة وحدة يارب ويسنع اموركم .. والله وانا في الولادة إني ادعي لكم كلكم بدون...
الف مبروك والحمد لله على سلامتك يتربى بعزكم يارب