ريوف الجنه :

الله يبارك فيكم جميعاً عقبالكم يارب الله يرزقكم الساعه الهينه ويسخرلكم عباده يارب ياكريم ببدء معكم اكشني دامي بالمستشفى ويساعدوني 😂 واعتذر مقدماً اذا بيقل دخولي زياده كوني مبتعثه ولحالي مع زوجي بيكون ضغط كبيره علينا انا من التفصيليه الاولى خبروني بسالفة الحبل السري والمشيمه انه الحبل الطبيعي فيه شريانين و وريد بس اللي عند شريان و وريد والحبل مايدخل المشيمه من النص مثل الطبيعي لا انا صاير على جنب وغيره طلع معي السكر واخذ ابر انسولين والمويه بدت تنقص وغير كذا طفل انانبيب فطلبت منهم انه يكون طلق صناعي اجيبهم بموعد ويبدون معي لان على كل هالمشاكل انا بغربه ومحد حولي من اهلي وزوجي اخر شهر بالجامعة بيتخرج ماحبيت اشغله فماعلمتهم يادوب زوجي علمته قبل شهر المهم اخترت يوم ١١/١١ اقل شى نتميز 😂 رتبت كل شى وجهزتلي مكان بالشقه وصديقتي سوت لي تمرة النفاس والثانيه مصابيب لبعد الولاده سويت فحص كورونا قالوا سلبي فيوم الاربعاء ١٠ نوفمبر هو يوم الدخول وكلمتهم على ٧ ونص قلت اسمي قالوا كلمينل بعد بضع ساعات لحد الان مافيه خبر قال زوجي امشي نطلع من البيت اقل شى لمن يكلمونا وطلعنا لمطعم تعشينا وتكينا من ٨ الى ١٠ 😂 ولمن دقيت قالوا تعالي عاد مطعمنا قدام المستشفى اختاره زوجي فرحنا وساعتين تقريباً بس الفحوصات المبدئيه وتعليمي على اشياء جت الساعه ١٢ بدوا معي بحبوب ملينه للعنق كل ثلاث ساعات جرعه والحمدلله ماحتجت اكثر من ثنتين الخطوه الثانيه اللي المفروض البالون الللي تفتح الرحم الى ٤ سم بس الدكتوره قالت لا انصحك خذي ابرة الظهر اول عشان ماتتعبين بما انك حساسه واخذتها وياربي لك الحمد كانت مثل نسمة الهواء عقب البالون بدء يفتح االرحم وبدء الطلوق تصير حاميه حيل ومتقاربه فخاف حبيبي ونزل نبضه مع كل طلقه انتظروا اربع ساعات وكل شوي يغيرون وضعيتي لكن ستل يخاف وتنزل فقرروا لي عمليه على طول بهاذا السبب والاسباب اللي فوق وغير كذا لمن خلصت قالت الدكتوره انه هو متكي ع الحبل ويزيد اذا توتر من الطلق وعشان كذا مايوصله اكسجين وين ل النبض. فبدوا يجهزوني واخذوني انا وزوجي وطبعاً ماحكيلكم كيف خاف وجاه غثيان ويالله انا اهديه واشغله قران 😂. قالوا لي اذا بتشغلين ميوزك قلت لا بشغل قران قالوا على راحتك. ربع ساعه من احساس الضغط بالبطن وعقبه خمس دقايق بالصدر جاء حبيبي يونس اخذوه ينظفونه ويفحصونه وراح زوجي معهم ونا استئذنت من حق التخدير اني ممكن انام قال عادي فاخذت غفوات ب٤٥ دقيقه حدما حلصوا ورجعوني العرفه طبعاً رجفة الطلق والهرمونات اللي يعطون وابرة الظهر بعد تسبب رجفه والغرف بارده فقلت لزوجي انت رضعه وانتبه له انا بغفي يومين مانمت الا ساعتين والحمدلله وعيت الا حاطين بطانيات دافيه وراحت الرجفه وكلمنا اهلنا والحين صعدوني غرفه لحالي كل ساعتين ثلاث ارضع البيبي صناعي لان لسى ماعندي حليب وياخذونه قبل الرضاعه يشيكون ع السكر والضغط ٢٠ دقيقه ويرجعونه ارضعه وطبعاً مهمة زوجي لاني بس اغفي ماقدر افتح عيني. طبعاً من قالوا عمليه ويحاولون يسهلونها لي الحمدلله عطيتهم فكره اني حاطه فبالي كل شى ومتقبلته دامه فيه خير لي وللطفل واني واثقه بقرارتهم والحمدلله يارب على عظيم عطاياك ❤️ وهذا هو اكشني وعسى انه فيه شى مفيد لكم.

الله يبارك فيكم جميعاً عقبالكم يارب الله يرزقكم الساعه الهينه ويسخرلكم عباده يارب ياكريم ببدء...

ريوف الجنه :

الحمدلله حمدًا يدثرني عمقًا حتى يرضى فأرضى ، الحمدلله على تباشير أفراحي وعسري حين انفرج ، الحمدلله الذي أغاث الفؤاد بقدومهاوارتوى ثم فاض ، انشطرت من روحي روح وانتهت رحلة وهن على وهن ، حيثُ رزقني الله بمنه وفضله وكرمه بـ " يونس " 👼🏻💙

الحمدلله حمدًا يدثرني عمقًا حتى يرضى فأرضى ، الحمدلله على تباشير أفراحي وعسري حين انفرج ،...

ام فهود♡ :

الحمدلله على تمام النعم .. رزقني الله واكرمني فجر اليوم بمولودتي عهد .. جعلها الله من مواليد السعاده.. ارتاح شوي واكتب لكم الاكشن حق ولادتي

الحمدلله على تمام النعم .. رزقني الله واكرمني فجر اليوم بمولودتي عهد .. جعلها الله من مواليد...