DanaMam :

يوم السبت رحت المستشفى قلت اسوي تخطيط عشان اتطمن عالبيبي والحمدلله كان كل شي سليم والدكتوره كانت سودانيه يدها مايحتاج😩 بعد التخطيط فحصتني قالتلي فاتح واحد ونص سم وماعندك طلوق ابد مجرد انقباضات وسوتلي تحريض لين طلعت روحي دخلت اصابعها بذمه وضمير المهم رجعت من عندها في شوي الم ونزلت علي في نفس اليوم افرازات مخلوطه بدم وكل فتره تنزل قطعه بالاخير صارت تنزل قطع بيضا بدون دم وشكيت انها ولاده نمت السبت الليل وانا حاسه بالام خفيفه مره ماتوقعتها الام طلق لان العاده تتزل علي مويات ماسبق وجربت الم الطلق المهم صحيت الاحد وانا نفس الوضع افرازات تنزل والم خفيييف يروح ويجي وكان عندي موعد عند دكتوره ثانيه عشان اسوي سونار واتطمن عالبيبي رحت موعدي 3 العصر وسوت سونار والحمدلله قالتلي كل شي سليم والمشيمه تمام والبيبي تمام وقالتلي يلا افحصك وهي تفحص انصدمت قالت انتي مفتوحه 5 سم خلاص ولاده هنا طقتني النفضه وجاتني البكيه 😩😩 قالتلي اطلع من عندها امشي وامشي وامشي واذا حمي الطلق اروح للمستشفى طلعت من عندها عالبيت ورحت جهزت باقي اغراضي واخذت شاور مويه حاره وقعدت امشي فالسيب واحس الطلق يزيد فالقوه بس لسى متباعد واحيان تجي طلقات بارده لاتذكر تكسرت رجولي وانا امشي وزوجي يقولي نروح المستشفى اقوله لسى شوي كنت منتظره الطلق يحمى بس برضو بارد المهم ع12 قلت لزوجي يلا عالمستشفى اخاف اقعد اكثر واضر البيبي ورحنا سوولي تخطيط وطلع في طلق متباعد وبعضه قوي المهم فحصتني من تحت طلع 4 سم قالت ولاده ولازم تتنومي وخلاص انا سلمت امري جلست من 12 الى 2 والطلق نفسه باااااارد ورجعت فحصتني لقيته نفس الشي 4 سم مازاد قالتلي قومي امشي شوي .. قمت وبديت امشي شوي ربع ساعه الا والمويات تكب علي فجاه انفتحت .. ناديت الدكتوره قالتلي خلاص نامي مايصير تمشين وفي مويات ورجعو شافو الطلق نفس الشي ماحمي قالت للمرضه حطي لها طلق صناعي😩😩سبحان الله على قد ماكنت خايفه منه بالاخير عطوني اياه بداو معاي 2ونص وفكت الدكتوره مويه الراس بيدها واااه يالعذاب شلال مويه انفجر وبنفس الوقت ماسكه الدكتوره بطني من فوق وتضغطها ومدخله اصابعها تحت وتقول شدي شدي على تحت لاتسحبي نفسك عشان مايلف البيبي ويعترض لان المويات كانت كثير وانا فعالم ثاني اصرخ من الالم والعذاب والدكتوره تصرخ لاتشدي البيبي بيرتفع زياده فوق وبيلف نفسه بس ذيك اللحظه مو قادره اسيطر عنفسي الم مو طبيعي ونفسي ارفسها برجلي هي واصابعها 😂😂 بس الحمدلله بالاخير حاولت ادف شوي على تحت لين ثبت الراس وتعدل والدكتوره فرغت كل المويه كل شوي تنزل كميه لمن خلصت راحت وقالتلي اذا حسيتي بالدف ناديني قعدت من 2ونص الى 3 ونص على الم متواصل كل 5 دقايق يروح ويجي مرره يذبح واحاول اضبط نفسي بطريقه شمي ورده وطفي شمعه والحمدلله حسيتها خففت عني شوي بعد الله سبحانه .. جات الدكتوره تقيس قالتلي 5 نفس الشي 😩😩جاني احباط وحسيت نفسي مطوله والالم نفسه مستمر ويذبح وزادولي قوه الطلق الصناعي عشان يفتح الرحم وجات الساعه 4 وشوي وسمعت صوت الاذان وقعدت ادعي بين الاذان والاقامه ان ربي يخلصني من الي انا فيه ويرحم ضعفي وسبحان الله ماجات 4 ونص الا وانا احس بالدف ناديت الدكتوره قاستني تقول 7 الى 8 سم استغربت كيف وانا احس بالدف قوي قالتلي دفي بشويش عشان الراس ينزل شوي بس لاتدفعي للاخر لسى مافتح 10 سم وقعدت فعذاب احس بدف واصارخ ومو عارفه ادف ولا لا وحاسه البيبي يدفع نفسه لبرا وخايفه ادف لان مافتح 10 لسى .. والحمدلله كلها ربع ساعه تقريبا ورجعت تقيس صار 10 ودفيت اول دفعه وانا اصيح ورجولي تتخبط يمين يسار بهذلتهم 😂😂 المهم جات الطلقه الثانيه وحاولت اشد عنفسي وادف بكل قوتي واكتم نفسي وماصرخ وخليت تركيزي فالمنطقه تحت ودفيت لين حسيت الراس طلع ودفيت اقوى وطلع باقي الجسم والحمدلله طلعت بنوتتي عالدنيا وارتحت ورموها على بطني بس ماحسيت من الدوخه والتعب صرت زي المغمى علي حتى كنت ابي ارضعها بس ماقدرت من التعب قلتلهم شيلوها وبعد الولاده بنص ساعه حسيت بلوعه واستفرغت الله يكرمكم وبعد ساعتين تقريبا طلعوني غرفتي والحمدلله نمت شوي وحسيت نفسي احسن بعد مارتحت الحمدلله اكثر شي تعبني في ولادتي هذي ان الراس مانزل الحوض وكنت اقولكم هالشي وحاولت امشي واتقرفص بس بدون فايده برضو الراس كان عالي واتوقع السبب كثره المويات سبحان الله لمن فكت كيس المويه نزلت بكميات مو طبيعيه تقول شلال وكانت البيبي بتلف وراسها يطلع فوق بس الحمدلله ربي لطف مع ان الدكتوره عذبتني وهي تدخل يدينها تحاول تعدلها بس الحمدلله على كل حال والشي الثاني يابنات اقولكم لاتستعجلو على نفسكم خلو الولاده تجي من ربي سبحانه انا قعدت احمد ربي واشكره اني ماسمعت كلامهم ورحت الخميس تنومت لان الراس اساسا كان عالي ومافي طلق فراح يعذبوني بالطلق الصناعي وكان جلست ساعات وساعات ويمكن بدون فايده ومايفتح الرحم بس الحمدلله ماخاب من استخار وهالمره فعلا حسيت بالحريم الي يقولون مانبي نروح بدري عشان لايلعبو فينا ويحوسونا 😭😭 الحمدلله على كل حال

يوم السبت رحت المستشفى قلت اسوي تخطيط عشان اتطمن عالبيبي والحمدلله كان كل شي سليم والدكتوره كانت...

خوخ تين :

اللهم لك الحمد حتى ترضى ولَك الحمد اذا رضيت ولَك الحمد بعد الرضى الحمدالله ع تمام. النعمة واكتمال المنه رزقت ببنوته الساعه ١٠ ونص طبيعي الحمدالله عقبالكم كلكم بولاده السهله الميسره ي رب خاصه ياسمين mooly واعملوا للآخرة ومسك و smw وكل المعوشرات الله يفرجها عليكم من عنده دعيت لكم الله يفرحكم بشوفة اجنتكم بخير وسلامه بنتي بس تبكي تقطع قلبي عليها [emoji174] ارتاح واكتب لكم الأكشن

اللهم لك الحمد حتى ترضى ولَك الحمد اذا رضيت ولَك الحمد بعد الرضى الحمدالله ع تمام. النعمة...

همس الوجدان2012 :

بنات الله يعطيها العافيه اللي تساعدني المستشفى طالبين مني صوره سونار حق الشهور الاولى وانا ماعندي غير حقت السابع اللي ولادتها معي بشهر أكتوبر ترسلي سونارها رافضين يطلعوني الين أجيبها وانا طفشت من المستشفى احس نفسيتي تعبت وعيالي فالبيت ماعندهم احد

بنات الله يعطيها العافيه اللي تساعدني المستشفى طالبين مني صوره سونار حق الشهور الاولى وانا...

مسك 511 :

الحمد لله خوخ وجهها خير علينا وعقبال المعوشرات بنات كنت اقراء سوره مريم وانا اقراء سمعت صوت زي القنبله قلت هذا الرأس وشوي وانا اقراء الا المويه انكت علي دعواتكم بطلع للمستشفي خصوني بدعوه ولكم بالمثل استودعكم الرحمن احبكم كلكم 😭😭😭😭

الحمد لله خوخ وجهها خير علينا وعقبال المعوشرات بنات كنت اقراء سوره مريم وانا اقراء سمعت صوت...