BeeReem :

انا يا بنات شكلي ما بكتب لكم اكشني كامل احس مستحيل كنت موت تعب وقلة نوم وفجأة خوف.. بس بختصر لكم قد ما اقدر .. رجعت ذلك اليوم بيتي وانا حمدالله زي العسل والمفروض ثاني يوم -الاثنين- عندي موعد مع دكتورتي بس انتظار.. بس فجأة يوم راح زوجي ياخذ رقم العصر قاله الدكتورة فجأة غيرت مواعيدها وخلاص الحين يخلص -يعني فترة وحدة مو فترتين- قالي زوجي تدخلي عند غيرها قلت لا بننتظر صباح الثلاثاء وبروح من بدري وحجز لي رسميا عندها .. بالليل على ١٠ قمت اغسل صحون الغداء واحس فيه شي دافي يخرج ..بس بسيط وانا اصلا استخدم كوتيكس اليومية.. المهم ما اهتميت لاني زي ماقلت لكم اقرأ دائما انه موية الجنين تنزل دفعة وحدة وكملت شغلي ..فجأة احس برطوبة ودفا مرة ثانية ثم مرة ثالثة وهنا وقفت ورحت اشيك لقيت موية شفافه بدون ريحة ..هنا تاكدت انها للطفل ..ورحت تاكدت من شنطي وقفلتها لاخر مرة ودق علي زوجي على اساس نروح نمشي..قلت اطلع مافي مشي خلاص اشوف مويات .. بس كنت ابغى انتظر اي الم عشان اروح المستشفى -قرات بالنت البنات يجيهم طلق طبيعي احيانا مباشرة واحيانا بعد ١٨ ساعة او اكثر -بس المشكلة اني بمستشفى خاص اعرف ماراح يصبرون علي وبيعطوني صناعي.. مددت وانشغلت اكمل تصميم البشارة حقي لما ١ الليل وبديت اقلق، اخاف يصير مضاعفات بدون سبب مقنع، رحت المستشفى وطبعا خلاص ترقيد ضروري وطلعت غرفتي على ٢ ونص الليل ..قالت معاك لما ٦ الفجر اذا ماجاك طلق طبيعي يضطر اعطيك صناعي -ولاحقا قالت لي اذا الرحم مايزال فاتح ٢سم بس بعطيك طلق اذا فتح اكثر بصبر عليك- وبالفعل تجي ٦ الصباح وانا مافيني الا العافية ومافتح زيادة بس عجزت انام ..اعطتني طلق صناعي من تحت يشبه الجل بس على شكل خيوط وقالت انها بترجع تاخذها..سالتها عن طلق الوريد قالت لي اذا فتح ٤ سم وطلعتي الكشك بعطيك هي..بس جلست استريح لما وحاولت انام وبدا الم لما ١٠ ونص ..ثم قالت لي صار ٣.٥ يلا فوق ..وطلعت فوق واعطتني طلق بس لما صار الالم قوي وورا بعض والرحم علق عند ٤ سم اقولها ابغى ابرة الظهر قالت لي استني يا حبيبتي جنينك عنده مشكلة بالنبض اذا اعطيتك ابرة ظهر بيكون خطر عليه -مافهمت ليش بيصير خطر- المهم ونادوا الدكتورة المناوبة وصارت تحاول تقيس نبض الجنين مع كل انقباضه -ما اعرف كيف او اش صار-بس كل ما يجي طلق تدخل يدها واسمع صوت نبض الطفل يقل..واذا راحت الطلقه يرجع نبضه طبيعي وفجاة صار الكل يجري وامي وزوجي صاروا فجاة بنص الغرفة معايا وانا من التعب ابغى اي ابرة مهدئة وصارت اشياء كثير حولي مو مستوعبتها ذيك اللحظة بس الفكرة اللي علقت عندها ابغى ابرة ظهر..ولما زاد الالم وعرفت اني بولد قيصري اكيد صرت ابغى ابرة كاملة وحمدالله اعطوني هي ونمت وقمت وانا خالصة.. احس فيه تفاصيل كثير مستفزة في نظام المستشفى تفاجأت فيها.. وفيه تعامل سيء.. والكشف اللي كل شوي من تحت لما جننوني.. وفيه قابله مصرية الله يهديها شكلها صغيرة ومتحمسة ،دكتورتي المناوبة تقول فاتح ٣.٥ لما طلعت فوق قاسته قالت لي لا لسه انتي ٢.٥ -مرررة احبطتني لاني كنت اتالم ومرهقه وهي تقول بس ٢.٥ .. بعدين زاد الالم وصار يجيب متعب الممرضه الفلبينيه قاست تقول صار ٤ وجات المصرية تقول لا لسه ٣.٥ مررة عصبتني اقولها ليش يدك انتي غير يد الحريم نفسي افهم لاني منجد احس بتوسع.. بس حمدالله عدت والحين طيبة وابني بخير بكرة ببدأ امشي واتحرك باذن الله..

انا يا بنات شكلي ما بكتب لكم اكشني كامل احس مستحيل كنت موت تعب وقلة نوم وفجأة خوف.. بس بختصر لكم...

العبير ** :

مناهل مدهره ماشاء الله عليك هالكم يوم 👏🏻 طيب الحين عندي سؤال هل في تجمع ثاني يصير بعد الولاده ولا خلاص كل واحد يروح بطريقه ،، صراحه اول تجربه لي في المنتدى و تعودت على تواجدكم 🥲💘

مناهل مدهره ماشاء الله عليك هالكم يوم 👏🏻 طيب الحين عندي سؤال هل في تجمع ثاني يصير بعد الولاده...

طل الصباح :

اكشني انا غيرت المستشفى لمستشفى عسكري. ولدت بناتي فيه يوم الاثنين رحت لطوارئ وقالت لي دكتورة سودانية الله يهديها بس نص سم ولا راح نسوي شي لين الاسبوع ٤١ خير وانا معي طلق خفيف وإفرازات وقالت روحي الصباح الساعه ٨ سوي اشاعه تفصيلية وتحاليل شاملة المهم رجعت البيت ساعه ٥ الفجر ورحت المستشفى ٨ المستشفى مررره كبير رحت صلحت تحاليل وبعدها رحت الكوفي افطر وبعدها الإشاعة يعني من ٨ الى ١ وانا افرفر المستشفى فوفرة غير الدرج ومعاي طلق بارد وع ساعه ١ طلعن الطوارئ كنت تعبانه وإفرازات فيها دم قلت اكيد الرحم فتح. الصدمة طلع ٢ سم ودكتورة بعد ما عجبتني قالت تجلسين ملاحظة ساعتين وارجعي الى الاسبوع ٤١ مشيت ساعه وانا كلها دعاء واقرا قران رجعت بعد ساعه تعبت من المشي والحمدالله دكتوره هذي خلص وقتها من الفرحه نستني ههههه بدا الطلق كل ١٠ دقايق بس خفيف بعد مره محتمل وجات دكتوره الله يجزاها كل خير كشفت وحصلت ٣سم وصلحت لي تحريض بدون ما اطلب وبعدها جاء طلق يخوف اول مره احس فيه مررره عذاب الله يكتب الأجر وجلست العصر كله ابموت وبعدها صحت انفكت الماء وفتح ١٠ سم ورحت الكشك وبدات رحلة الولادة الحمدالله وجاء حبيبي لدنيا الحمدالله والله مانفع معاي الا الدعاء والقران الله سهلها في لمحة بصر

اكشني انا غيرت المستشفى لمستشفى عسكري. ولدت بناتي فيه يوم الاثنين رحت لطوارئ وقالت لي دكتورة...

BeeReem :

الحين فاضيه لاني لسه بالمشفى والطفل بالحضانه في الليل بس اتوقع بعد كذا بصير مشغولة ..ابد ما توقعت ولا ١٪؜ اني ممكن اولد قيصري احس حتى ما ثقفت نفسي قرات اشياء بشكل عام ..وشنطتي عاملة حسابي على ليلة وحدة.. حمدالله اللي جعله مخرج حمدلله فيه اشياء غريبة احيانا تصير ما نفهم سببها الا لاحقا .. من لما حملت وانا اقول لامي يااارب اني اولد ولادة وحدة،اما طبيعي او قيصري ولا اعيش التجربتين معا ..وسبحان الله عشت الاثنين .. وكنت معتبرة نفسي نص بكرية لانه لي تجربة ولادة طبيعية مبكرة بالشهر ٦ واقول بخاطري الفرق بين هذيك وذي وزن الجنين اكبر فقط انا اعرف اش هي الولادة..لكن سبحان الله الفرق شاااااسع بين التجربتين.. ولا تنسوا اسألوا الله التوفيق والسداد بجد الولادة توافيق من ربي والدعاء سبب حمدالله لا تخطيط ولا بطيخ .. اجل تجربة ولادتي الطبيعية في المستشفى الحكومي احسن الف مرة من الخاص حمدلله على كل شي 🌸🤍

الحين فاضيه لاني لسه بالمشفى والطفل بالحضانه في الليل بس اتوقع بعد كذا بصير مشغولة ..ابد ما توقعت...