ياسمين الفيصل :

انا بجسمي كله مو مناطق محدده او قرصات الجسم كامل انقلب احمر 😭 والحين بديت اخذ حبوب الحساسية وبشوف

انا بجسمي كله مو مناطق محدده او قرصات الجسم كامل انقلب احمر 😭 والحين بديت اخذ حبوب الحساسية...

Shosho468 :

السلام عليكم ورحمة الله مساء الخييير حبيت أبشركم اني ولدت الحمد لله وكانت ولادتي يوم الثلاثاء ١/٢٠بالليل

السلام عليكم ورحمة الله مساء الخييير حبيت أبشركم اني ولدت الحمد لله وكانت ولادتي يوم الثلاثاء...

أم عندا :

•أكشـــن ولادتي • كلامي بيكون كثير بس يمكن فيه فايدة للي لسى حامل وعسى الله ينفع به [emoji179] *ماشاء الله تبارك الله الا بذكر الله تطمئن القلوب * اول شيء يابنات ، من بداية حملي وانا واثقة بالله ومتفائلة ان ربي راح ييسر ولادتي خلوا ببالكم هالشيء ، ظنوا بالله خير وراح يرزقكم الله على ظنكم ♥️ نجي للاكشن من دخلت الشهر التاسع وانا اقرا عن الخروع ومتخوفة لين خلاص جت براسي الا بشربه واخلي زوجي يجيب لي خروع بالموز وحطيت ملعقة طعام منه بنص كاس عصير برتقال .. -ملاحظة انا ما انصح احد فيه ولا احذر منه اقولكم بس وش صار معي - شربته ٣ العصر وصار يجيني مغص خفيف مرة مايذكر يوم الاربعاء ماصار شيء يوم الخميس ، اليوم الموعود [emoji23] قمت الساعة خمس الفجر وانا خلاص ناوية باذن الله اليوم بولد يعني بولد وارقى للسطح وامشي امشي واذكر ربي حوقلت يابنات ٨ الاف مرة ماشاء الله وانا امشي احس معي مغص وتقلصات واروح الحمام تكرمون مافي شيء نزلت صلحت فطوري وافطرت وانسدحت بالصالة ومعي مغوص ماتوقعت انها طلق على بالي زي العادة حسيت بشيء خفيف ينزل تذكرت الدورة قلت بنفسي معقول السدادة نزلت؟ بس اهملت الموضوع ورقدت شوي قمت الساعة ١١ الضحى وانا امشي بروح لغرفتي اكمل نوم وشفت ماء ينزل لين رجولي وتطقني الروعة ومن رحمة ربي زوجي ماخذ اجازة بهاليوم وكان قايم يصلي الفجر -الله يهديه- واناديه بهدوء وانا مرتااااعة بس مابينت قلت يالله المستشفى الموية نزلت ونوصل الساعة حدعش ونص تقريبا وماكان فيه مغص يذكر وكان لون الموية اصفر مع شوي اخضر قالوا ممكن الطفل متبرز داخل البطن حطوني بالقسم والطلوق كل مالها تزيد وكان كل ماجتني طلقة اتذكر كلام كوين مام لما كانت تهز المغسلة كنت انسدح يابنات واذا جت الطلقة اقعد واهز بطني واقرا الاية ( وهزي اليكِ بجذع النخلة ) وماما حبيبتي كانت تمشيني وانا تعباااانة خلاص الجمعة الساعة ٧ ونص كشفوا علي قالوا ماشاء الله ٦ سم وانا كل يوم الخميس كان ١ سم بس ويودوني للكشك حق الولادة ويحطون التخطيط ويقولون لي لاتحركين بس والله ماعلي كل ماجتني الطلقة قمت وهزيت نفسي وطبعًا ممنوع تقعدين عشان يخافون ع البيبي لاتنكسر رقبته كان فيني رغبة للدفع جت الدكتورة لما شافتني اصارخ قالت توك انتي بكر ولسى يبي لك وقت قلت ماعليك قيسي وشافت قالت ماشاء الله ٨ سم وطلعت وانا فيني رغبة قوية للدف خلاص واناديهم يحسبوني اهوّل الموضوع واصارخ اقولهم فيه بوش ولا عطوني وجه لين اخر شيء وصلت حدي قلت ترى بولد وانتم ماتدرون عني وطبعًا الله لايوريكم الصراخ🤦🏻‍♀️ جتني وقاست قالت يالله الحمدلله ٩ باقي شوي قلت طيب فيني دف قالت دفي ماعليك والممرضة تقول لاتدفين بس غصب عني فيني رغبة دف وعلى تقريبا حدعش ونص قاست قالت خلاص وصلتي ويشيلوني لغرفة الولادة عاد بدون تفاصيل لاني ماركزت ابد وش صار كانه حلم الي اذكره تقولي كل ماجت الطلقة دفي طبعًا وسعولي عشان بكرية والحمدلله على الساعة ١٢ الظهر طلع راس البنوتة[emoji23]♥️ ماشاء الله تبارك الرحمن اسسسفة لاني طولت حكي بس بقولكم بعض النصايح وان شاء الله تستفيدون منها خصوصًا للبكريات ١- عليكم بالمشي قد ماتقدرون امشوا ٢- القرفصاء متعبة لكن حاولي لو خمس مرات ٣- اشربي اشياء دااافية حليب او شاهي واتركي القرفة والخرابيط ماتسوي شيء ٤- الخروع ما اظنه فادني لاني شربت ملعقة بس فما انصح احد فيه ٥- واهم نقطة وهي التوكل على الله والحوقلة بنية الفرج واقرأوا ايات تسهيل الولادة بموية مرتين باليوم واشربوا ولاتنسون اذا جاكم الطلق القوووووي هزوا اجسامكم كانكم ترقصون واخر شيء الله يفرج هم كل وحدة منا ويارب يقومنا بالسلامة [emoji179]

•أكشـــن ولادتي • كلامي بيكون كثير بس يمكن فيه فايدة للي لسى حامل وعسى الله ينفع به...