مسك 511 :

أكشن ولادتي الاربعاء ٧ /١ كنت مخلصه التاسع لي يوم معوشره الثلاثاء اللي قبله كنت احس بطلق بس بارد كان الطلق معي من اسبوع بس بارد الاثنين كنت مسويه تحريض المهم كل سبل الولاده سويت ماخليت شئ مشى خلطه قمم التميز انا ناس جماع قرفصاء يأست الا من رحمه ربي فقرر قرار يوم الاربعاء اروح للطوارئ يشوفون ويسون لي تخطيط ليله الاربعاء كان فيه جماع قمت الفجر ٤ونص ومعي طلق كالعاده خفيف صليت الفجر وجلست اقراء سوره مريم وخلال القراءه سمعت صوت عنق الرحم والله ي بنات كأنه قنبله بوووم خفت وش هالصوت ماهي رفسه والا شئ سكتت وجلست اكمل القراءه وكان موضع سجود سجدت لما وخرت الكرسي زوجي خاف يحسبني طحت ولما قمت من سجود التلاوه الا المويه تنكت مويه الرحم فرحت وخفت وعرفت انه الفرج رحت الحمام وغيرت الا المويه تزيد وبشرت زوجي ولاده فرح وخاف كانت الساعه ٥وربع او نص قال بوديك قلت اصبر لين يطلعون عيالنا للمدارس شربت حليب وزعفران وحبه رطبه فقط وحطيت بجنطي مويه بالرقيه بزعفران المهم الطلق حامي بس وسط غيرت لبسي ولبست فوطه وجلست امشي بالحوش جاء زوجي من المدارس وع ماطلع ولدي الكبير كان الساعه ٧ الا ربع طول الطريق بس ادعي والطلق صار كل خمس دقايق وصلنا مستشفى الحرس الوطني كانوا حيل باردين وانا خلاص مو قادره اتحمل ماعرف اجلس او امشي او اتكلم الالم مررره بالكشك قالوا انتظري اجلسي بس انا مو قادره جاء الدكتور ٧ونص كشف علي قال مفتوح ٧ ولاده وطلعوني للولاده دقيت ع زوجي قلت غرفه المحاض ٩ غيرت لبسي وحطوا قياس الطلق وانا ماني قادره لما اطلق ادعي واستغفر وزوجي معي يهديني الممرضات الكل مشغول بالتجهيزات والبيانات وانا ماسكه نفسي ومتصبره ياارب يااارب هونها وادعيه الولاده دخلت غرفه الولاده ٨ الاربع تقريبا وكنت اطلق وادفع وانادي السستر ولاده سستر بيبي بيطلع تقول استني ماما وتشتغل ماهي يمي زوجي كان عند راسي وقلت له اذا دفعت خلك وراء الستاره المهم جت الدفعه القويه وانا ادفع والممرضات يصارخون استني ماما ويدقون جرس الانذار وتمتلى الغرفه ممرضات لاتدفعيين وانا ماحد همني وانا ادفع واصرخ ذيك الصرخه لاشعوريا واحس بحراره وازرقاق والنفس خلاص سبحان الله نزع روح من روح وادفع واحس بلذه انزلاق الرأس والكتف ويصارخون ماما مبرووووووووووووووك بيبي كانت الساعه ٨وثلث ابتسمت ابتسامه رضا واسمع صرخاتها واواواوا لب الصوت ورفعوها قالوا شنو بيبي قلت بنت طبعا زوجي خلف الستاره ويسمع كل شئ وكان يهديني وتعوذي من ابليس هانت بس ماكنت يمه ودقوني ابره ع طول بالفخذ وقالوا باقي المشيمه تعبتني شوي ثم الخياطه مع انهم ماسوا لي توسيع بس طولت حيل بالخياطه قلت ليش كل هذا قالت لان الجلد ٣ طبقات وتقريبا عدد الغرز عشر وفيه جلد ميت بنقصه ونرتب المكان المهم ما كنت اتألم بس نفسيا تلما خلصت كل شئ جلست ابكي وزوجي يهدي فيني والسسترات ماما تعبانه قلت لا بس كأني بحلم مو مصدقه ورحمه ربي وسعت كل شئ الا تسعني شعور لايوصف والله الذي لا إله إلا هو احس كأني بجنه الله يتمم لي ولكم لاني من تعب الحمل خلاص حسيت بظل كذا ماراح اولد من الهم والتعب والتفكير وازعاج الناس ماولدتي والضغوط من كل جهه وبس امسك بنتي وارضعها واضمها واحمدالله ع جميع النعم ماظهر منها وما بطن ادرى طولت عليكم

أكشن ولادتي الاربعاء ٧ /١ كنت مخلصه التاسع لي يوم معوشره الثلاثاء اللي قبله كنت احس بطلق بس...

عيالي دنيتي١٤٠٨ :

مساء الخير كيفكم وكيف بيبياتكم الف مبروك للي ولدو عقال البقيه الله يهون عليهم والله مساكين هصغار انا ماينامون بس يبكون ويتمغصون وجيهم تقلب حمراء وزرقاواعطيهم يانسون ولافاد كنت اعطيهم الحليب حق المستشفى رونالاك المراعي اتوقع وكانو مايتبرزون مساك بس مايبكون ولايتعصرون وغيرته خليته بلميل بلاس بدو يتبرزون الحمدالله بس باقي يتعصرون يمكن لاني غيرت الحليب وبنسبه للالتهاب البول انا فيني من ولدت وسببلي حمى لدرجة حرارتي توصل ٤٠واخذت مضاد لمدة ٥ايام وخف وتركت المضاد الحين لي يومين رجعلي الالتهاب والحمى مدري وش السالفه اول مره يصيرلي كذا

مساء الخير كيفكم وكيف بيبياتكم الف مبروك للي ولدو عقال البقيه الله يهون عليهم والله مساكين هصغار...