مناهل المحبة :

ادري مزودتها بالتشكي والله بس مدري اخر ولادتين كذا متخوفه يمكن عقب الخطا الطبي و الحالة الصحية الي جتني اسمها ( هيماتوما ) الي هو تورمات تنتج عن نزف داخلي في الاوعية تورمت و تنفخت و اخاف من انه تنعاد السالفه في كل حمل فكرت بالقيصري بس قالوا الدكاترة ماعندك سالفه و ولدت طبيعي اخر ولادة بس بفوطة حارة زي المسلسلات الله يسعدها دكتورتي استعملت فوطه طبيه نظيفه حقت مواليد بللتها بمويه حارة و ساعدت ع توسع العجان من غير جروح او نزف وريدي و الحين الدكتورة ذي سافرت 😞هي الي عارفه حالتي و تعطيني اهتمام باقي الدكتور الي خيطني يوم الخطا الطبي و التورمات لانه جراح و شكلي بروح له مدري مارتحت اسلم نفسي اي احد. و في المقابل هو رجال اتفشل الد عند رجال. دكتورتي ماهي جايه الا في ١٣ اكتوبر 😢 و غير كذا المستشفى بعيد ٢٠٠ كيلو الله يعين كلش مجتمع. دعواتكم لي ربي يرحمني و يسهل علي و يدبرني للصالح.

ادري مزودتها بالتشكي والله بس مدري اخر ولادتين كذا متخوفه يمكن عقب الخطا الطبي و الحالة الصحية...

ألين الورد :

بنات اعتذر منكم على القطعة لكن يسهد الله الله انكم ع البال وبالقلب بس تعرفون اول اسبوع بيبي جديد وجسم تعبان وزادته منصة عيالي ماتخلص الا انا منتهية وانشغلت مع مواعيد ولدي طلع عنده صفار وصرت اروح كل يومين واليوم عنده موعد دعواتكن تنزل نسبته

بنات اعتذر منكم على القطعة لكن يسهد الله الله انكم ع البال وبالقلب بس تعرفون اول اسبوع بيبي جديد...

مناهل المحبة :

تدرين في بكري وصلت ٣٩ اسبوع و ٣ ايام وولدت مع ذلك عادي مره ماشلت هم عيالي الباقين تعبت من الطلوق و الولادات المبكرة الولادة المبكرة احسها اشين من العوشره

تدرين في بكري وصلت ٣٩ اسبوع و ٣ ايام وولدت مع ذلك عادي مره ماشلت هم عيالي الباقين تعبت من...

ألين الورد :

اكشن ولادتي طبعًا تذكرون لما قلت اني راجعت الدكتورة يوم الثلاثاء وطلبتها تفحصني كان فاتح واحد سانتي وسوت لي تحريض وسويت تخطيط ماكان عندي طلق المهم قالت اعطيك فرصة ست ايام اذا ماولدتي تجين نعطيك صناعي .. رجعت البيت ووضعي جدًا طبيعي ماكنت احس بأي طلق نهائي يوم الخميس شربت حليب بزنجبيل وعسل واكلت اناناس المهم على اذان العشاء دخلت ابي اتوضأ الا فيه افراز بسيط ومعاه دم وقعدت امسح الا حسيت فيه شي عيا ينسحب طلعت لغرفتي فوق على طول وقعدت امسح الا افراز ثقيل سحبته عرفت انها السدادة المهم لبست فوطة وصليت وطلعت مع زوجي مشوار ومريت الصيدلية ومن الخوف بسرعة رجعت البيت وقعدت امشي احس ظهري يوجعني المهم على الساعة ١٢ حسيت الفوطة تبللت وعلى الساعة ٢ قلت ابي اصعد غرفتي انام واريح وبدا معاي الطلق خفيف مرة اقل من دقيقة مايطول وبين كل طلقة والثانية ٢٠ دقيقة حاولت انام ماقدرت وصارت المويا تكب علي كل شوي رايحة ومبدلة الفوطة وملابسي الداخلية صليت الفجر ورجعت الا المويا صارت تزيد وطلعت على ملابسي ترددت اروح المستشفى لان مافيني طلق المهم اخذت دش وصحيت زوجي وسويت لي حليب بعسل وحبة سوداء وزنجبيل وعلى المستشفى مشيت بالحديقة لين يشد علي وبعدها دخلت الطوارئ فحصوني فاتح يمكن ٢ سم وركبوا التخطيط الطلق جدا خفيف من الخوف قلت ابي اطلع وارجع لكم قالوا مستحيل المويا تنزل عليك وصعدوني قسم التنويم على الساعة ٨ قالت نبي نعطيك فرصة يمكن يزيد الطلق او يسوون لي ولادة تحفيزية بالطلق الصناعي وعلى الساعة ١٠ قاسته لي فاتح ٤ بس الطلق زي ماهو بارد وحطوا لي الطلق الصناعي زي الخيط فيه مادة محفزة قالت ساعتين واطلعها هنا بدا يحمى الطلق وصرت انتفض برد وبديت اتعب أرق مانمت وجوع المهم على الساعة ١٢ ونص شالت اللي ركبت لي وبدا يزيد الطلق كل خمس دقايق صرت اصيح عليهم ابي ابرة الظهر رفضت تقول ماتنفع لانها راح تطول مدة الولادة وتضعف مفعول المادة المحفزة هنا استسلمت ووكلت امري لله وادعي طول الوقت فحصتني فاتح ٨ سم ودخلوني كشك الولادة هنا بدت المعاناة الثانية كل مايجي طلق يقولون ادفعي صرت ادفع ع الخفيف مافيني حيل وركبوا لي اكسجين مسكن المهم تجمعوا علي وصارن يضغطن على بطني ويصرخن علي البيبي بدا يتعب خفت وصرت احاول ادفع بس مو قادرة وعلى الساعة ٢ طلع حبيبي على الدنيا هنا انا زي المغمى علي شفته وهو يصرخ وبعدها زي الغيبوبة وصاروا يخيطون وولدي ودوه الحضانة ياروحي راسه يخرع مضغوط على فوق وفيه زي الكدمة من قو الضغط عليه وقت الولادة والحمدلله كله يهونه بشوفة حبيبي الله يهون عليكن ويكتب لكن التيسير ❤️❤️

اكشن ولادتي طبعًا تذكرون لما قلت اني راجعت الدكتورة يوم الثلاثاء وطلبتها تفحصني كان فاتح واحد...