امول الجميله :

اكشني ياحلوين من يوم الاربعاء وانا احس بطني فيه غازات ! قلت ممكن من نوع اكل اكلته لاني اكلت مقالي وفلافل بعدين قلت بنفسي طيب دايم اكلها ولا تجيني غازات والم بالقولون المهم طنشت الموضوع وصرت اشرب نعناع قريت انه يبعد الانتفاخ والالم رحت انام وطول ما انا نايمه احس مغص دوره قوي بالضبط كنها بتنزل مع الم تبويض تعرفون الم التبويض الي يمسك اسفل بطنك جهه وحده يمين او يسار صحيت الخميس سويت لي كوب حليب بالزنجبيل وملعقه عسل وماعندي اي الم كل شيء اختفى سبحان الله دخلت الحمام اتوضا لصلاه العصر مسحت بالمنديل شفت افراز شفاف مخاطي مخلوط بدم وردي خفيف وانفجعت قلت وش ذا معقوله بولد وانا ماعندي اي الم!! رجعت امسح مره ثانيه ويطلع لي برضو افراز مخلوط بلون دم بني خفيف طلعت مسكت جوالي وارسل لاختي قالت انتظري دام مافيه طلق قلت اوكيه انا بخير وبجي اتجمع معاكم في بيت اهلي ان شاء الله جمعة الخميس المهم بيتي كان نظيف واغراضي جاهزه بس شيكت ع بعض الامور قلت اذا صار شيء وانا في بيت اهلي اكون جاهزه وع طول للمستشفى اخذت شاور دافي وبعدين رحنا بيت اهلي بعد العشاء الساعه ٨ المهم طول ما انا جالسه معاهم احس اني مره حسرانه وكل شوي اروح للحمام مايطلع شيء الا نقط بسيطه اقول اف وش ذا ياربي ومن الساعه١٠ صرت احس اني ابغى ادفع يعني كاني بتبرز وانتم بكرامه واروح للحمام مافي شيء ! يجيني هالاحساس ويروح كل نص ساعه هنا عرفت وشكيت قلت يا امل والله ذَا كانه طلق تعرفون الوحده تنسى سبحان الله المهم قلت لاخواتي انا برجع بيتي احس الامور مو تمام يمكن اولد اختي قالت طيب روحي ارتاحي واذا حسيتي بشيء اتصلي علي وجيبي بنتك وولدك عندي قلت طيب رجعت بيتي الساعه ١١ وزوجي قالي ها في علامات قلت لا مجرد الم متباعد يجي ويروح مارح اولد الا يمكن بكره او بعد ١٢ ساعه لان انا لما يجيني الطلق يجلس خفيف كذا ١٢ساعه بعدها يحمى ٤ ساعات ثماولد ف طنشت الموضوع ورحت اخذت تمر قلت باكل وسويت لي عليه كوب قشر قهوه بالزنجبيل والشمر شربته بس ماقدرت اكل التمر حسيت بغثيان قلت باخذ شاور دافي واسلطه على ظهري يمكن ربي يفرجها ويزيد الالم واولد بسرعه المهم وانا تحت الدش الالم يزيد صرت اناقز يمين شمال مع كل طلقه 🤣🥲 طبعا الم في اسفل الظهر واسفل البطن مع احساس بالدفع هذا كان طلقي🥲احس راس البيبي يضرب بظهري من ورى يمه ي الاحساس 😩 عاد بسرعه طلعت من الحمام والبس ملابسي جنب الدفايه وقلك ايش ابغى استشور لان دايم استشور شعري يمديني واحس يدي ماهي قادره تمسك شيء الالم صار متقارب ورميت الاستشوار واقول لزوجي الحقني بروح المستشفى الحين قالي يلا طيب طلعي الشنط وانا بنزلها المهم مشينا نزلت بنتي وولدي عند اختي كانت الساعه ٣ الفجر وطيران ع المستشفى فحصتني قالت ٢ سم 🥲 اخرجي ارجعي بيتك وكلي رطب وامشي قلت لها ماني راجعه انا اعرف نفسي شوي يحمى الطلق قالت لا مرح ادخلك مافي اسره حالياً ماندخل الا اذا الرحم فاتح ٤ سم قلت بيتي ماني راجعه بجلس برا قالت براحتك المهم طلعت واتصلت ع زوجي قلت له بجلس بالسياره انتظر شوي مارضيوا يدخلوني ونزلت ركبت معاه بالسياره ومنتظرين عند باب المستشفى وتقريبا نص ساعه بدا يزيد الالم وصرت ابكي واقول لزوجي احس في شيء بيطلع 😭 انخرش وقال استني انزلك للمستشفى قومي يلاه ونزلني ودخلت يادوب مشيت فحصتني قالت مبروك ٤ سم يلا فوق ولاده والالم يزيد جابوا السرير بيطلعوني وماقدرت اقوم حسيت اني بستفرغ واقولهم اعطوني كيس بعدين قوموني وطلعوني فوق حطولي جهاز التخطيط والالم صار يزيد اقولها احس بدفع وكشفت قالت ٦ سم يلا اتحملي اذا حسيتي بطلقه قويه علميني اجيافحصك قلت مقدر مقدر تكشفين على وقت الطلق قالت لازم تتحملي عشان نشوف الافضل وقت الطلق يبان الرحم كم مفتوح رح يسهل عليك المهم جاتني يمكن ٦ طلقات وماقدرت اخليها تكشف اجلس اخذ نفس اشم ورده واطفئ واقاوم شعور الدفع وادعي يارب مايزيد الالم اكثر من كذا يارب يبقى مثل ماهو ولا يزيد يارب معد بتحمل😭 المهم حسيت ضغطي انخفض واطرافي بردت شافتني وفحصت قالت يلا خلاص ولاده وبسرعه طلعوني غرفه الولاده كانت قدامي فقط دكتوره سعوديه يارب تسعدها ساعدتني كثير ما انسى تعاملها معاي كيف اول ماحطوني ع السرير ماني قادره اتحكم برجليني صارت تنتفض من البرد قالت الله يرضا عليك حاولي تساعدين نفسك افتحي رجلينك حرام انا شايفه راس البيبي وانا تحمست قلت الفرج قرب وقالت كل ماحسيتي بالم قوي ادفعي صرت ادفع مره ومرتين وثلاث وهي تصرخ انا اشوف الراس يلا بقوه بقوه صرت ادفع ونفسي ينقطع واوقف مقدر قالت حرام عليك الراس شوفيه وصارت تقول افتحي له مخرج يابنتي يلاه بسرعه لاتوقفي ادفعي وجلست تدعي اللهم اخرجه من حلق الضيق وتردد بصوت عالي وانا ابكي واقول امين 😭😭😭 وبعد ثواني قالت امل شوفي جبتي ولد 🥺😭😭😭 حطته ع حضني وجلست تدعي اللهم جنبه الشيطان وانا من الفرحه ماني مصدقه لساني علق ع كلمه الحمدلله ياربي ياحبيبي 😭😭😭😭😭😭❤️❤️❤️❤️ وقالت ابشرك انا ماقصيت لك العجان بس البيبي سوا شق صغير مره خليني اخيطه وتحملي انتي خلاص ولدتي تحملي قلت طيب بردانه ابغى بطانيه قالت خلاص نخلص خياطه واعطيك البطانيه المهم حطت لي بنج موضعي وخيطت الحمدلله طبعا هي تخيط وانا اسمع صلاه الفجر حسيت بشعور الحمدلله يارب ماتحرم ولا وحده منه 😩🥺🥺🥺🥺🥺🥺 ولدت الساعه ٥ الفجر بالضبط .. يعني لمًا اشتد الطلق من ٣ ولدت ٥ اللهم لك الحمد اكيد الدعاء كان له دور وتسهيل ربي سبحانه وتعالى بس الشيء الي كنت اسويه طول الشهر التاسع اشرب شاي توت ممكن صح ماجاب لي ولاده بس انه احس خلى الرحم يفتح بسرعه خلال ساعتين ولدت 🥺🤲🏻 وطبعا الحليب الحار بالزنجبيل والعسل والحمدلله على جميع النعم عقبالكم حبايبي الله يسهل لكم 🌹❤️

اكشني ياحلوين من يوم الاربعاء وانا احس بطني فيه غازات ! قلت ممكن من نوع اكل اكلته لاني اكلت...

ghadah 2 :

كيوتي كيفك من بعد ماكتبتي امس انك تعبانه ماشفت لك رد ان شاءالله تكونين بخير .. جديدي يابنات كل الجنينين راسهم تحت ودخلو الحوض الحكومي قالولي ولادتك طبيعي والخاص احسهم بيحاولون بي طبيعي اول وللحين محتاره بخليها على ربي وقتها ..

كيوتي كيفك من بعد ماكتبتي امس انك تعبانه ماشفت لك رد ان شاءالله تكونين بخير .. جديدي يابنات كل...

امول الجميله :

اعذروني بنات اذا مارديت على الكل تعبانه من مغوصات بعد الولاده تذبح مره يارب رحمتك وولدي اخذوه الحضانه ربي يطلعه بالسلامه يارب ومشكورين الف شكر على كلامكم اللطيف 🥲❤️ باذن الله ارتاح واستعيد عافيتي وارجع لكم 🥺

اعذروني بنات اذا مارديت على الكل تعبانه من مغوصات بعد الولاده تذبح مره يارب رحمتك وولدي اخذوه...

امول الجميله :

اعذروني بنات اذا مارديت على الكل تعبانه من مغوصات بعد الولاده تذبح مره يارب رحمتك وولدي اخذوه الحضانه ربي يطلعه بالسلامه يارب ومشكورين الف شكر على كلامكم اللطيف 🥲❤️ باذن الله ارتاح واستعيد عافيتي وارجع لكم 🥺

اعذروني بنات اذا مارديت على الكل تعبانه من مغوصات بعد الولاده تذبح مره يارب رحمتك وولدي اخذوه...