والله مادري شفيها دموع بس اشوف وحده هنا كتبت ترى ورد بخير بس ماتقدر ترد عليكم لانها محظورة

الله يحفظ لك يااها ويبلغك فيها ياارب💗
راااما افتكر الدكتورة اخرت عمليتك عشان وزن ليوونة .. كم صار وزنها وقت الولادة ان شاء الله ارتفع وزنها خلال الكم يوم التأخير 🤗 كم صار وزنها وقت الولادة نفس السونار ولا اقل ولا اكثر ؟؟ ( مررة شايلة هم يجي ولدي صغيرون😔

ويسعد صباحكم جميعا
اليوم دخلت الاسبوع 38 ومافي اي بوادر ولادة مير اليوم احس اني خفيفه 😂
وعندي موعد الظهر الله يسهل اكره مواعيد هالمستشفى الغبي بس مضطرة علشان اخذ اجازات للدوام

يمممممة ( اخاف من الاخطاء تبع السونار😂
بس احسها حلووة يومن يقولو بنت عقبها ولد ماحس الناس تزعل
لاكن اذا تقول ولد عقب تغير رايها وتقول بنت قسم تتخربط العيادة فورق راسها 😂😂😂

اصلا احس الطبيبة تفكر الف مرة قبل تقول ولد 😂😂😂 خخهخخخ

غير لو بنت ع طول تدرعم تلقينها مو مبين او مو واضح شي او بنوتة 😅

وكلهم حلوووين ورزق وهدية من ربناا
اهم شي السلامة وحسن الخلق والعافية 🌹

يسعد صباحكم
كييفكم ياامهات الكروششات 😌❤❤
وحششتوني والحمدلله ع سلامه اللي ولدوا بعدي والحوامل ربي ييسرها لهم وييفرجها علييهم ❤❤
جايتكم باكشن ولادتي الا فلم رعب والله 😪💔
قبل ولادتي بليله مشييت مششي مو طبيعي ساعه وربع تقريبا
رجعت البيت مهلووكه وانا طبعا من يومين ينزل علي دم بدون طلق او اي الم وبعد مامشيت بكم ساعه ماحسيت باي تغيير قلت بس مالنا الا خلطة كاجو نكملها الليله 🔞😂😂
والله وسويتها ونمت وماصحاني الساعه 11 الصباح الا صوت انفجار موية البيبي 💦😑
قمت من نومي مفجوعه ورجولي تنفض وربي جلست اقول انا ايش كان معجلني احسب الحياه ع كيفي 😂
اتصلت ع ابو الشباب يطلع من مدرسته وجاني طيران لان كميه المويا كانت كبيره مره فخفت البيبي يتضرر واول ماوصلت كشفت علي الا تقولي 1سم وعنق الرحم سميك والراس بعيد 😥😭
وكتبت لي دخول لان تقول خطر ع البيبي تخرجي والمويا كذا والله واجلس الين الساعه 11 بالليل بطلق بااارد ومتباعد والرحم فتح لين 3سم بس والعنق برضوه سمييك شوي الا مستدعين لي دكتورتي وجايه تقولي لازم اسوي لك تحريض ماينفع كذا طلقك بارد والعنق سميك قلت لها تحريض لااا الله يخليك حطي طلق صناعي بس تحريض لااا لاني مجربته بولادتي ببنتي مووت وربي قالت مستحيل طلق صناعي والعنق سميك كذا بينفجر رحمك ماعليك اجل بس افحصك قلت لها اكيد بس كشف قالت ايييوه مادريت الا يدها بكبرها جوا وتحررض من قلبها قسم بالله متت ذيك اللحظه اعوذ بالله مافيهم احساس احس 😭 بعد ساعتين رجعت تكشف الا قالت الحمدلله فتح 5 والراس قرب والعنق صار الين جيبو الطلق الصناعي وحطوا لي الطلق والله من بعده خلاص صرت مااحس بالدنيا ماقدرت امسك نفسي ولاصوتي الطلق حار وورا بعضه مو معطيني مجال اتنفس ساعه ويجون يكشفون 9 ونص فتح وياخذوني جري ع كشكك الولادة ويالله دفي دفي وانا مو عارفه ادف 🙃 لان في ولادتي الاولى ببنتي نوموني كامل وشفطوها ماخلوني ادف حتى هذا لا حسيت بكل لحظه واددف بكل مافيني ومو راضي يطلع والدكتوره تصرخ بسسرعه بيموت وتوسع بيدها من تحت وممرضه من فوق بطني تضغط الجنين ع تحت وانا اقولها شقي خلاص حرام عليك ساعديني تقولي دفي دفي واقولها والله ادف مقدر انا خلاااص تقولي اول مره اشوف احد يدف ويتكلم بنفس الوقت 😒😂 وتستلمني هي والله يابنات بكل جسمها وثقلها طالعه ع بطني الله يسامحها بس ومخليه القابله تحت وتضغط بكل قوتها لين طلع راسه وسحبته هذي اللحظه انا خلاص انفجرت صياح احس اني بحلم ماني مصدقه اني ولدت خلاص بعد كل هالمعاناه يارب رحمتك جلست اترجاها ماتخيطني الا بعد ماتنومني لاني فعلا تعبت وعانيت فيه تخيلوا من 11 الصباح يوم الثلاثاء ماولدت الا الساعه 3 ونص فجر الاربعاء وغير كذا رايحه المستشفى وانا توي صاحيه من النوم وبطني فاضييه على عشاي البارح يعني جسمي ماكان فيه اي طاقه تذكر والله 💔
صراحه بعد اللي عشته احس القيصري رحمه من ربي والله 😑
والحمدلله قد الالم اللي عشته ساعات ومرت وصارت ذكرى واهم شي ولدي بخيير 😞💔