اكشن ولادتي
قومتني بنتي ام سنتين الله يهديها من ٥الفجر وانا كنت سهرانه اليله الماضيه بس ماكان فيني شي الام ولا شي ابد
المهم جايه معاها رايحه كل شوي تقول تبغي شي واخير رضيت تنام وسويت لها حليب وحطيتها بسريرها وانا رحت انام الا اسمع هذيك القرحه معا الام 😨 في بطني
صراحه خفت معاد قدرت اقوم وشوي الا المويااا تصب زي النافوره واقوم مفجوعه ومو عارفه وش اسوي واصحي زوجي ومن الخوف ارجع انام واحيانن اقوم وزوجي يالله قومي بوديك المستشفى وانا اقول له لو قمت بتنزل خخخخخ خايفه تنزل كلها
بعدين قمت ورحت البس بناتي وزوجي راح يتجهز وانا غرفت بناتي كان زي المسبح من كثر الموياا وبعددها جاني الالام
واتصلت على دكتورتي وقالت مرو عليا ونزلنا ومرينا عليها ورحنى المستشفى على طول
ودخلنا لما قاست طلع ٢سم بسسس😣
وسوت تحريض واعطتني ابرتين حسيتها حمت الطلق وخلتني ساعتين ورجعت قاست لقته ٣،ونص وقالت يلا على كشك الولاده قلت لها ليييش قالت خلاص ولاده انا انصدمت قلت لسى ثلاثه قالت عادي يلا قومي
ولبست القازات قلت لها ليش لبستيهم بتسوين تحريض خفت من التحريض سوت مرتين لما تقيس ضحكت وقالت لالا عشان امسك النونو ولا تبغيه يطيح
الحمد وتقول لي ازحمي تعبت بزحم مدري كم مره بس طولت لان هاذي بنتي الاولا الي اجيبها ٣،كيلو بلعاده اجيبهم كيلوين
والحمدلله ربي سهل وولدت بسلامه يااارب لك الحمد حتى يبلغ الحمد منتهاه الدكتوره رووعه معاي الحمدلله. وهاذا اللكشن تبعي صحيح تعب بس كانت اسهل ولاده ولله الحمد
طبعآ انا اكتب لكم الحين وانا اتلوا من الالام كنها طلوق يعني كانه ماكفى الطلوق والولاده بعد تعب بعد الولاده 😥 بس الحمدلله على كل حال
يااااارب يسرها على الجميع

الحمدلله على سلامت كل الوالدات


وعقبال كل حامل بولاده ميسره

صباح الخير
اليوم لي 10 أيام نفاس ياسرعها سبحان الله .. أمس أشكي من الثقل واليوم الحمد لله ربي يخلص نفاسنا على خير ويهون على بقية الكروشات .. بقى لي شهر مطولة 😅 أحس مليت ودي أطلع 😩😂 حجرة بالثقل وحجرة بالنفاس ههههههه .. الله يرزقنا شكر نعمته . اليوم العصر موعدي عند الدكتورة تشيك على الخياطة ربي يسهل وييسر .


لوجي حنا كل وحدة تختلف ونظام أكلها .. بالنسبة لي أمي تسوي لي الصبح مصابيب وتحط معها اللهوم ( حلب وكمون وحبة سوداء .. الخ ) وادهنه بعسل مع حليب بالحلبة وقبلهم اتقهوى مع تمرة النفاس .


الغداء مطازيز بالحلبة مطبوخ معه لحم وخضار .. مع القهوة تمرة النفاس ( تمر معجون بسمن بلدي ورشاد وحبة سوداء يشوح شوي على النار بس واكوره واعلبه بعلب صغيرة حق كل يوم ) . والعشاء مفتوح .. ومع القهوة دواء ( مخلط مرة وكمون ومحلب وعنزروت ) وشاي الاعشاب ( قرفة وقشر وكمون وشمر ) وبس


راما باين إنك دايخة ماصحصحتي من العملية 😂 اقول لك انت ولدتي وطلعتي من المستشفى بالسلامة الحمد لله كل شي يهون عقبها .. تقولين لي الحمد لله على سلامتك 😂 أنا والدة قبلك بيومين 😅 ما ألومك والله تعب النفاس والعملية وشكلك من اللي يشيل هم بالمرة ربي يشرح صدرك ويقرّ عينك ببنياتك 💞


تو اسبرينت :
لازم تاكلين ياختي عشان دواء النفاس والحين الوقت براد يشتهى الأكل مو مثل الصيف .. يمكن نفسيتك له دور .. الحمد لله هذا بعد اجهاضات افرحي به و تغذي لنفسك بعدين .


الحمد لله على سلامتكم عروبة أصيلة وحبي لك رغم العذاب وبليلة ربي يتمم عليكم بالعافية 💞


جالكسي الله يسعد قلبك على الإفادة اجل أوصي زوجي يجيبه ولدي يطول بنومة النهار واذا قام كل شوي ارضعه ويطول بالرضاعة الطبيعية تعرفين تعبت 💔 ودي اشفط له دامه نايم عشان ارتاح شوي ومنه يزيد الحليب مع الشفط .، ربي يقرّ عينك بأطفالك ويبلغك فيهم 💕


مايهزها صح المويات خطرة لو طولتِ بس وش سبب سمك عنق الرحم عندك ؟ انا نزلت الموية ويوم رحت للمستشفى قالت العنق لين ونازل جلست بعدها 7 ساعات وولدت . الحمد لله كل شي بأجره ولو ماننسى الوجع والألم ماحملنا ثانية والله وقت الطلق الشديد اقول بقلبي ليش أحمل انا غبية 😭😂 بس يوم شفت ولدي قلت يستاهل التعب 😂
رسامة : ولدك مثل بنتي الحين عمرها 3 ونص أمس تقول لي أقعد عليه 😂 وتشيله ماتشاورن 😩 وتوه مابدت الغيرة الحقيقية لا طلعت من النفاس مثل أخته قبل الله يستر ويسخرهم .. أنت أهم شي راعي نفسيته والضرب مب زين أبد اتركيه ، عاقبيه بالحرمان مرة ينفع ..
ماشاء الله أكشنك يالفارسة يحمس أولد ثانية 😂 ههههههه لا صدق الحمد لله ربي فكك من الصناعي والقرفة جابت مفعولها يارب لك الحمد نعمة إنه انفتح علطول الحمد لله على فرجه .. مثلي هالمرة علق على أربعة سم وبعدها على طول فتح 9 يارب لك الحمد على الفرج
أحلى لحظة من أول الحمل لآخره بل أحلى لحظة بالحياة كله 😭 لما أشوف جنيني بعد الولادة مباشرة وتختلط دموع الفرح بالألم .. أجمل لحظة بالحياة كله 😢
أم هادي احياناً المستشفيات يبالغون يمكن بنتك معدتها صغيرة .. ويمكن تعطينها صناعي ؟ .. أما الصوت اللي بالصدر لا تخلينه شوفي وش يقول الدكتور ..
الأمل : ياعمري أنت مأجورة بإذن الله الحمد لله ولدتي وخلصتي كل شي يهون عقبها صدق تعب الطيحة للحين فيك الله لا يحرمك الأجر بس ميخالف فيك ولا في جنينك انت تتحملين بإذن الله كلها فترة وتعدي وركزي على الحلب عشان تنجبر عظامك عقب الطيحة .. وانتبهي من شبشب الحمام البسي شي مايزلق .

ياعمري سلامتها لنو الاموره💕انتبهيلها ياقلبي ممكن ترجع وهيا نايمه خلي راسها ع جنب
واذا نمتي حرسيها احد
الله يحفظها لك😘
بالبدايه متعبين بس يبكرو كم شهر اريح..

فراوله.. الله يرزقك بالحمل التام ياررررب ويفرحك ياقلبي 💕😘