ياعمري يامناهل
وحمدالله ع سلامتك
وربي يطلع الصغير بسلامه
شباصه ^
•
قصة ولادتي الجزء الثاني. المهم ياخوات الطلق ابتدا ٣ بعد وصولي للرياض مباشرة و كنت عندهم من الساعه ٤ الفجر لاني خفت من سالفة المويه رحت لهم بدري اخاف من مضاعفات فقد الماء و الا و الله كان ماروح لهم الا لين ما استوي من الطلق. جلسوا يراقبون الطلق طلقي بارد مره و فحصوني كم مره ذبحوني بالخش الطبيبات المناوبات لين رفضت الفحص قلت بتجيني بكتريا منكم المويه نازله و انتم خش و بس. حتى ان وحدة جرحتني باظافيرها. وصل الرحم ٥ ثم علق و الطلق بارد عكس عيالي الي قبل طلقهم الطبيعي حار جدا جدا و الماء خلاص بدا ينشف فاضطروا للطلق الصناعي المهم ابتدوا يعطوني اقل الجرعات ثم اعلى الجرعات و كله واحد معلق حالف مايفتح الرحم. شربت كمون و استنشقت منقوع مره في شاشه دخلتها بخشمي و مع ذلك نفس الشي معلق و رفعوا لي الطلق لاعلى مستوى و مع ذلك اشوفه بارد ماتجاوب رحمي رغم الالم. المهم قلت ابغى ابرة الظهر. و سالت الدكتور هل تفتح الرحم قال اطلاقا. دورها تهدىء فقط مالها علاقة في سرعة فتح الرحم و قلت اجل مو لازم و انفتح الرحم لسبعه و قعدت ٦ ساعات و نص و انا ع هالرقم و الطفل مو في الحوض عالي و سبحان الله اشتد الطلق و فصلوا عني الطلق الصناعي جاني طلق طبيعي لكنه مميت قسم بالله الصناعي ارحم منه. الظاهر الرحم تحسس من كثرة الطلوق و انواعها شوي طبيعي شوي صناعي و قالوا خلاصتحفز الرحم للولادة و ماتحتاجين طلق صناعي. في هالولادة اكتشفت اكثر ان ما في اي فرق بين الطلق الطبيعي و الصناعي. بالعكس الطبيعي اشوفه اصعب لانه صار متواصل مافي مجال اتنفس. من ٢ الى ٦ طلق بارد الى متوسط و من ٦ الى ٢ و نص الظهر طلق حامي جدا يذبح ثم فجاة حسيت بالدفع و قاسوا قالوا عشرة و الدكتور بعيد و قالوا حاولي ماتدفعين لين يجي و اشوى جا في ٤ دقايق و لكن الطلق برد خلالها ماعاد جاني دفع !!! و يحطون لي طلق صناعي و دفعت و يطلع البيبي بجبهته وجهه مرتفع و وضعيه مو تمام مره و ثم المشيمة خذت ٣٥ دقيقه اشوى انه طبيب متمرس قام فتح الرحم بشي زي الكماشه و قال تزحري بشكل خفيف لين تطلع عشان مانضطر لعمليه 🤥🤥 و بفضل من الله طلعت المشيمة مطول باله علي الدكتور مره. انا دخلت زوجي معي قلت لهم حطوا له كرسي جنب راسي بحيث مايشوف شي و حطوا ساتر من بطن و قلت له لاتطلع حتى لو بيطلع الطفل و انا متستره و كنت خايفه من سالفة الدكتور ابي احد يجسرني فكرت في قراري لقيت ان ودي ادخل زوجي و انهيجلس عند راسي. الي استفدته انه بكى بكاء طويل و قال ماتوقعتك تتعبين هالتعب كله. و ياصبرك و الله ياجرك كان يهاوشني يقول صيحي لو شوي. شاف قص الحبل السري و اذن في المولود مباشرة و طلع به معه لسرير المواليد و صكوا الستارة. شاف يعني الي ممكن ينشاف و بس بدا يرحم صراحه و يحس حتى يوم تاخر ذاك اليوم تعذر الله يسخره و يقول ذا احب عيالي!! قلت ليش قال شفت كيف خروج روح من روح و المشكلة يقول ابي ثاني تكفين 😦😦 قسسسم مااكذب عليكم ههههه اعجبه الوضع الظاهر.قصة ولادتي الجزء الثاني. المهم ياخوات الطلق ابتدا ٣ بعد وصولي للرياض مباشرة و كنت عندهم من...
ياربي الحمدلله ع سلامتك وردت فعل زوجك ههههه المفروض يقول توبه اخليك تحملين
باي مستشفى ولدتي
باي مستشفى ولدتي
شباصه ^
•
ابغى طريقة ممتازة لربط البطن بالشماغ او غيره. احس سري مازال طالع ابيه ينغفص جوا 😬 و ابغى افضل كريم للجروح ترشحون ايبي كيور او ميبو. الدكتور قايل كلهم كويسات ان غطيت عنكم سامحوني بس اليوم خذت عهد ع نفسي اني اكتب الاكشن و توصياتي. اخاف يسكر القروب و انا اماطل. و الله مامعي وقت و صدري ضايق ع وليدي و على خربطة الدراسة لعيالي انا احب التفوق و عيالي شطار ماشاءالله و اشوف فاتتهم واجبات و نقصوا في اختبارات و كلا يصيح من جهه بس وش حيلتي امر الله اقوى لذلك اعذروني ان غطيت عنكم و حطوا لنا تجمع في قسم المواليد. خل نستمر مع بعض تكفون.ابغى طريقة ممتازة لربط البطن بالشماغ او غيره. احس سري مازال طالع ابيه ينغفص جوا 😬 و ابغى افضل...
الحمدلله على التمام الله يقر عينك بسلامته ويسخر لك زوجك
الصفحة الأخيرة
وانا بكرسي تسال تعرضتي كرورنا فيك اعراض خالطتي احد 🤭🥺🥺وع طول. قاست لقته ٧ ومن سرير الطواراي لسرير الولاده الدور الخامس وزوجي معي لين فتح ٩ ماابيه معي بس هو جلس احس افضل الوحده لحاله تقرا اذكره قران ماقصر هو بس عجزت اصيح 😂😂