رونق الحياةه :

مسائكم سعاده وراحة بال يارب الحمدلله رحت موعدي وطلع عندي سكر حمل والزموني امشي ع حميه وحولوني بعد بكره ع اخصائية التغذية وحددولي الاثنين الجاي عمليه 😣 بكره موعدي مع دكتور التخدير والاحد تنويم والاثنين العمليه ولو ربي كتب لي والده طبيعيه خلال هالاسبوع يولدوني طبيعي ولو ماجات والده خلاص عمليه والحمدلله ع كل حال اللي فيه الخير ربي يقدمه

مسائكم سعاده وراحة بال يارب الحمدلله رحت موعدي وطلع عندي سكر حمل والزموني امشي ع حميه وحولوني...

إبتسام ٣٢ :

يبارك فيكم رفيقات دربي الاكشن طبعا لي اسبوع عند اهلي من اليوم الوطني جتن الالام دوره بنصف الشهر اللي هو وقت نزوله قبل الحمل ورحت قالو ٢ سم ورجعت وكملت اغراضي ورجعت لبيتي الاحد ورغم التعب والالام حصل جماع سبحان الله وانام بالليل واقوم الفجر فيه شي يدف وزي دايم ولا احاول افكر بوه علشان مااوسوس واشرب ماء زمزم وانسدح وكل شوي يزود وابدخل الحمام وانتم بكرامه عجزت وينزل دم احمر واتصل ع زوجي يستعجل ولا يشرح لطلاب والمسافه شوي بعيده وكل شوي يزود الطلق ويصير متقارب ومعي عجوة المدينه اكل نص حبه واطلع للمستشفى كل شوي يزود وكل شوي يتقارب الطلق سبحان الله يكشفوو علي ع طول بالطواري قالو ٧ لا تتحركين ولا تدفين الا تجي دكتورك اللي ترجعين عنده الله يكتب اجرنا يابنات ويجزاء امهاتنا الجنه رغم انه ماطول الالام بس وقته احسي خلاص مافيني حيل وابموت الدعاء الدعاء الدعاء سورة الفاتحه ماء زمزم الله يرزقك كل وحده منكم ساعه سهله ميسره من عنده الله يكتب اجركن كلكن الحمدالله الحمدالله ع تقدم نعمة الطب وسلامتكم ياحلوات دعواتكم صلاح بنتي ويسخر زوجي وعيالي يهديهم

يبارك فيكم رفيقات دربي الاكشن طبعا لي اسبوع عند اهلي من اليوم الوطني جتن الالام دوره بنصف...

صفاء رووح :

مساء الخيرات عليكم مامات ❤️ الله يبارك للي ولدوا و الحمد لله على سلامتكم 😘🌹 و الله يهون على الباقيات و يرزقكم ساعة اليسر يارب 🌹 الحمد لله كملت ١٤ يوم نفاس و بنتي قالوا لي علموني على تمارين للقدم قالوا تسوينها كل يوم لمدة شهر اذا ما تعدلت نعالجها بالجبص دعواتكم تتشافى بامر الله ثم التمارين و لا تحتاج للجبص يارب

مساء الخيرات عليكم مامات ❤️ الله يبارك للي ولدوا و الحمد لله على سلامتكم 😘🌹 و الله يهون على...

مناهل المحبة :

قصة ولادتي الجزء الثاني. المهم ياخوات الطلق ابتدا ٣ بعد وصولي للرياض مباشرة و كنت عندهم من الساعه ٤ الفجر لاني خفت من سالفة المويه رحت لهم بدري اخاف من مضاعفات فقد الماء و الا و الله كان ماروح لهم الا لين ما استوي من الطلق. جلسوا يراقبون الطلق طلقي بارد مره و فحصوني كم مره ذبحوني بالخش الطبيبات المناوبات لين رفضت الفحص قلت بتجيني بكتريا منكم المويه نازله و انتم خش و بس. حتى ان وحدة جرحتني باظافيرها. وصل الرحم ٥ ثم علق و الطلق بارد عكس عيالي الي قبل طلقهم الطبيعي حار جدا جدا و الماء خلاص بدا ينشف فاضطروا للطلق الصناعي المهم ابتدوا يعطوني اقل الجرعات ثم اعلى الجرعات و كله واحد معلق حالف مايفتح الرحم. شربت كمون و استنشقت منقوع مره في شاشه دخلتها بخشمي و مع ذلك نفس الشي معلق و رفعوا لي الطلق لاعلى مستوى و مع ذلك اشوفه بارد ماتجاوب رحمي رغم الالم. المهم قلت ابغى ابرة الظهر. و سالت الدكتور هل تفتح الرحم قال اطلاقا. دورها تهدىء فقط مالها علاقة في سرعة فتح الرحم و قلت اجل مو لازم و انفتح الرحم لسبعه و قعدت ٦ ساعات و نص و انا ع هالرقم و الطفل مو في الحوض عالي و سبحان الله اشتد الطلق و فصلوا عني الطلق الصناعي جاني طلق طبيعي لكنه مميت قسم بالله الصناعي ارحم منه. الظاهر الرحم تحسس من كثرة الطلوق و انواعها شوي طبيعي شوي صناعي و قالوا خلاصتحفز الرحم للولادة و ماتحتاجين طلق صناعي. في هالولادة اكتشفت اكثر ان ما في اي فرق بين الطلق الطبيعي و الصناعي. بالعكس الطبيعي اشوفه اصعب لانه صار متواصل مافي مجال اتنفس. من ٢ الى ٦ طلق بارد الى متوسط و من ٦ الى ٢ و نص الظهر طلق حامي جدا يذبح ثم فجاة حسيت بالدفع و قاسوا قالوا عشرة و الدكتور بعيد و قالوا حاولي ماتدفعين لين يجي و اشوى جا في ٤ دقايق و لكن الطلق برد خلالها ماعاد جاني دفع !!! و يحطون لي طلق صناعي و دفعت و يطلع البيبي بجبهته وجهه مرتفع و وضعيه مو تمام مره و ثم المشيمة خذت ٣٥ دقيقه اشوى انه طبيب متمرس قام فتح الرحم بشي زي الكماشه و قال تزحري بشكل خفيف لين تطلع عشان مانضطر لعمليه 🤥🤥 و بفضل من الله طلعت المشيمة مطول باله علي الدكتور مره. انا دخلت زوجي معي قلت لهم حطوا له كرسي جنب راسي بحيث مايشوف شي و حطوا ساتر من بطن و قلت له لاتطلع حتى لو بيطلع الطفل و انا متستره و كنت خايفه من سالفة الدكتور ابي احد يجسرني فكرت في قراري لقيت ان ودي ادخل زوجي و انهيجلس عند راسي. الي استفدته انه بكى بكاء طويل و قال ماتوقعتك تتعبين هالتعب كله. و ياصبرك و الله ياجرك كان يهاوشني يقول صيحي لو شوي. شاف قص الحبل السري و اذن في المولود مباشرة و طلع به معه لسرير المواليد و صكوا الستارة. شاف يعني الي ممكن ينشاف و بس بدا يرحم صراحه و يحس حتى يوم تاخر ذاك اليوم تعذر الله يسخره و يقول ذا احب عيالي!! قلت ليش قال شفت كيف خروج روح من روح و المشكلة يقول ابي ثاني تكفين 😦😦 قسسسم مااكذب عليكم ههههه اعجبه الوضع الظاهر.

قصة ولادتي الجزء الثاني. المهم ياخوات الطلق ابتدا ٣ بعد وصولي للرياض مباشرة و كنت عندهم من...