غيوم ☁️ :

مشكورين حبايبي قدرت انام بس لصحيت احس بالمغص خفيف والغثيان والاستفراغ معي للحين والمغص اللي البارحه جتني وانا امشي كانت قويه قويه ومعها عوار باسفل الظهر واليوم لحطيت يدي على منطقه العانه وربي احس بحركة الجنين تحتها بالضبط اهو كان نازل بالحوض وشكله نزل بزياده الله ييسرها واكمل الثامن على خيير

مشكورين حبايبي قدرت انام بس لصحيت احس بالمغص خفيف والغثيان والاستفراغ معي للحين والمغص اللي...

نودي7 :

الحمدلله الذي بنعمته تتم الصالحات الحمدلله حمدا كثيراا الحمدلله ،، رزقني الله ببنوته اسأل الله ان يرزقني برها وصلاحها ،، ولدتها اخر اسبوع بالثامن وفجعوني الدكاتره انها صغيره وولاده مبكره ولازم نوقف الطلق وتتنومي بجناح الولاده تحت الملاحظه انا قبلها باسبوع تعبت وكتبت لكم هنا استفسر قلتو روحي راجعي ورحت لقت طلق منتظم نص الشهر الثامن واتنومت ومهدئات ونفسيه الحمدلله بس بعدين طلعت للبيت بس كنت تعبااااااانه بكل معنى بها الكلمه لدرجه ماقدر امشي بس مابغى المستشفى وعيالي بالبيت حزنت عليهم وقلقت وكلمت الدكتوره قالت اطلعي بس انتبهي لنفسك ،، طلعت بس عالسرير منطقه عنق الرحم كأنك مقطعتها بسكين الم فظيع وشد وتحجر بس مااتحرك واصلي على كرسي لمدة خمس ايام وانا بعالم ثاني وخوف عالبيبي وجاء الاسبوع الاخير بالثامن جاني الم قوي وتعب قلت خلاص شكله ولاده جهزت خلاص كل اغراضي اتسحب اسحب رجولي ماني قادره امشي وشايله هم عيالي والمدرسه 😭😭😭 كانت الساعه ثلاث الفجر قلت ابستناهم يداومو واتوكل على الله ،، الصباح رحت ورفضت تفحصني قالت ازيده خليه لما ينزل دم او مويا تعالي 🙉 قلت دكتوووره انا تعباااانه انا من السياره الين عيادتك ماسكه بطني بيدي من شدة الالم ودموعي تنزل تنزل من غير شعور وزوجي ينتظرني يقول مافيك ولاده يبغى يرجعني للبيت 😜 والدكتوره مو راضيه تفحص انا خفت ينزل بالبيت البيبي!! قلت دكتوره احس البيبي يدف من اسفل ابخوفها قهرتني ماهي حاسه فيني قالت ياحبيبتي انا خايفه عليك وعلى تعبك نفسي البيبي يبقى لو يوم واحد ،، قالت قومي عالسرير لما قاست لقت ثلاثه ونص قالت تنويم ملاحظه شكلك بتولدي اليوم بس البيبي لازم نكلم الحضانه وكلمتهم وقبلونا وتأخذني الممرضه على قسم الولاده 😭😭😭 واكلم زوجي ابكي قلت انا ابولد وابكي ماني قادره اتكلم وتجيب العربيه قلت ليش ماامشي قالت لا مانبغاك تولدي اليوم وادخل القسم وفحص ودكاتره واجتمعو على راسي قال الدكتور بنراقب الطلق لو زاد وفتح الرحم طبيعي نولدك لو هدأ نطلعك تنويم عادي خلاص مانشجع الولاده بها الوقت البيبي صغير والحضانه فايروسات ومشاكل للرضع افضل مكان له بالرحم سبحان الله واجلس والاجهزه علي والطلق خفيف وممنوعه من الحركه ركبو لي قسطره لما صلاة العشاء وضعي يحزن ميته جوع وعطش وممنوع اكل 😭 وصراخ الحريم يفجع وانا ماادري ايش وضعي بس ادعي ،، عالساعه ٨ زااااد الطلق وجاء الدكتور قال يااختي مافي استجابه للمهدئات وانتي ولاده وتجي دكتوره تفتح المويا وييدا الالم سبحان الله يارب تكتب الاجر ،، وبعد اربع ساعات تقريبا نقلوني الكشك خلاص وولدت حبيبة قلبي 🎀💞 يارب تحفظها يارب اشوفها تكبر قدامي بصحتها وعافيتها لما شفتها نسيت كل مامر علي بحملي 😭 فحصوها وطلعوها معاي قالو انتبهي انتي لها ان شاءالله كويسه ماشاءالله وكل شوي ياخذوها الحضانه ويرجعوها وانا مايحتاج اوصف لكم القلق والخوف بس ربي يحفظها لي رضاعتها ضعيفه وتجيها زي الكتمه كذا ويتغير للونها وقت الرضاعه والله حتى النوم ماانام اخاف عليها بس الدكتور يقولي يبغالها اهتمام وصبر والام افضل من الحضانه ،، دعواتك لي ربي يحفظها ويمتعها بالصحه والعافيه ويتمم فرحتي فيها يارب يارب يارب ،،،💕💕 خواتي اللي ولدوا الحمدلله على سلامتكم ومبروك ماجاكم الله يحفظكم جميعا ،، واللي لسى حوامل الله يهون عليكم ويرزقكم الولاده السهله يارب وتفرحون بشوفته اطفالكم بصحه وعافيه ،

الحمدلله الذي بنعمته تتم الصالحات الحمدلله حمدا كثيراا الحمدلله ،، رزقني الله ببنوته اسأل الله ان...

ليتني فداك ياماما :

صباح الخير حبيباتي .. طمنوووني عنكم اعتذر انشغلت الاسبوع هذذا والشغل مو راضي يخلص الله يعين .. مع ان لي اسبوعين في التاسع لكن مره مو متحمسه اولد ابغى اخلص اشغالي وبعدين اولد ع راحتي هههههههههه الله ييسرها ويكتب الي فيه خير لي ولكم

صباح الخير حبيباتي .. طمنوووني عنكم اعتذر انشغلت الاسبوع هذذا والشغل مو راضي يخلص الله يعين .....

قبل وبعد! :

مبروك نودي تتربى العروسه بعزكم ودلالكم يارب الحمد لله ولدتي اخر الثامن مو قبل انا ولدت في الاسبوع ٣٦ ويوم ولادتي كذا قالوا لي بنتي وزنها بالسونار صغير وبتدخل الحضانه من اسبوع لاسبوعين دخلت العمليات وانا اصيح وارتجف والله هاللحظه للحين مو راضيه تروح من بالي قد ماكنت خايفه وشايله هم بنتي بالحيل لكن رحمة ربي فيني وفبنتي كبيره الحمد لله مااحتاجت حضانه وجلست معي بالغرفه الله يعظم اجرنا يالامهات ويحفظ لنا ماعطانا ❤️

مبروك نودي تتربى العروسه بعزكم ودلالكم يارب الحمد لله ولدتي اخر الثامن مو قبل انا ولدت في...