دبية ،،،،
ألف مبروووك والحمدلله ع سلامتك
ومبروك ماجاك الله يجعله من مواليد السعادة


شوق العمر ،،،
الحمدلله على سلامة ولدك وربي مايوريك شر في غالي

الحمد لله الف مبروووك الله يروقك بره وتقومين بالسلامة

شوق حبيبتي الحمدلله اللي طمن قلبك
ربي يحفظه ويحميه ويبلغك فيه يارب
😍😍😍😍😍😍😍

روحي تطمني حبيبتي اذا كان متباعد ارجعي واذا قريب تبقي عندهم

بس الاحسن عشان تطمني كم فاتح

صباح الخيرات
والله يابنات من كثر ماعطوني مسكنات ياني جيعانه نوم بشكل مو طبيعي المهم طبعا قلت لكم قبل ان الدكتوره قالت تعالي الاربعاء اليومين دي مشيت فيها مشي مو طبيعي و طحت في التمر و العسل مع الحبه السوداء و المويا الدافيه وكمان كنت انقع رجلي بمويا دافيه ماكان فيه غير الم بسيط يجي ويروح كل ساعه وتنزل عليا السداده مع شوي دم رحت الاربعاء وانا متحطمه توقعت ماتدخلني مافي اي الم لقيتها مجهزه الورق حتى ماكشفت قالت يالله على الكشك ونتفاهم هناك 😣
المهم رحت ركبو الاجهزه كانت 10 ونص الصباح وهي جاتني 11 ونص قاست لقته بين 3 و4 بس الطلق خفيف فكت ليا المويا وقالت المويا مره صارت قليله على الجنين و راحت ابتدى يجي طلق بس بسيط بعدين شد شوي لكن محتمل حطت ليا ابر مدري ايش هي في المحلول جات الساعه 2 ونص الا نفس الشي 4 مافتح زياده اتحطمت وخفت قلت اكيد بتحولني قيصري لانها فتحت المويا يعني لازم اولد قامت قالت المثانه مليانه مويا سبحان الله ماكنت احس باي شئ او رغبه في التبول ابدا وقالت حطو قسطره مجرد ماحطوها اتعبت مرتين يفرغوها وانا ولا حاسه 😅 بعدين ابتدي يزيد الطلق بس برضو مو مره جات كشفت قالت المثانه نازله ساده الطريق على البيبي وعلى الطلق ورفعتها بيدها مرتين و جات وحده ثانيه كمان رفعتها هنا حسيت البيبي يدف و الطلق زاد قالت ليا الحمد لله البيبي موقعه زيرو يعني مكان الولاده والرحم فاتح 5 بس الطلق صار قوي طلبت ليا ابره قالت بتريحك لون الابره فوشي اول مره اشوف ابره فوشي 😂 اخذتها من هنا على الساعه 4 ورحت بعالم ثاني دوخه ونوم احس بالطلق بس دايخه الراس ثقيله مره لين 5 ونص صار الالم قوي لدرجه لمن يجي يفوقني من تاثير الابره وابتدى الدف كنت طوال الفتره دي اشرب كل شوي مويا مع عسل حطتها في علبه مويا صحه وانا ادف وهم يقولو لا بدري بعد المغرب الولاده نعم ليش قالك لسى ماوصل 10 طيب ماقدر البيبي يدف وعلى دف وبكى مني ماعاد متحمله وصارت تجي وحده ورا الثانيه تحول توسع ليا شوي لين جات دكتورتي مع ان الدكتوره وسعت ليا الا ان البيبي شق كمان وهو طالع مع انه صغير وزنه 2و700 بس الولاده الي قبل الدكتوره كانت مسويه تضييق المهم جلست ادف ربع ساعه وعلى 6 شرف حبيبي الصياح يبكي ويعطس 😂 ياقلبي عليه الله يحفظه من كل شر والحمد لله دعيت لبنات التجمع و ربي يرزق الجميع الصلاح ويحفظ لكم من عندكم ويسهلكم يارب