لولؤة عقل زوجها :

بما انو الولد ف الحضانه وصاحيه م عندي شي خليني اكتبلكم اكشني اللزيز 😁😂 قلتلكم مره انو م ابغا امشي ولا اسوي شي يسرع الولاده ههههه بس قررت قبل اربعه ايام قبل لا اولد اني امشي ومن اول يوم بدأت امشي فيه لاحظت بدأت تجيني الام وطلق خفيف كنت امشي واشرب بعدها عصير اناناس قعدت تلاته ايام على دا الحال وجيتكم قلتلكم اني رحت المستشفى وفي طلق بس مو حق ولاده المهم عدا اليوم وجات ليلة ١ رجب سار جماع 🙊 وبعدها دخلت اتروشت بمويه دافيه مايله للحراره وكانت نفسيتي جدا سيئه فجأه كدا اكتئبت وكنت ابكي ف الحمام بعد ما خلصت ترويش اتوضيت وصليت ودعيت دعيت من قلبي وبعدها نمت حقت غفوه وكان يصحيني الطلق وارجع انام وقمت بعدها واذن الفجر ، صليت الفجر وحسيت بعدها في شي لزج الله يكرمكم ورحت الحمام لقيت افرازات بدم وطبعا الالام موجوده بس محتمله جدا هنا عرفت انو الولاده قربت بعدها قمت رتبت البيت وقعدت العب مع اختي فن رن 😂😂😂 جاب زوجي فطور وفطرنا وبعدها اخدت دش حار ونمت وكانت الالام تصحيني وارجع انام وعلى دا الحال الين بعد الظهر خلاص م قدرت وقمت اتروشت بمويه حاره واكلت تمر ورحت اتغديت عند امي العصريه ، العصر الساعه ٥ استويت وقلت يللا ع المستشفى دخلت الطواريء الساعه ٦ والرحم فاتح ٤سم عبال يعملو الاوراق وزي كدا كنت امشي في الاسياب والالم كل مالو يزيد طلعت الكشك تقريبا ٦ وتلت ومعايا امي وام زوجي لبست لبسهم وحطو جهاز الطلق ، ٧ الا ربع انفتحت المويه من حالها وجات قاست الدكتوره لقتو ٨ سم ماشاء الله وقتها اذن المغرب ودعيت قلت يارب سهل مخرجو يارب وابككي قعدو يجهزوني وانا وقت ما بيجهزو سرت ادفع لا اردايا والدكتوره تقللي استني لا تدفعي وانا من غير هوايا ادفع دفعتين وخرج ولدي الحمد لله 😩😩😩💙💙💙 وقعدت ابكي وابوس يد امي وتقللي لا تبكي خلاص خلصتي الحمد لله وكان متبرز م ااعرف هل اتبرز ف بطني ولا هوا مع الدفع كان بيتبرز الله اعلم ولدتو الساعه ٧ تمام يعني من يوم طلعت الكشك نص ساعه تقريبا وولدت الحمد لله كانت ولاده سريعه وسهله ياربي لك الحمد والشكر جيتهم مستويه وربي سهلها من عندو يارب لك الحمد والشكر من قبل ومن بعد وانصحكم وقت الطلق اكثرو من الحوقله والاستغفار والصلاة ع النبي والدعاء بالتيسير والحمد لله ويارب يكون خفيف ولطيف اكشني 💗💗ً وربي يرزقكم ولاده اسهل من ولادتي قادر يا كريم

بما انو الولد ف الحضانه وصاحيه م عندي شي خليني اكتبلكم اكشني اللزيز 😁😂 قلتلكم مره انو م ابغا...

حديقة أزهار :

كيف يعني اول فين تولدين

كيف يعني اول فين تولدين

°♡°سمر°♡° :

زي خواتي هههههه امس اختي تسحبني من يدي تقول والله لتمشين عشان تولدين وتجر فيه من مكان لمكان وانا ماقادره اتحرك ميته من الضحك😂

زي خواتي هههههه امس اختي تسحبني من يدي تقول والله لتمشين عشان تولدين وتجر فيه من مكان لمكان وانا...

لولؤة عقل زوجها :

ام وئام والله الوزن ارزاق انا ف حملي دا م كنت مهتمه ب اكلي ابدا وجا وزنو اكتر من اخوانو ماشاء الله ٣،٣٠٠ ماشاء الله ولدي البكر ٢،٦٠٠ والتاني ٢،٨٠٠ وبنتي باقيلها غرام وتسير ٣ كيلو

ام وئام والله الوزن ارزاق انا ف حملي دا م كنت مهتمه ب اكلي ابدا وجا وزنو اكتر من اخوانو ماشاء...

جنه الدنيا86 :

صباح الخير بدأت الالم معي من ٨ الصبح وبين كل ضربه وضربه ١٠ دقايق امس بليل شربت ماء دافئ مع معلقه عسل وحبه سوداء وبنتظر ساعه وبعدها بروح للمستشفى أدعن لي بولاده ميسره يارب يارب سهل لي

صباح الخير بدأت الالم معي من ٨ الصبح وبين كل ضربه وضربه ١٠ دقايق امس بليل شربت ماء دافئ مع...