رنين الغد :

الورد مدري تدلعينها والا عشان زوجه ولدك الوحيد تنشبين لها تلقينك كل طلعه وانتِ معاهم 😂😂

الورد مدري تدلعينها والا عشان زوجه ولدك الوحيد تنشبين لها تلقينك كل طلعه وانتِ معاهم 😂😂

][حبيبة زوجها][ :

الله يبارك في عمركم حبيبات قلبي مع اني جيت مره متأخر بس والله ماحسستوني اني غريبه ابدا❤️😩 يلا جيت اخبركم اكشن ولادتي ههههه هو مو جديد قريب من اكشن رنين انا طبعا الاحد كان موعدي زي ماقلتلكم وكشفت الدكتوره ولقت الرحم لسه مسكر😞 وقالتلي استمري على الخروع والمشي وكدا وخرجت من عندها متحطمه وقلت شكلي مطوله مره ورحت البيت وشربت خروع مع اناناس😷ورحت سويت مغطس مويه حاره وقمت العصر اخذت عيالي وخرجت امشي في حينا😂😂ومشيت يمكن ساعه وخلاص حسيت ركبي اتدمرت ورجعت البيت وسويت كمان مغطس مويه حاره وفي الليل قلتله قوم وديني البحر بنات عالم حوا يقولو المشي على رمل البحر يجيب ولاده صار يضحك علي 😂😂قال طيب يلا قومي ورحت ومشيت يمكن نص ساعه ورجعت البيت احس منتهيه من التعب خلااااص ونمت وصحيت الساعه ١٠ الصباح على مغصه مؤلمه وبعدها صرت احس في شي دافي ينزل قلت الله يستر شكلها المويه وقمت من الفراش واحس بيزيد بس مافك مره وحده ورحت غيرت وصحيت زوجي قلتله يلا مستشفى ورحت على ١١ وحطولي التخطيط مافي طلق وكشفت داخلي قالتلي واحد وسوتلي تحريض وبعدين جا زوجي يسال من بره قالتلو مافي ولاده😳انا هنا اتحطمت وبعد شويه قالتلي تنويم عشان المويه نقصت كتير حنعطيكي ٢٤ ساعه يجيكي طلق لو ماجا حنضطر للعمليه 😞 وبس جلست استنى يجي الطلق وادعي ربنا وفي كل سجود ادعي وكلمت بنات التجمع يدعولي والساعه ١٠ الليل فقدت الامل وقلت بنام ودوبي غفيت واصحى على الم قلت يابنت احسبي وفعلا حسبت لقيت الالم كل خمس دقايق ناديت الممرضه وانا مبسوطه اقولها في طلق جات حطت الجهاز حق التخطيط وراحت ولما رجعت شافته نادت دكتورة الطوارئ جات كشفت عليا قالت لسه ٢ سانتي🙁وانا حسيت نفسي اببكي انواع التحطيم😭 وانا الالم احس مو حق ٢ سانتي ابدا في اولادي بيجيني دا الالم على ٥ والا ٦ سانتي بعدين قالتلهم خلاص جيبوها قسم الولاده عشان اتابعها هناك مااقدر اجي الغرفه كل شويه وبالفعل اخذوني الساعه ٢ تقريبا وخلوني هناك مع التخطيط والين ٤ تقريبا جات كشفت قالت ٢ سانتي😭😭😭 وبدا الالم يصير غير محتمل ابدا قلت الحمد لله اكيد زاد عن ٢ سم ٣ مرات طلق غير محتمله قلت للممرضه نادي الدكتوره تكشف شكلي قربت وجات كشفت قالت لسه ٢ سم وانا وقتها بكيت وقلت يابنت اصبري شوي والدكتوره مستغربه قوة الطلق مع ٢ سم تقوللي شربتي قرفه قلتلها لا والين ٥ ونص احس خلاص ناديت الممرضه قلتلها في الدكتوره ناديها ابى عمليه خلاص مااقدر واحس الاكسجين راح وابى استفرغ الله يكرمكم وجات الدكتوره قالتلهم بسرعه اعطوها اكسجين وكشفت قالت الحمد لله ٥ سم قلتلها يعني لسه بدري خلاص وديني عمليه ماابى طبيعي وسحبت عليا وراحت😂والحمد لله سحبت عليا وجات طلقه بعد كم دقيقه من وقت ماكشفت الدكتوره وحسيت اني بدف ناديت الممرضه قلتلها في دف جات تجري ونادت الدكتوره جات كشفت قالت ممتاز الحمد لله ٧ سم بس لاتدفي خدي نفس انا هنا بكيت وانفجرت😭قلتلها ماحقدر اتحمل للعشره حموت ودوني عمليه والمشكله احس مكان العمليه صار حزام نار فوق الم الطلق جات الدكتوره الله يسعدها تمسد على راسي ومسكت يدي تقوللي معليش انا عارفه الالم وعارفه انه كتير بس استحملي راح كتير وبقي شويه ولا تدخلي عمليه الحمد لله كل شي ماشي طبيعي وانا ابكي ابكي واقوللها والله ماعدت متحمله وعلى ٩ سم بدا الدف الحقيقي فعلا وجات وصارت تحاول توسع للراس بيدها وموراضي يطلع معلق وتقولي دفي بنفس واحد لاتاخدي نفس وانا احس وجهي بينفجر خلاص وماطلع الراس تقريبا ٥ دفات زي كدا وماطلع قامت شقتني وطلعتها وجات احلى آرام في الدنيا وبس حطوها على بطني علقت على كلمة الحمد لله الحمد لله 😂 وبس مبتسمه احس الابتسامه مو راضيه تروح من وجهي😁 😂😂😂 وطبعا معاناة الخياطه بعدها اعطتني ابرتين تخدير في فخدي وبرضو حاسه بالخياطه والابره 😢 وخلصنا الحمد لله ونسيت الدنيا وكل الالم والتعب لما شفت رورتي ربي مايحرمني منها ومن اخوانها❤️❤️❤️ وتوته توته خلصت الحدوته

الله يبارك في عمركم حبيبات قلبي مع اني جيت مره متأخر بس والله ماحسستوني اني غريبه ابدا❤️😩 يلا جيت...