غيوم ☁️ :

مشكوره يالغلا يعطيك العافيه🌹 انا ببكري نزلت موياء الراس وعلى طول رحت للمستشفى ماسويت ولا شى واعطوني طلق صناعي والحمدلله جبته بعد4ساعات ماطولت وهالمره ودي اجرب الطلق ولا اروح بدري لكن خايفه من نزول المويا 😣😣

مشكوره يالغلا يعطيك العافيه🌹 انا ببكري نزلت موياء الراس وعلى طول رحت للمستشفى ماسويت ولا شى...

ساره بيسو :

وأوصيكم ياصبايا أذا جاكم الطلق سوو حلبه وحلوها بعسل أصلي وأشربوها تساعد على الولاده تصدقون يوم جات الدكتوره تكشف علي قالت انتي شاربه حلبه قلت ايوه قالت ريحتها باينه فيك قلت هي كويسه قالت ايوه حبيبتي شوفي مفعولها فيك طلقك منتظم والرحم يفتح بسرعه وعلى فكره انا قريت عنها في بكري وطبقتها في كل ولادتي وفعلاً مفولها قوي بعد ماأشربها ينتظم الطلق ويفتح الرحم بسرعه فأوصيكم فيها بقوه

وأوصيكم ياصبايا أذا جاكم الطلق سوو حلبه وحلوها بعسل أصلي وأشربوها تساعد على الولاده تصدقون يوم...

Madame Sunset :

بنات تكفون ادعولي قسم خايفه رحت موعدي وقال الدكتور المشيمه متكلسه يعني ماتغذي البيبي وخفت قلت فيه خطوره قال فيه حركه قلت ايوه بس تذكرون قلت لكم اني وسوسة من الحركه والله خايفه مره بينوموني وطلعت اجيب اغراضي ورجع

بنات تكفون ادعولي قسم خايفه رحت موعدي وقال الدكتور المشيمه متكلسه يعني ماتغذي البيبي وخفت قلت فيه...

ساره بيسو :

أكشن ولادتي مدري أقول مفرح ولا مفجع عاد مدري كيف جاء وكيف جاء بس الحمدالله الي قمت انا وولدي بالسلامه انا سبق وقلت لكم اني الدكتوره عطتني موعد سونار مهبلي تشوف وضع المشيمه وكنت متردده أسويه ولا لا وخايفه وفي نفس الوقت مكذبتها انها ماعندها سالفه وجاء السبت في الظهر الا زوجي قال انا بأطلع وشوفي بكره الصباح بأخذك وانزلك في المستشفى خلصي السونار وقابلي الدكتوره وطلع زوجي السبت لظهر وطلعت انا من وراه العصر 😂😂رحت محل أواني منزليه على نفس الشارع ومشيت وعيالي معي مشيت ماهو هين وأخذت لي كم شغله اعجبتني ورجعت بيتي وسويت لي ثلاجة قشر بقرفه ويانسون ودقت علي بنت عمي ومسكت سوالف انا وهي وامشي واكلمها الا يوم خلاص تبنجت فخوذي ورجولي وصرت ماأقدر أرفعها أذا قمت ونمت وصحيت الصباح الا فيني مغص يروح ويجي وصحيت ولدي وعلى المدرسه وصحى زوجي ونزلني في المستشفى وراح دوامه وانا المغص فيني يمسكني ويفكني وأروح للحمام وأرجع وشكيت في الوضع وسويت السونار وقالت كل شي تمام بس انتي الدكتوره طالبه منك سونار مهبلي تبغين تسوينه ولا عادي قلت سويه خفت أروح لها وترجعني وسوته وقالت روحي قابلي الدكتوره ورحت اطلب موعد طلع زحمه عندها وسخر ربي لي دكتوره غيرها وحجزت عندها ودخلت على طول قالت لازم افحصك واللحين قلت لا قالت السونار مبين عنق الرحم عندك مفتوح أخاف تولدين في السياره وفحصتني وقالت ولاده مفتوح ٤ سم قالت روحي تمشي وأرجعي اذا انتظم عندك وأطلع مثل المجنونه وأكلم زوجي بسرعه تعال وجاء ورحت البيت وسويت لي قشر وقرفه وأكلت تمر وسويت حلبه وحليتها بعسل وشربتها الا خلاص ماعاد تحملت الطلق وجاء ولدي من المدرسه وتغدينا وصليت العصر وركض على المستشفى ودخلت الا يمه فيه وحده تصيح قدامي ومشغولين فيها على وشك ولاده وانا بس أبكي وأصيح وأدعي لها ولي وللجميع والله الا شوي سمعت صيحة ولدها وزاد الخوف عندي عرفت الدور فيني انا وخلصوها وجو عندي الا هو مفتوح ٦ سم وخلوني ساعه ورجعو الا هو ٩ سم وفكو المويه علي ماأنفكت للأسف رغم قوة الطلق ولبسوني لبس الولاده وفكو السرير وانا بس أصيح وهم يهدون فيني وجو يبغون ولدي يطلع عيا يطلع ووسعو المنطقه عندي ويقولون لي بوش بوش وانا دفعت بكل قوتي حسيت اني شوي وأنفجر ولا طلع لأن الاخ جاي على وجهه وحجر في بطني وانا أصيح وهم يحاولون بينخنق بسرعه دفي دفي وبالموت طلع وطلع الا هو مسود وخذوه على طول على الملاحظه وجلسو يحاولون في المشيمه تطلع وبعد هي بالموت طلعت وبدأو يخيطون ويحوسون فيني واللهم لك الحمد وجبته على أذان العشاء وخلصوني وخلوني ساعه وطلعوني غرفتي وأرتحت اللهم لك الحمد بعد التعب الي صار لي وانا طالعه من غرفة الولاده شفت وحده قدام الباب منهاره بكى وصياح وأمها عند راسها تهديها وزوجها خايف عندها عاد انا رحمتها وقلت الله يعينك ويقومك باسلامه بغى يتقطع قلبي عليها وهذا أكشني كامل بالتفصيل سويت لكم قصة مسلسل كامل 😂😂😂 بس أبيكم تعيشون الجو معي 😬😬 أعذروني اذا طولت عليكم

أكشن ولادتي مدري أقول مفرح ولا مفجع عاد مدري كيف جاء وكيف جاء بس الحمدالله الي قمت انا وولدي...