معاك يا غاليه :27:

بنات احب اضع بعض التجارب من المنتدى انتظروني قريباااااا
اصلي واكمل لكم

خواتي الطريقه صحيحه وانا سويتها عن طريق الدكتورة والسبب العلمي هو:

**ان الحيوانات المنويه الخاصه بالبنات قويه وثقيله في السباحه في الرحم وتقدر تعيش لمدة 48 ساعة وأكثر عشان جيه حتى لو صار الجماع قبل التبويض الحيوانات المنويه هذي تقدر تتريا..

**اما الحيوانات المنويه الخاصه بالأولاد ضعيفه وايد وسرييييييعه وتعيش بس 24 ساعه..يعني لازم ما يصير الجماع الا وقت التبويض عشان تسبح بسرعه وتتلقح بأذن الله...((عشان جيه معظم حالات الاجهاض تكون بأولاد لان الحيوان المنوي ضعيف))

انا في في حملي مرتين بالبنات كان الجماع من بعد الدوره على طول..اما في حملي هذا قالتلي الدكتوره اصبري وسوي تحليل التبويض المنزلي ويوم بتشوفين ان في تبويض خلي الجماع يصير..وفعلا جربت الطريقه وانا الحين في اخر الشهر السابع وقالولي ولد..وفي النهايه كل شي بيد الله


منقووووول

شوفي حبيبتي
انا حملت بولدي سنة 2007 على اختبار التبويض و كنت الشهر اللي قبله ماخذة منشطات وما حملت
فقررت اسوي اختبار التبويض و اراقب التبويض بنفسي و فعلا حملت ويبت ولدي عقب 4 بنات
خل اقول لج القصة عشان تفهمين

اولا لازم تعرفين ان الخط اللي يطلع بالبداية يكون خفيف و يغمج بالتدريج لما يصير لونه غامج مثل الخط اللي يمه مال المقارنة...عرفتي
انزين شنو معناة ان الخط غامج؟ معناه ان البويضة جاهزة بس للحين بالمبيض ما طلعت يبيلها 24 ساعه عشان تطلع و تكون جاهزة للتلقيح و هذا الوقت يكون مناسب لحمل الولد .... يعني لما شفتي الخط غامج معناه بويضتج نضجت بالمبيض و تحتاج 12 الى 24 ساعه عشان تطلع و يفضل الجماع يكون بعد 12 الى 24 ساعه من شوفتج للخط الغامج عشان تزيد احتمالات الولد.... بس اذا كان هدفج الحمل بس ايا كان البيبي بنت او ولد مومهم فاول ما تشوفين الخط الخفيف بين تبدين الجماع الى ان يغمق الخط و بعدين يرجع يفتح مرة ثانية طول هالايام خليها جماع كل يوم...

انا لما حملت بولدي شفت الخط صار غامج و بعد 24 ساعه حصل جماع مرة الظهر و مرة بالليل و بس .... حللت بعد تأخر الدورة و طلعت حامل.
الله يكتب لج الحمل يارب منقول

رفع